مكان ولا اروع .. ديكورات وتنظيم وترتيب شي يسر الخاطر .. اربعة ادوار .. كل دور فيه ما تشتهيه الانفس .. الدور االارضي مطاعم من كل اشكال واصناف المأكولات ..فيها مالذ وطااب .. اطلب وجبتك المفضلة ولا تدفع اكتر من عشرة ريال
بس ..والببسي وكافة المشروبات مجانا !!
الدور الاول اكسسوارات وكماليات ومكياج وعطور وملابس بانواع الموديلات الفرنسية والامريكية والانجليزية .. نسائية رجالية .. ولادي .. بناتي ومن اشهر الماركات >> حتى الملابس حقت العيد جايبينها من دحين ..
نقي اللي تشتهيه ومن أي نوع ولا تدفع/ي غير عشرة ريال بس ..يابلالاش!!
الدور التاني كل انواع الاحذية والحقائب النسائية ومن كل ماركات الدنيااا اللي تخطر عالبال .. نقي اللي تشتهيه ولا تدفع/ي غير عشرة ريال بس.. يابلالاش !!
الدور التالت كله العاب اطفال والتسالي وفيه مكان تحطوا اطفالكم تحت مسؤليته يلعبهم الين تخلصوا تسويق ولا تدفعووا غير عشرة ريال بس .. يابلالاش!!
طبعا ما اخفيكم مليت العربية حقت التسويق ماخليت شي مااشتريته ..اشي عطور واشي جزم لكم الكرامة واشي ملابس..حتى اشياء العيد اخدتها من بدري .. وقلت اطلع عالدور الرابع اشوف ايش فيه ..
دوبي اخدت الاسانسير وضغطت على رقم "4" وتنطفي الكهرباااا وصرت اخبط عالباب واصيح واصيح باعلى صوتي الين صحيت من النوم مفجوع وريقي نااااااشف وقلبي يدق يدق يدق ..وقلت خير اللهم اجعله خير ..
جمبي كاسه مويه شربتها وعدلت نومتي..
شكلي كترت الفوووول ونمت ..
بس زعلت على العربية نسيتها في الاسانسير ولا اتهنيت بيهاااا 
!! 
09-07-2012, 03:59 PM
اضرب فيها ولن تحلم بعد الآن . 
