logo

هوامير البورصة السعودية > الاقسام العامة لموقع هوامير البورصة > قسم الطب وخبرات التداوي وطب الأعشاب

معقولة نقص فيتامين يسبب كل هالمعاناة !!!



صفحة 1 من 13
1
2
3
4
5
6
7
8
9
10
11
الأخيرة »
قديم 20-09-2012, 01:50 AM
  المشاركه #1
صدوق المعاني
عضو هوامير المميز
تاريخ التسجيل: Jul 2006
المشاركات: 4,315
 


معقولة نقص فيتامين يسبب كل هالمعاناة !!!

مساء الخير عليكم جميعا ...

بقولكم معاناتي لي 10 ايام يمكن
تستفيدون منهااا

هذا سلمكم الله لي 10 ايااام اعاني من دوار وتأرجح بالراس وغثيان وزغلله بالرؤية
(( تعرفون الشعور اللي يجيكم بعد ماتركبون الصحن الدوار نفسه بس 24 ساعة مايفصل ))

حتى الدوام ماروح له طايح بالفراش


رحت لدكتور أذن قال مشكلة بسوائل الأذن الداخلية وصرف لي علاج واليوم راجعته الدوران خف
بس التوازن مافيه والتركيز ماش

وقل اعمل فحص فيتامين د

سويته وطلع بعد ساعتين

وطلعت النتيجه 9 والطبيعي 20 - 75

سويت بحث بالعم قوقل ولقيت قصص عن نقص هالفيتامين


وهذه قصة منهااا :

بدت معاناتي بداية العام الماضي كنت احس بتعب وارهاق بسيط وكنت دايما ابي انام ورجليني دايما ثقيله واحس عضلاتي مشدوده قلت يمكن ارهاق الدراسه والتعب والشغل , مع اني اكل صحي بس حاولت اغير بنظامي الغذائي زدت كمية الفواكه والخضار والعصيرات الطازجه وصرت اخذ فيتامينات اضافيه بس المشكله ماراحت صارت تروح وتجي وفجأه بمنتصف السنه لقيت جسمي مو طبيعي دوار وضيق نفس و ضعف بالعضلات ورجفه وخفقان سريع بالقلب حسيت انه راح يغمى علي تعب شديد لدرجة ماتحمل اسمع اي صوت او اكلم احد ,وصل الأعياء حد اني ماصرت اقدر ارفع يدي واحط لقمه بفمي حتى مضغ اللقمه صعب , رحت الطوارىء اكثر من 10 مرات يمكن احد يجاوبني كل مره يعطوني دوا جديد ولافي فايده وكانت الأدويه تزيد من حالة الأعياء شكو بالغده الدرقيه لكن طلعت التحاليل سليمه,كانو الأطباء ياخذون الوالد على جنب ويقولون له بنتك فيها حاله نفسيه يبغالك تعرضها على طبيب نفسي او خذها مشوار تغير جو ,كنت ارجع البيت ميته قتلو نفسيتي بكلامهم حسبي الله عليهم كفايه التعب الي كان عندي,مرت الأيام و زادت الأعراض صار الدوار غير طبيعي الدنيا تلف حولي صرت اشوف الأشياء مقلوبه وعيوني تتحرك بسرعه ماقدر اشوف اي شي قدامي وغثيان شديد ويستمر الدوار حتى وانا نايمه ويمكن اسوء,صرت ماقدر انام تغفي عيني شوي واصحى من ات قلبي السريعه وضيق النفس كنت احاول امد يدي لكاس المويه الي جنبي وماقدر اوصل له من التعب, وصلت لدرجة اني ماقدر امسك فرشاة اسناني كنت اغسل اسناني عزكم الله وانا جالسه على كرسي وصلت لمرحلة ان امي تساعدني بتغيير ملابسي وتساعدني بأكلي وشربي,صرت وانا امشي اسحب رجليني سحب لأنهم مايساعدوني بالمشي كنت امشي وامسك جدران البيت واحيانا يجيني دوار شديد اثناء المشي يخليني اوقع واضرب الجدران,صلاتي قمت اصليها جالسه وحتى وانا جالسه احس اني راح اوقع على وجهي من شدة الأعياء ,كل هذا وماحد ملاقي لي حل من طبيب لطبيب كان الوالد شايلني على كرسي متحرك ومن طبيب لطبيب رحت القلب ,الباطنيه,مخ و اعصاب عملت تصوير مغناطيسي ومقطعي وكلها سليمه,انف واذن وحنجره لعل وعسى يكون الدوار من الأذن الداخليه بس كل شي كان سليم كانو يعطوني تمارين للأذن عملتهم بس بدون فايده, كانت لما تجيني الدوره الشهريه اموت اكثر لدرجه قمت ادعي ربي انها تنقطع عني من كثر التعب الي كنت اشوفه منه كانت مو طبيعيه ابدا,صارت آلام جسمي لاتحتمل الام شديده في جميع عظامي وعضلاتي حتى اسناني كانت توجعني وعظام الجمجمه خلف الأذن ,مافي عظمه بجسمي ماكانت توجعني كنت اروح اطوارئ كل شهر اخذ ابرة فولتارين لألم الجسم, كل المعاناة هذي وانا صابره وادعي ربي يشفيني وينور طريقي لعلاجي ,بالنهايه صرت خلاص مافارق فراشي صرت شبه ميته آمنت بالموضوع وقلت يمكن هذي نهايتي يمكن اموت وماظن اني اعيش اكثر خلاص هذا كله مقدر ومكتوب وهذا الي الله كتبه علي وانا قابله فيه.ضليت عايشه كذا تقريباً 8 شهور ميته على فراشي.
ومره امي حاطتلي التلفزيون على قناة والله ماتذكرها المهم في موضوع عن الروماتيزيوم وعلاقته بألآم العظام وشي كذا صرت اسأل نفسي اذا التحاليل الي خذوها لي سليمه وضغطي وسكري سليم والأشعه الي على الراس سليمه يعني مافي الا شي صايب عضلات جسمي وعظامي يمكن اطباء الروماتيزيوم ينفعوني,قلت للوالد ليش ماتاخذني عند الروماتزيوم قالي لأ يابنتي هذا للكبار بالعمر انتي صغيره قلت له خلينا نجرب يمكن الاقي حل.
رحت لدكتور اردني ماخذ البورد الأمريكي مرتين وشرحت له الموضوع كله قالي باخذ لك تحاليل ولما عطاني الورقه اول مره بحياتي اشوف التحاليل هذي لجهاز المناعه واشياء كثيره غريبه عجيبه المهم اكثر من 20 تحليل اذكر خذو مني 6 انابيب دم لدرجة اني بعدها دخت لمدة اسبوعين ماتحملت.قالو لي راح يرسلوها فرنسا وبعد اسبوعين ارجع استلم النتيجه.
رجعت وانا كلي امل ان بلاقي الحل وتفاجأت بلي سمعته قالي النتائج كلها سليمه ماعدا شي واحد هو فيتامين د3 ناقص ومعدله كان 11 نانوجرام/مليجرام. الصراحه تفاجأت وماصدقته قلت له دكتور تأكد مو معقوله بس هذا الي ناقص في شي اكثر من فيتامين لأن ماظنيت فيتامين يعمل بجسمي كل هذا ,قالي يعمل اكثر يجيب سرطانات وضغط وسكر ومرض التصلب المتعدد والزهايمر وامراض كثيره قالي الحمدلله انها جت على كذا ولقينا السبب ,حمدت ربي رجعت البيت كلي امل ان العلاج هذا راح يغير حياتي.
كنت آخذ 50.000 وحده دوليه كل اسبوع لمدة 3 اشهر, اول 3 جرعات حسيت بتغيير زاد الأمل عندي ,استمريت مع نهايه العلاج الألم اختفى ماصدقت ان نقص فيتامين د ممكن يعمل كذا, انا الآن بعد 4 ونص شهور من العلاج وحالتي في تحسن الصعف العضلي لسى موجود مشيتي شوي مترنحه مامشي طبيعي بس اقدر امشي الحمدلله مو مثل اول ملازمه فراشي والتعب لسى موجود احيانا مااقدر اقوم من فراشي من التعب بس هذا التعب يختلف عن الموت الي كنت عايشته الحمدلله . سمعت من دكتور هولك بمايو كلينك بإمريكا ان العلاج ياخذ من 9 الى 12 شهر لحد مايرجع المريض لحياته السابقه الي يعرفها ويختفي التعب والضعف العضلي.
اي احد عنده تجربه مع نقص فيتامين د حابه اسمع تجربته احس انا الوحيده بس حابه احد يدعمني .
ادعولي .




- وبالاخير انتبهوا من نقص هالفيتامين وتعرضوا للشمس كثير والله لايوريكم مكروه يارب ؟؟

الموضوع الأصلي : اضغط هنا    ||   المصدر :

قسم الطب وخبرات التداوي وطب الأعشاب
 
  
قديم 20-09-2012, 01:57 AM
  المشاركه #2
سعد فهد
عضو هوامير المميز
تاريخ التسجيل: Nov 2011
المشاركات: 135
 





فعلا صحيح نقص فيتامين د يسوي الهوايل

شكرا على الموضوع والتنبيه







قديم 20-09-2012, 02:02 AM
  المشاركه #3
SAUD2SA
عضو موقوف
تاريخ التسجيل: May 2008
المشاركات: 25,916
 



اخاف عقب موضة فيتامين د تاصل الحبه للالف ريال ويصير فينا مثل مكاين سنجر للخياطه!!
الا منهو وكيلها بالمملكه



قديم 20-09-2012, 02:03 AM
  المشاركه #4
kalame
عضو هوامير المميز
تاريخ التسجيل: May 2010
المشاركات: 5,083
 



الشمس الشمس ضروري التعرض لها وخاصة الأطفال



قديم 20-09-2012, 02:04 AM
  المشاركه #5
ابوزياد222
عضو هوامير المميز
تاريخ التسجيل: Sep 2011
المشاركات: 1,664
 



كلام جميل ومفيد ومشكور على التنبيه والموضوع



قديم 20-09-2012, 02:13 AM
  المشاركه #6
الشوير
عضو هوامير المميز
تاريخ التسجيل: Aug 2006
المشاركات: 13,822
 



دخلت موضوعك وانا عارف انه فيتامين د

يسمونه القاتل الصامت

نقصه يسبب حتى الامراض النفسيه شبه المزمنه مثل الاكتئاب الحاد

نقصه يسبب الام في العظام وعدم القدره على الاحتمال

وغير كذا الكثير الكثير

القاتل الصامت اسم على مسمى



قديم 20-09-2012, 02:16 AM
  المشاركه #7
Falc0o0n
عضو هوامير المميز
تاريخ التسجيل: Jan 2010
المشاركات: 313
 



اقتباس:
المشاركة الأصلية كتبت بواسطة kalame
الشمس الشمس ضروري التعرض لها وخاصة الأطفال
مع الشمس يجب شرب الحليب ومشتقات الالبان




قديم 20-09-2012, 02:16 AM
  المشاركه #8
@ساري@
عضو هوامير المميز
تاريخ التسجيل: Feb 2007
المشاركات: 1,141
 



انا عندي دوران والم بالعظام وحللت وطلع عندي 10



قديم 20-09-2012, 02:20 AM
  المشاركه #9
خالد05
مشرف رقابي على أقسام المنتدى
تاريخ التسجيل: Jun 2012
المشاركات: 11,277
 



أسئل الله ان يكتب لك الصحه والعافيه ولجميع المسلمين
ونصيحه لا يخلى بيتك من فيتامينات ((سفن سيز)) سواء لك أو لأبنائك



قديم 20-09-2012, 02:22 AM
  المشاركه #10
صدوق المعاني
عضو هوامير المميز
تاريخ التسجيل: Jul 2006
المشاركات: 4,315
 



اقتباس:
المشاركة الأصلية كتبت بواسطة ساري
انا عندي دوران والم بالعظام وحللت وطلع عندي 10

انتبه آخوي ترى هو مرض صامت

لكن يمكن تظهر اعراضه فجأة

او مع مرورك باجهاد او مرض اخر

والله اعراضه متعبه جدااا وتكره الدنيا بسببه



قديم 20-09-2012, 02:24 AM
  المشاركه #11
@ساري@
عضو هوامير المميز
تاريخ التسجيل: Feb 2007
المشاركات: 1,141
 



اقتباس:
المشاركة الأصلية كتبت بواسطة صدوق المعاني



انتبه آخوي ترى هو مرض صامت

لكن يمكن تظهر اعراضه فجأة

او مع مرورك باجهاد او مرض اخر

والله اعراضه متعبه جدااا وتكره الدنيا بسببه
انا على طول كسلان وخمول واوجاع قالي واحد حلل فتامين د يمكن يصير ناقص



قديم 20-09-2012, 02:29 AM
  المشاركه #12
الغذائيه
عضو هوامير المميز
تاريخ التسجيل: Apr 2011
المشاركات: 2,089
 



يعطيك العافيه اولا حبيت استفسر معقوله له دخل بالاكتئاب وضيقة الصدر طيب وين أحلل هل اي مستشفى يفيدني عن نقص الفيتامين او بعضهم وفيتامين د بويش موجود اكثر شئ ؟ بالنسبة للاكتئاب والخوف والرعشه استخدمت حبوب السيروكسات قبل فتره والله لايوريكم حالتي النفسيه تعبت اكثر والحمد لله تركتها الان "



صفحة 1 من 13
1
2
3
4
5
6
7
8
9
10
11
الأخيرة »



الكلمات الدلالية (Tags)

معقولة

,

نقص

,

هالمعاناة

,

يسبب

,

كل

,

فيتامين


«

عرق النَسا

 |

من جرب بروفين 400 لالتهاب الضرس الشديد ؟؟؟؟؟؟!!!!!!

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


01:43 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.