logo

هوامير البورصة السعودية > الاقسام الرئيسية لموقع هوامير البورصة > الاسهم السعودية

اعلان مضلل من بنك الرياض للقروض يقول النسبه1% تبي تعرف ادخل



صفحة 1 من 7
1
2
3
4
5
6
7
أدوات الموضوع
قديم 08-10-2012, 04:09 PM
  المشاركه #1
freef
عضو هوامير المؤسس
تاريخ التسجيل: Nov 2005
المشاركات: 9,411
 


اعلان مضلل من بنك الرياض للقروض يقول النسبه1% تبي تعرف ادخل

اعلان مضلل من بنك الرياض للقروض يقول النسبه1%

اليوم مريت بنك الرياض طبعا حسابي في بنك الرياض قلت ابي قرض طالما ان النسبه 1%
قال الموضف نعم النسبه 1%في الميه كم تبي قرض

قلت ابي 100الف على خمس سنوات قال طيب احسبهالك

جلس يخبص وبعدين قالي نعطيك 100الف ب فوائد9800 على خمس سنوات قلت سلامات كيف حسبتها
قال اذا القرض على سنه نحسبها 1في الميه وذا اكثر من سنه نحسبها على1.95 صراحه صدمني كيف تنصبون علينا يابنك الرياض
طيب كم القصد قال
1830شهري على 60شهر طلع اجمالي المبلغ مع القروض 109800الف ريال
قلت طيب وش تعطوني قال نبيعك مكيفات ههههههههههههههه قلت لا ابي اسهم قال لا نعطيك مكيفات وتوكل واحد يبيعها برسوم 1600ريال رسوم اداريه شف الحراميه طلعت كل الفوائد 9800+1600=11430ريال

تصبح النسبه2.29% وليس1%

قلت للموظف والله انكم ماتستحون يابنك الرياض ولاتحترمون عقول عملاكم
وصرفت النظر عن حكايت القرض ولان مقرر تحويل راتبي الى اقل بنك ياخذ فائده بطرق نظاميه وليس خدع
فماهوا البنك الافضل في القروض وفي النسبه مع ان المبلغ الي محتاجه فقط100الف ريال
الموضوع الأصلي : اضغط هنا    ||   المصدر :

الاسهم السعودية
 
  
قديم 08-10-2012, 04:24 PM
  المشاركه #2
tammami
عضو هوامير المميز
تاريخ التسجيل: Sep 2008
المشاركات: 4,304
 



حتى عرض التمويل العقاري 1.90 كذب
يقول لك لمدة خمس سنوات فقط ومعروف ان خمس سنوات للقرض الشخصي
يتوقعون انه فن التسويق وهم يفقدون المصداقية مع كل اعلان وتصبح اعلاناتهم فالصو





قديم 08-10-2012, 04:27 PM
  المشاركه #3
OoSTARoO
عضو هوامير المميز
تاريخ التسجيل: Feb 2007
المشاركات: 1,708
 



جميع البنوك عندنا حراميه



قديم 08-10-2012, 04:28 PM
  المشاركه #4
freef
عضو هوامير المؤسس
تاريخ التسجيل: Nov 2005
المشاركات: 9,411
 



اقتباس:
المشاركة الأصلية كتبت بواسطة tammami
حتى عرض التمويل العقاري 1.90 كذب
يقول لك لمدة خمس سنوات فقط ومعروف ان خمس سنوات للقرض الشخصي
يتوقعون انه فن التسويق وهم يفقدون المصداقية مع كل اعلان وتصبح اعلاناتهم فالصو
شي محزن لوحات اعلانات ماليه الشوارع والجولات والطرق بنك الرياض اقل فائدة1% وفي الاخير طلعت الفائدة2.30حركه سيه من البنك مع اني كنت مسمع فيه بس بعد الخداع الي يعمله مع عملاه كرهته وناوي ابحث عن بنك يكون واضح وصادق مع عملاه



قديم 08-10-2012, 04:30 PM
  المشاركه #5
اوشيقراوي عالمي
عضو هوامير المميز
تاريخ التسجيل: Nov 2010
المشاركات: 1,727
 



أنا اتصلت عليهم اليوم وسئلتهم عن القرض وعن شراء ارض با الإيجار وشراء منزل. بصراحة بصراحة حرررررامية انتبهو يا جماعة من اللعب اللي عندهم شوفو لكم بنك غير بنك الرياض الحين اذا اشترى لك ارض ب650 مثلا يتكسب من وراك 300000 يعني ترجع لة 950000. وين عايشين في غابة وحوش



قديم 08-10-2012, 04:35 PM
  المشاركه #6
freef
عضو هوامير المؤسس
تاريخ التسجيل: Nov 2005
المشاركات: 9,411
 



اقتباس:
المشاركة الأصلية كتبت بواسطة اوشيقراوي عالمي
أنا اتصلت عليهم اليوم وسئلتهم عن القرض وعن شراء ارض با الإيجار وشراء منزل. بصراحة بصراحة حرررررامية انتبهو يا جماعة من اللعب اللي عندهم شوفو لكم بنك غير بنك الرياض الحين اذا اشترى لك ارض ب650 مثلا يتكسب من وراك 300000 يعني ترجع لة 950000. وين عايشين في غابة وحوش
صدقني اليوم بغيت ادرعم حسبت الفائدة1%بس بعد انفضاح امرهم جلست ادقق على الموظف وفي الاخير طلعت النسبه 2.30وجه الموظف غدا طماطه من الفشله قلت عيب يابنك الرياض تعملون كذا الخداع هذا محرم والتدليس في الاعلان يختلف عن الكلام الي تقوله لي قال ياخي هذي سياسة البنك لازم نسوي كذا ولا كان محد جا البنك وربي قهرني قلت خلاص صرفت النظر عن القرض ورحت منعنده وناوي ادور بنك اقل في الفوائد وصادق في التعامل



قديم 08-10-2012, 04:38 PM
  المشاركه #7
بولش بيرش
عضو موقوف
تاريخ التسجيل: Jul 2012
المشاركات: 729
 



ذيب ما شاء الله عليك .. يا كافشهم



قديم 08-10-2012, 04:38 PM
  المشاركه #8
وهكذا الايام
عضو هوامير المميز
تاريخ التسجيل: Nov 2007
المشاركات: 2,050
 



عمرك سمعت بالفار الطاهر ؟؟؟



قديم 08-10-2012, 04:44 PM
  المشاركه #9
tofy
عضو هوامير المميز
تاريخ التسجيل: Aug 2010
المشاركات: 229
 



يحسبون بطريقتهم هذه شطاره بل هي احتيال واخذ المال بغير حله فنقول حسبنا الله عليهم ونعم الوكيل واصبح الربا هو ديدن وتعامل البنوك ويقولون عندنا هيئه شرعيه وفتوى هذه مكتوبه من اللجنه وهذا توقيعهم والله المستعان



قديم 08-10-2012, 05:02 PM
  المشاركه #10
طلال1999
عضو هوامير المميز
تاريخ التسجيل: Jan 2006
المشاركات: 6,861
 



ولا يهون بنك الانماء

احد المعلمين اخذ قرض عندهم بنسبة 3% قرض عقاري

بعد سنتين رفعوا عليه النسبه الى 3.75 بحجة تقييم العقار

مع العلم ان العقار وقت الزياده في نزول ملحوظ ههههههه

لعب في لعب

مين يحاسب ؟؟ لا احد خذ راحتك



قديم 08-10-2012, 05:07 PM
  المشاركه #11
freef
عضو هوامير المؤسس
تاريخ التسجيل: Nov 2005
المشاركات: 9,411
 



انا استغرب كيف تمر مرور الكرام على موسسة النقد اعلانات البنوك المظلله والله شي محزن الي يصير لنا من بنوك الفلس لابارك الله فيهم



قديم 08-10-2012, 05:08 PM
  المشاركه #12
منقذ
عضو هوامير المميز
تاريخ التسجيل: Jul 2006
المشاركات: 53
 



كلهم حراميه



صفحة 1 من 7
1
2
3
4
5
6
7




«

تعلن شركة المجموعة المتحدة للتأمين التعاوني (أسيج) حصولها على موافقة

 |

سهم دخله قروب وبيحركه والله الموفق

 »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


06:30 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.