للعيد في حرف المعنى قصايد
يزهى اللي بها اللي مايعرف الردية
يقدح بها نزفه فنون وقلايد
وجانا يهنينا بعيد الضحية
يامرحبا مليار عيد ومعايد
ياشاعر ٍ ترضخ له الأبجدية
شبت ضلوعك شعر والقاف قايد
وهلّت علينا من رذاذ ابردية
ميلاد تسع من القصايد جدايد
ورسونها كف الفتى الأجودية
لا ياحمد لازال خلي يكايد
ومدري وش اللي مبعده عن خويه
رغم ان عندي غير خلي فرايد
إلاّ ان قلبي وقعته سرمدية
سنين عشقي ذابلات وشدايد
سبع ٍ عجاف وكلها محقرية
لا ياحمد عيدين ماجا يعايد
وش حيلة المبلي بعشق ابدوية
ماجاه مني غير حب وعوايد
ماهي فعايل لبوة ٍ يعربية
لا ياحمد ماله شبيه وندايد
عذروبه الأوحد كثير الخطية
لابو سحاب ٍ ما يسوق الرعايد
ما تعشب أرضه لا ولاهي ندية
في غيبته عقلي وقلبي شرايد
والله لو جاني حقرت البقيّة
يعسف خفوقي عسفتي للطرايد
ماكنه إلاّ الطير وانا الضحية
يشبه شموخه هامة ابراج زايد
وبرج والعرب والممكلة فيصلية
جيتك معايد ياخوي السنايد
وأهديك من شهد المعاني خلية
وان جازلك قافي فهات الردايد
يمكن تحن هضاب نجد العذية
وإن كان ماحنّت هجرت القصايد
ونردها لسبيع ودار الحوية
ثم الصلاة عداد شب الوقايد
على محمد خير كل البرية
06-11-2012, 02:26 PM
