يالبى قلب من قال لبيه //// - هوامير البورصة السعودية

20-12-2012, 11:35 PM

المشاركه #1

قلم هوامير المميز

تاريخ التسجيل: Apr 2008

المشاركات: 10,438

السلام عليكم ورحمة الله وبركاته

لبى قلب من قال لبيه

يالبى قـلبه/ كل ما قــال|لبــيه|
..............ويالبى صـــوته/ كل ما قال :لي هــاه
بالحالتين ان ترجمت شفته / إيـه
..............أضـــيع مـن كلي وادورنــي ما القـاه

يشل عقلي كل ما جيت أحاكيــه
..............وأنسى أني أصلاً/ كنت في شي أبغاه

أذوب في حرفه وصوته يحليــه
.................واللي يجنـــني إذا حـــرّك إشـــــفاه

وتعانقت من نشوة الشوق/ والتيه
.............. وش حيلتي غير التناهيـــــــد والآه

يضماه سمعي وانتظر لين يرويه
................ والمشكله حتى وهو يمـــي أضمـــاه

حُبه مثل | طـيرٍ|يبي بيت يأويــــــه
.............. وانا ادري انه داخل القلب مــأوآه

وحده بقلبي دوم محدٍ يســـاويه
.............. وانا بقلبه طول هالعـــــمر أمــلاه

الشوق محدٍ غير صوته يداويه
.............. ويجــذ نار الغيض فيني من اقصاه

صوته مطـر في جيته/ في تجليــه
.............. تطفي عذوبة قطرته شوق مضناه

صوته صدى تغريد طيرٍ يغنيــــه
.............. صوته نسيم الصبحفي طلعة إضياه

صوته نغــم تطربني رقة اغانيه
.............. صوته عليه أدمنت ودواي من داه

صوته هدير الموج لامر شاطيه
.............. وانا بشوقي كل ماالريــــــح وداه

يذهل شعوره مسمعي كل مدعيه
.............. كـني على ضفة بحــر يحتري مــاه

أرقب طيوفه كل ما زارني فيــه
.............. ويدق قلبــــي كل ما مر طريــــــاه

وان حظّني وقتي بشوفه اداريه
.............. عن كل مخلوقٍ يضره وانا معـــاه

ما ودي حتى الشوك تلمس برجليه
.............. واغار من نسمه/ تداعب محيــــاه

والود ودي وسط عيني أخلـــيه
.............. والحفـه رمشي وبالعين أدفـــــاه

واضمه بصدري وألمه واراعيه
.............. واقبله من هامته لين ما طـــــاه

يعيش بي حلمٍ سرقني بيديــه
.............. واعيش به واقع مَلك كل ما جاه

لين أوصل بشوقي لحده واناديه
.............. واحاول القاني وانا ضايع ويــــاه

ويرد لي من رقة إشفاه | لبيه |
.............. واضيع من ثاني /وانا اقول له |هاه..!|

ممآ راق لي ...

الموضوع الأصلي : اضغط هنا || المصدر :
قصائد الهوامير

21-12-2012, 12:29 AM

المشاركه #2

عاقل ولكن ....

قلم هوامير المميز

تاريخ التسجيل: Dec 2010

المشاركات: 12,218

قصيده ناعمه رااايقه يسلم الذوق وعقبال لكل صوت قال لبيه رد الهوى هاه ..

29-12-2012, 03:37 AM

المشاركه #3

ablaze

ابو امجاد
كاتب مميز

تاريخ التسجيل: Jan 2009

المشاركات: 13,835

يعطيك العافيه (ريم)
بدايه رائعه والاطاله احدثت ضعف
وتبقى وجهة نظر

16-01-2013, 10:12 AM

المشاركه #4

بنوكي

عضو هوامير المميز

تاريخ التسجيل: Jun 2011

المشاركات: 433

لبيه كلمه جميله
ليت نتعود عليها

ردا على الكاتب مشقاص بخصوص الحضارم

<<<<<<< الحب المستحيل>>>>>>

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

09:27 AM