الله يرحم الوالد ويسكنه الجنه وأمواتنا وأمواتكم واموات المسلمين أجمعين
والله يانديم كنت انا والوالد الله يرحمه نروح لمقرى ( مكان تربية النحل ) وهو بعيد وسط جبال ماتصلها السياره يعني نروح مشي على الاقدام والمسافه بعيده ونزول مع جبال وطلوع مع جبال . فكان فيه نقاط إستراحه نستريح فيها خصوصا وحنا طالعين ودايم نجلس فيها أنا وياه ويسولف لي عن الديره وحياته فيها . وبعد مامات الله يرحمه الحين إذا نزلت لنحل وجيت هالمحلات وجلست فيها أحيانا مع ولدي وأحيانا مع شرواك من الرجال أتذكر الوالد وجلسته وسواليفه وليا الدنيا ضايقه بي اعود اقوم من مكاني وأمشي علني انسى
الله يرحمه ويسكنه الجنه
الله ياله فقده يارجاجيل مايعرفها غير من جربها وكان قريب من ابوه
أحسن الله عزاءك
هذي حال الدنيا والزمن كفيل بمداوة الجراح وعندما تمر بمصيبة تذكر المصيبة التي هي أعظم منها وهي وفاة أكرم الخلق صلى الله عليه وسلم
أنصحك بقراءة قصة وفاة الرسول صلى الله عليه وسلم
انظر سيرة الرسول لابن هشام رحمه الله
الله يجزاك الجنه ياخو وضحى ويرحم والديك
وشكرا لك على النصيحه والمواسات
تحياتي