logo



قديم 09-04-2013, 12:02 AM
  المشاركه #1
عضو موقوف
تاريخ التسجيل: Jul 2011
المشاركات: 6,490
صقر جارح غير متواجد حالياً  

وهم .. كلِّ المواعيد وهمممممممممممممم
تعب .. كلِّ المواعيد تعب
أجي ملهوف .. ملهوف عَطش
تحت المطر ملهوف
وقتي يطوف .. لوني ضايع ومخطوف
يضيع الشَّارع بصمتي
وصمت الإنتظار سيوف
وكل ما مر وهم صوبي ..أقول إنتي

******
جلس والخوف بعينيه , يتأمل احواله , ويفكر كثيرا ويتمتم بينه وبين نفسه ,اصبح دائم السرحان , فتصرفاته واحواله تظهر لمن حوله انه على غير عهده الذي عهدناه .

في تلك القاعة كان يسرح به الخيال , ويغوص في اعماق الافكار , مرة يبتسم , ومرات يمسك بالقلم ليخط به عبارات هو الوحيد من يعرف طلاسمها .ينظر للدكتور بكلتا عينيه , وهو مشغول البال والفكر , فالبصر كان حاضرا والبصيرة كان يشغلها امر ما .

انتهت المحاضرة . ذهب لبوفيه الجامعة , وجدناه يجلس وحيدا , في ركن بعيد عن الضوضاء ,

ذهبت اليه , وقلت له سلام ياصاحبي
نظر وقال - اهلن بيك تفضل ياصديقي اللدود
قلت - انت معاي - والا انت ناوي تبتعد عن خط سيري
ضحك وقال - الا معاك ومع كل الاشياء الجميلة والحلوه في هذي الدنيا ؟
قلت - ياعيني ياعيني شكلك طبيت في الحب ؟ الله يرحم حالك ويعظم اجرك ؟
ضحك هههههه . ثم قال هم يحسدوني على موتي ويا اسفا حتى من الموت لم انجو من الحسد .
قلت - سلامتك ياقلبي من الموت . خبرني وش الي شاغل بالك .
قال - ايييييييه اش اقول واش اخلي ؟
قلت - قول وما تخبيش يازين ؟
قال - وشهو اليوم ؟
قلت اليوم على ما اعتقد واذا ما تخونني الذاكرة يوم الاثنين ؟
قال - بقي يومين ؟
قلت - يومين ! على ايه بقي يومين .
قال - ع النظرة الشرعية ؟
ضحكت هههه وقلت نظرة ايه اللي انت جاي اتقول عليها ؟
قال - يوم الخميس القادم راح انظر النظرة الشرعية ؟ .
قلت - انت من جدك تتكلم ؟
قال - لأول مرة اتكلم من جد ؟
تصور هذا الشكل الي قدامك راح يكون عنده نظرة شرعية بعد يومين ؟ ومع مين ؟
قلت - هههههههههه هذي من معجزات هذا القرن لكن تعال قلي الحكاية من البداية ؟
قال - اقولك ايه والا ايه
قلت - قولي لازم اعرف كل التفاصيل . واسمع القصة من بدايتها ؟ وبأقل من مهلك

قال - اسمع القصة يا صديقي ؟




يتبع

الموضوع الأصلي : اضغط هنا    ||   المصدر : منتدى هوامير البورصة السعودية

 
 
elliot
قديم 09-04-2013, 06:38 PM
  المشاركه #2
عضو موقوف
تاريخ التسجيل: Jul 2011
المشاركات: 6,490
صقر جارح غير متواجد حالياً  

قلت – تكلم يا صديقي , وش هالورطه اللي دخلت نفسك فيها ؟
قال – والله ان شكلي في اختبار قدرات , وماني عارف اسوي شي . ؟
قلت – ما عليك لكن هات ما عندك ؟؟
قال – تعرف اني ما اعرف المدينة وما سكنت فيها الا في الثلاث سنوات الماضية , فكل حياتي قضيتها في قرية بدائية , ارعى الغنم , وأزرع في مزارعنا , واصيد في تلك السهول والجبال . واسهر في اعالي الجبال . حتى اني لم التحق بالدراسة الابتدائية في قريتي الا وعمري فوق 11سنه , واليوم انا في اخر سنة في الجامعة , ووالدتي ووالدي يريدون ان يفرحوا بي , والان انا في نظرهم كبير وودهم يشوفوا احفادهم .

قلت – طيب ظروفك الماديه , وظروف الوظيفة , ومن البنت هذي اللي خطفت لب قلبك هل هي من قريتك او من المدينة - علمني بسرعة شوقتني ؟
قال - ااااه يا رفيقي , انت ما تدري وش صار ؟
قلت – وش صار ,؟
قال – بنت جارنا معلمه ولم تتزوج حتى الان ,والدتها مديرة فرع بنك ؟ بصراحه عائلة متحضرة , وعايشين بالمدينه . تشوفهم تقول من كوكب اخر ؟
ابوها حلو وابيض . يوم اني اصلي بجنبه . في الركوع اشوف اقدامه واقول يا زينها , وش هالبياض حتى في الرجول . واقارنها برجولي واتكسف من الوقوف بجنبه , اذا هذا شكل ابوها ( كيف بتكون البنت ) ؟؟

قلت – ههههههههههههههه الله ياشين طبعك فحصت الابو قبل البنت , والله منت بسهل ؟

لكن ولايهمك احيانا الاخوان احلى من البنت ؟ اما ابو احلى من بنته ؟؟ فهذا من اكتشافاتك تنت ووجهك ههههه ؟
قلت -- كمل السالفه . شوقتني ؟
قال - والدتي شافت البنت وعجبتها تقولي ياوليدي البنت مثل الممثلات اللي نشوفهم بالتلفزيون؟
قلت يمه . كلميها واخطبي لي هالبنت ؟
ابي اعيش مثل الناس ؟ طفشت من حياة العزوبيه ؟
والدتي – كلمت والدة البنت . من قبل شهر , وكل يوم يقولون لنا عذر
ما قدرت اصبر , وصرت اضغط على امي واقول كرري الطلب يا ميمتي عساهم يوافقون ؟ وتعاود تطلع عندهم وتكلمهم الى ان وافقوا ؟
ثم ان والدي كلم والدها عندما قابله في المسجد وأبدى والدها موافقته بشرط , وهي ( النظرة الشرعيه للطرفين ) لتتم الموافقه ؟

قلت – هههههههههههههه اانت وشكلك كيف بتشوفها وانت بهذا الشكل , لازم اسوي لك صنفرة وتغييير في الشكل ,حتى تبدوا في نظرها جميل وحلو ولبناني , رغم اني اشك في ذلك ؟
قال – ايييييييييييييييه يا صاحبي , تكفى ابغى اصير الق والمع , مثل الشاميين ,واللبنانيين
قلت – ابشششششششششششر هذا الامر مقدور عليه ؟
لكن ؟؟؟؟؟
قال لكن ماذا ؟
قلت .. لهجتك وطريقة كلامك يبغالها تغيير ؟؟؟ ولا زم تحفظ مصطلحات اجنبيه ؟ وتغير من اسلوب هرجك وضحكتك ؟
قال – يومين تكفي لتغيير كل هذي البرمجه , وعمل الفرمته ؟
قلت – يا صاحبي والله لو 10 سنوات ما اظن ب تتغير .لكن خل الامر لي ؟
واوعدك اني سأحاول ؟؟؟ سأحاول ؟؟
قال - موافق موافق موافق ؟






يتبع




قديم 10-04-2013, 06:46 AM
  المشاركه #3
قلم هوامير المميز
مؤسسة مسابقة الملتقى
تاريخ التسجيل: Jun 2007
المشاركات: 11,066
حرب تاج رأسي غير متواجد حالياً  

اذا انتهى اليتبع قرات ياصقر



قديم 10-04-2013, 08:48 AM
  المشاركه #4
عضو هوامير المميز
تاريخ التسجيل: Jan 2008
المشاركات: 2,775
ابو الوليد 5 متواجد حالياً  

الين جت الحلقه الاخيره عطني خبر.........



قديم 11-04-2013, 03:26 AM
  المشاركه #5
عضو هوامير المميز
تاريخ التسجيل: Oct 2011
المشاركات: 81
ظل السحاااب غير متواجد حالياً  

ياخوفي يطلع زي المسلسلات المكسيكيه 400 حلقه



قديم 12-04-2013, 01:16 AM
  المشاركه #6
عضو هوامير المميز
تاريخ التسجيل: Nov 2008
المشاركات: 13,498
غدي الأجمل غير متواجد حالياً  

اتعبني اللون جدتك ماتشوف زين غيره وكبر الخط

نتظر التكمله ....




قديم 12-04-2013, 10:05 PM
  المشاركه #7
عضو موقوف
تاريخ التسجيل: Jul 2011
المشاركات: 6,490
صقر جارح غير متواجد حالياً  


قلت له – مادام انك موافق وموافق موافق وش ننتظر يالله قوم في الحال نحاول ان نصلح ما افسده الدهر ؟
ضحك ههههههههههه وقال هيا ياصديقي فلنحاول ونحاول -- لتستمر الحياة –
ركبت سيارته وهو مشغل مسجل السيارة لمطرب قديم –
قلت له - وشهو الشريط اللي بسيارتك وش كنت تسمع !
قال - اه يارفيقي اسمع اسمع وقولي وش رايك ويرفع الصوت ؟
ابتدى ابتدى ابتدى المشوار – اه ياخوفي – اه ياخوفي – من اخر المشوار اه ياخوفي
قلت – قفل وتفائل بالخير ياصديقي وهيا بنا على دروب كنزنا
قال- وين نروح ؟
قلت – تعال معاي ولا تتكلم بكلمة اليومين هذي انت بضيافتي .
قال وين بتوديني ؟
وعلى طول وديته عند خياط الفاخرة لتفصيل ثوب مطرز نستلمه خلال يومين بضعف المبلغ . ثم ذهبنا لشراء لوازم اخرى من ساعة وجزمة وشماغ ( ديكورات خارجية )
وفي اليوم التالي ذهبنا عند صالون (انت لوحدك ) لعمل صنفرة كاملة وتغيير معالم الوجه من عوامل التعرية .
انتهينا من كل الاعمال يوم الاربعاء مساء قلت له لازم ترتاح الليلة في النوم وابعد عنك التفكير حتى تطلع حلو وزين عند لقاء عروستك يوم غد ؟
قال – ياخي وش سويت فيني ؟ احس شكلي متغير ولوني احمر ؟
قلت له – ياخي الان شكلك بني ادم تو ما بان جمالك الحقيقي ؟
شوي وهو يضحك هههههههه قلت له وش فيك تضحك ؟
قال – ياخي الرجال ينظف في وجهي وكنت مستحي من كمية الغبار والاوساخ اللي طلعت مني !!
قلت – خخخخخ تصدق لو ان الغبار اللي مطلعه من وجهك جاء هبوب ورياح وشاله على منطقة الرياض كان اعطوهم اجازة يومين بسبب تدني في الرؤية الافقيه ضحكنا سويا ههههههههههه حتى وصلنا الى منزله .
قلت -- مع السلامه اراك بعد النظرة الشرعية واذا احتجت شيء كلمني ؟
قال- ابد والله ما تروح حتى تشرب قهوتك عندي -
حاولت اعتذر لكن ماكوفائدة راسه يابس دخلت البيت عنده , ودخلني المجلس ,
الا وانا اسمع صوت امه , تقول له بسم الله الرحمن منهو انت ؟
جالسه تكلم ولدها .
قال - يمه ياميمتي انا وليدك ( مشبب )
قالت – حاشا ما انت اوليدي انت يا لبناني يا سوري ؟ وش مسوي بوجهك ؟
قال- يمه هذا صديقي قال لازم اغير في شكلي حتى اعجب العروس ؟
قالت – عساه ع القوة هو اللي بالمجلس ؟
قال – ايه يمه هو صديقي اللي واقف بجنبي في هذه اللحظات العصيبة ؟
قالت - الله يحييه ويبارك فيه ويوفقه ويكتب له السعادة اللي اهتم بك وترك اشغاله - ياوليدي - خلني ارحب به واسلم عليه ؟
انا كنت - اسمع كل الكلام فلم يكن كلامهم بعيد عني كثيرا ؟
دخل مشبب – وقال ياخوي ارحب واشرب القهوة والوالده تبي تسلم وتتشكرك .
قلت - الله يحييها والدتي .
دخلت ام صديقي . متغطية بعباتها ومتنقبه .
قالت – كيف حالك ياوليدي – وكيفها امك ووالدك عساهم بخير
قلت – بخير – ياوالدتي عساك بخير.
قالت – جعل ربي يحفظك ويبارك في عمرك . انت ومشبب مثل نظر عيوني
قلت – الله يحفظك لنا ويبارك لنا فيك
قالت – والله ياوليدي ما تطلع حتى تذوق اكله شعبيه سويتها لابو مشبب عساها تعجبك
قلت – اعذريني ياخاله والله ما اقدر عندي ظروف وتأخرت على الاهل ؟
قالت – ياحيف عليك ترد امك يوم انها طالبتك . والله ماتروح وان رحت لنت بولدي ولاني بامك ؟
بصراحة - ماقدرت اعتذر وافقت واكلت انا وصديقي ووالده تلك الاكلة الشعبيه اللذيذة ؟
رحت من عندهم وانا افكر واقول في نفسي , الله على هذه العائلة البسيطة الطيبة . يحبوا الناس . لا كبر ولا تكبر ,متواضعين , عايشين على الفطرة البريئة , لا مجاملات ولا عنجهية ,لا تفاخر , لا كبرياء , يطعموك من طعامهم , وينبسطوا في اكرامك ؟
عاداتهم الطيبة تنموا معهم في كل مكان , يقابلون الناس بطبيعتهم لا تصنع لاتكلف لا بهرجة لا مجاملات لا لا لا ( قليلون مثلهم ) ؟
وصلت البيت – والجوال يرن الا هو صديقي (مشبب )
قال – سلام يا رفيقي ابشرك بكرة بعد المغرب تحدد اللقاء , وما ادري اش اسوي ؟
قلت له – ما عليك نااااام مزبوووط ولا تفكر كثير -- راح تعجبك واكيد راح تعجبهااااا
قال – طمنتني لكن ما وده يجيني نووم ؟
قلت - اطمئن ونااام وما عليك , قال كل ما افتكرت الغبار واجازة اهل الرياض اضحك
قلت – هههههههههه لسع فاااااااااااااكر انسى الله يوفقك
انتهت المكالمة – كنت ادعوا الله ان يوفقه ويسعد بها قلبه وتسعد به .
مرت الدقائق والساعات --- واقترب موعد اللقاء و ( النظرة الشرعية )








يتبع



سأرد على كل الاعضاء المتداخلين معي واعذروني على التأخير والف شكرن لكم




قديم 13-04-2013, 06:55 AM
  المشاركه #8
قلم هوامير المميز
مؤسسة مسابقة الملتقى
تاريخ التسجيل: Jun 2007
المشاركات: 11,066
حرب تاج رأسي غير متواجد حالياً  

يعني متى بترد
خلاص واﻻ باقي يتبع




قديم 13-04-2013, 01:21 PM
  المشاركه #9
قلم هوامير المميز
تاريخ التسجيل: Feb 2009
المشاركات: 11,348
همس الحوااس غير متواجد حالياً  

ابدعت ياصقر ننتظر التكملة
ومتشوقين لنتاااائج النظرة




قديم 13-04-2013, 01:35 PM
  المشاركه #10
عضو هوامير المميز
تاريخ التسجيل: Dec 2010
المشاركات: 1,402
.الشنفري. غير متواجد حالياً  

ابداعات يا صقر واصل






مواقع النشر (المفضلة)

الكلمات الدلالية (Tags)

النظرة

,

الشرعية


أدوات الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع آخر مشاركة
السياسة الشرعية تعريف وتأصيل . شـاكـر العبـسـي 03-04-2013 11:09 PM
رؤية الهلال بين الرؤية الشرعية والفلكية(مقال قـيّم جدا) الجسرالشمالي 17-08-2012 08:03 AM
فتاة تسسب بنقل عريسها للمستشفى بعد أن أصابته "بعين "أثناء النظرة الشرعية ابو نواف 999 06-10-2011 12:21 AM
فتاة تتسبب بنقل عريسها للمستشفى بعد أن أصابته "بعين "أثناء النظرة الشرعية ! أوهــ ج ــا 04-10-2011 02:20 AM



09:36 AM