راع الدبش يضحك على راع الأبقار / وراع البقر إبقارته محتميها
واللي من أول راس ماله على حمار / يشري هذيك وذيك مايشتريها
أصبح من التجار وأهله تجار/ دنياك هذي ياولد لك عليها
لكن لا ولع بصدرك لهب نار / وضاقت عليك ودمعتك محتريها
قم وتوض وصل وأكثر إستغفار/ في ساعةٍ نوم العباد يغشيها
ياحلو طلبات الولي مع الأسحار / ورفع اليدين ودعوةٍ يتليها
دمعٍ من الخشيه على الذقن مدرار/ ونشيج من سمعت بموته أبيها
ومن بعدها تمره ودله ومسمار / وبعد صلاة الفجر تعزم عليها
رجالٍ مثل شرواك حيين وخيار / وسوالفٍ لو تشترى ...تشتريها !!