فيلم اثيوبي - هوامير البورصة السعودية

11-03-2014, 09:32 PM

المشاركه #1

عضو هوامير المميز

تاريخ التسجيل: Mar 2013

المشاركات: 2,710

السلام عليكم ورحمة الله
باسرد لكم قصتي مع الشغاله وهي للعظه حتى لاتثقون فيهم ابد
وكمان لاتحقرونهم عن الشر لو عملو انفسهم ابرياء ومساكين
القصه بدات بعد ان حضرت حفلة تخرج وكان فيه شلة شغالات
واخذت الشغاله معاي توسع صدرها وتغير جو
وبرضه صعب اخليها لحالها
كان احد الحاضرات عندهم شغاله من نفس جنسية شغالتي ومصادقتها وكنت اخليها معاها اول ماجت تفهمها على اساس انها جايه قبلها وتعرف لشغل
سئلت عنها شغالتي وعرفت انها هربت
ومن بعدها وهي حالها حال يامريضه يامنفسه علينا
وكل يوم طالعه لها بسالفه
وقبل يومين طلعت لي مشوار وتركتها تنظف دورة المياه اللي بغرفتي
وماكانت لوحدها ولكن الظروف خدمتها وانفردت بالغرفه ولاحسيب ولارقيب
بعد مارجعت الوضع طبيعي جدا
ويوم جاء وقت المدارس واطلع فوق بسئلها عن شغله اول مره اطلع لها الا وباب غرفتها مفتوح على مصراعيه

ماصدقت وادخل ادورها مابوه احد قلت اكيد خرب مكيفها ونزلت تحت شوفو البرائه

وانزل واطلع الملحق مو مصدقه انها هربت

:
ورجعت

الى هنا الامر طبيعي كل الشغالات يهربون
اللي موطبيعي اني
دورت الجواز تبعها وهنا الصدمه
تخيلو انها استغلت طلعتي ودخلت غرفتي ودورت الجواز بالدولاب ماحصلته وفيه درج خاص له مفتاح ودائما مفتاحه معي لكني نسيت المفتاح في احد الادراج واخذته وفتحته واخذت جوازها شوفو الجرائه وهربت الساعه تقريبا 2 بالليل وقت يخاف الرجال يطلع خل وحده ماتعرف ارضها من سماها وغير كذا حينا اغلبه فلل تحت الانشاء وعماله بالهبل
وهي لو تشوفونها ماتصدقون انها تخطط وتفكر عامله نفسها مسكينه وماتعرف شيء بالدنيا وخوافه مره شكلها تمثل علينا

وتقولي ماني مسافره زوج انا زعلان واخو يبي فلوس وكلوه مشاكل بجلس هنا مابروح لهم

انا مو هامتني لانه بتخلص سنتين بشهر 7
لكن مالهم امان فجئه يتحولون شريرين ويخرعون مع اني كنت ارحمها وائوي لها من الشغل

الله يرزقنا خير منها واقول الحمدلله انها هربت ولاضرتنا بشئ
كعادتهم السفاحين

وسلامتكم

الموضوع الأصلي : اضغط هنا || المصدر :
الملتقى الــــــعـــــــام للهــــــوامــــــــيــــــــر

11-03-2014, 10:56 PM

المشاركه #2

عاقل ولكن ....

قلم هوامير المميز

تاريخ التسجيل: Dec 2010

المشاركات: 12,218

بارجع اقراها مره ثانيه لانى مافيه من قرا شئ فيها اثيوبيين وبعد شوي بروح انام

بعدين سبحان من يسلط ع الظالم ظالم

<<< جت معي كذا ههه

12-03-2014, 09:29 PM

المشاركه #3

tm9tm9

عضو هوامير المميز

تاريخ التسجيل: Jan 2009

المشاركات: 2,041

لا بد من التخلص من الشغالات

كفايه كسل

ولله الحمد اكنس وانظف واغسل

وامورنا طيبه

12-03-2014, 11:02 PM

المشاركه #4

بقاياالماضي

عضو هوامير المميز

تاريخ التسجيل: Mar 2013

المشاركات: 2,710

اقتباس:

المشاركة الأصلية كتبت بواسطة عاقل ولكن ....

<<< جت معي كذا ههه

ههههههههههه
كش عليك
زلمتني يا زالم اونااسلم بالجن على قولت جدي السابع طعش
المفروض تقراها قبل النوم واول ماتصحى لانها للعظه والعبره

12-03-2014, 11:11 PM

المشاركه #5

بقاياالماضي

عضو هوامير المميز

تاريخ التسجيل: Mar 2013

المشاركات: 2,710

اقتباس:

المشاركة الأصلية كتبت بواسطة tm9tm9

لا بد من التخلص من الشغالات

كفايه كسل

ولله الحمد اكنس وانظف واغسل

وامورنا طيبه

اكنسسسسسسسسسسس ايش حرام عليك ثلاث ادوار وحوش سياح نياح واسره كبيره كلهم طلاب يعني ماحد فاضي لي

الله يعطيك العافيه ويعينك

13-03-2014, 10:43 PM

المشاركه #6

تويتي

عضو هوامير المميز

تاريخ التسجيل: May 2007

المشاركات: 7,857

من أهم الأسباب اللي تحرض وتساعد الشغالة على الهروب أن يكون معها جوال ..
تخطط وترتب وتواعد وهي جالسه ..
وبليله ظلماء دوريها ما تلاقينها ..

جوال ما في جوال ..
تبغين تكلمين أهلك خوذي جوالي وكلميهم قدامي وع حسابي بعد ..
لكن جوال ممنوع ع الشغالات ..

13-03-2014, 10:50 PM

المشاركه #7

أسيرة الحرف

أسيرة الابداع

تاريخ التسجيل: Jan 2009

المشاركات: 4,926

الحمد الله على سلامتك ... والله يعوضك بأفضل منها
ونصيحة ياقلبي .. غرفة نومك ماتسلمينها للشغالات نهائيا
ولاتدخلها ... هذا نظامي ماأحب الشغالة تدخل غرف النوم

14-03-2014, 07:37 PM

المشاركه #8

بقاياالماضي

عضو هوامير المميز

تاريخ التسجيل: Mar 2013

المشاركات: 2,710

اقتباس:

المشاركة الأصلية كتبت بواسطة تويتي

تصدق انها طلبت جوال ورفضت
وعطيتها جوالي تكلم منه
وعامله عليها كونان لكن للاسف الحذر لايرد القدر
اتوقع والعلم عندالله انه العماله اللي حولنا مدبرين لهاجوال ويمكن هم موصلينها لجماعتها
يالله باب يسدمايرد

شكر على مشاركتك تويتي

14-03-2014, 07:43 PM

المشاركه #9

بقاياالماضي

عضو هوامير المميز

تاريخ التسجيل: Mar 2013

المشاركات: 2,710

اقتباس:

المشاركة الأصلية كتبت بواسطة أسيرة الحرف

الله يسعد قلبك عالدعوه الحلوه الله يجعلك نصيب منها

شكلي باشرد زيها

تسلمين على مشاركتس ونصيحتس محل اهتمامي

......... اعلان هام .. .. .. .. .. يالمختصر .

مرحباااااااا

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

09:04 AM