نطوي مع الأيام عـــــــام ورى عــــــــام..........وتمر ســـــــاعات الفــــرح في دقايق
ايام راحــــــت بالعـمــــر مثل الاحـــــلام..........يوما بها زعــــــــلان وايــــــام رايق
درســــت من دنياي واتعبت الاقــــــــدام..........وبدلت عن بعض الطـــرايق طــرايق
وكفـخـــت بافـكـــــاري مع الطير لاحام..........ولا عاقني عــــن ماكـــر العز عــايق
يا صاجبي خــذني معك ســـيف واحزام...........وياك في وقـــت الـــرخا والمضـايق
ترى البشـــرياخـــوك منقســمه اقسام...........بين الردى والطــيب شــفت الحقـايق
لقيت من صـــلى وزكـــــا ومن صــام............ولقـــيت منهُ لاقـــــرب النــاس بايق
ولقيت من قلبــــه حقــــوداً ونمــــــام............ولقــيت من قـلبــــه يعــــز الــرفايق
ولقيت من يبني الأمل فوق الاوهـــام............واللي يمـوت ولا يعـــرف العـــوايق
ولقيت من يملك بســاتين وانعـــــــام............واللي من الحـــاجه يمـوت متضايق
الله خلق هالخـــلق ســـــاده وخــــدام............ذي دبرة الـــرحمن رب الخــــــلايق
واخرك يابن ادم ترى قطعــــة الخام............امــــــر اكــــيد ومـــــا يبي له وثايق
يالله عسى مانيب قــــطاع الارحـــام............وعساي من عـقب القـبر في حـدايق
جاك الكلام وخذ معه بصمة ابهـــام............ان العـمــــــر كــله مجــــرد دقــــايق
مطلق الثبيتي رحمه الله