1- الإبتعاد عن ادخال القروض الشخصية في عالم الأسهم فالسوق كما هو عالي المكاسب فهو عالي المخاطرة وهذي غلطة ناس كثيرين اعرفهم اخذوا قروض 30 راتب على أيام 2005 كانت البنوك تتصيد الناس والكل يحلم في الثراء السريع واصبحوا يسددون البنوك 10 سنوات والبعض راح يخلص عام 2015
2- الإبتعاد عن المضاربة قدر الإمكان فهي دمار للصحة والمال والعقل والصحة هي راس مال الإنسان
3- دخول الأسهم بمبلغ مالي تقدر تتحمل خسارته لاحقا مهو معقول واحد راتبه يادوب مكفيه ومعاه كم قرشين ويحط فلوسه كلها في الأسهم
4- تحديد سعر البيع بمعنى يكون عندك هدف وسعر للبيع ولا للطمع أعرف واحد وصل سعر الراجحي ايام 2006 في المحفظة 4 مليون ريال ورجعت بعد الانهيار الى 160 الف ريال
5- اذكر اجنبي كلمته ايام 2005 اني دخلت سوق الاسهم قال اعرف ناس في الاسهم يضحكون قليل ويبكون كثير والله صدق في كلامه
6- وهي الأهم من وجهة نظري تنويع مصادر الدخل اعرف البعض عنده فلوس ويبغى يستثمر والمصيبة يضع كل فلوسه في السوق وهذا اكبر غلط اذا كان ولابد انك تستثمر فالمفروض تستثمر جزء في الأسهم والجزء الآخر في عقار مثلا وجزء في محل عشان لاقدر الله لو خسرت في شي يعوضك الثاني
هذا مالدي إن اصبت فمن الله وإن أخطأت فمن نفسي والشيطان
انا عاصرت السوق فتره ليست بالقصيره
واقول لكم والله السوق مافيه بركه وان ربحت
تربح مبلغ تخسر اضعافه ابعد عن الربا تغنم والله العظيم ان السوق ماهو شغل حلال 100% لا تجاره واضحه وتدليس في وضح النهار وبضاعه غير ملموسه ولا تقدر تستفيد منها في حالة عدم البيع
والسوق حقنا او بالمجمل اسواق المال صالة قمار رسميه هذا اقرب وصف لها
واللي مو عاجبه يلعب في حواجبه
عاد تعرف وش نصيحة أحد المعارف بعد الأنهيار ..
قابلته في آواخر 2006 قلت وش رأيك أستقر السوق والأسعار روعة ..
قال أترك السوق ..
ما عاد فيه خير ..
وتبي الصدق ..
ليتني سمعت كلامه ..