logo




قديم 07-06-2020, 04:14 AM
  المشاركه #1041
عضو هوامير المميز
تاريخ التسجيل: Jun 2014
المشاركات: 174
 

تخيل لو تجي يمي
وافضفض لك عن الي صار بغيابك

كم اتاملت واتالمت
ابشكيلك وابحكيلك وابترك لحظة عتابك

تخيل لو تجي يمي
ولو فعلاً طويت البعد تلقاني
بتلقاني على بابك .. مودع رحلة غيابك
ومنتظرك .. ابتتظرك تجي يمي

فلا تبخل
انا مُنهك واحس اني بدون شعور
وشعري يوجع الجمهور .. ولاني قادر
اوصفني
تخيل لي ثلاث شهور
حزين وضايق ومقهور وحزني حالك ودامس
تعال ورجع اعيوني انا ودي اشوف النور

حبيبي اللين القاسي
تخيلتك تجي يمي ويحيي عطرك انفاسي
تخيل وانا اتخيل
تخيلتك تجي يمي نمت بي زهرة الفرحه
ومجروحك نسى جرحه وغنالك
تخيل لو تجي يمي
يسريني الحزن باربع حروف
واغنيلك على قد الحروف
حبيبي روف بمحبك

تخيل لو تجي يمي
يروح برجعتك همي
قسم بالله من بُعدك مبلل مدمعي كمي

🥀




 
 
قديم 18-06-2020, 02:23 AM
  المشاركه #1042
عضو هوامير المميز
تاريخ التسجيل: Jul 2006
المشاركات: 3,688
 

اذا ضحكت كن الشفايف ورق تين
واليا زعلت طاح العسل من عيونها

تلبس ذهب م تدري انه ما يزين
ولا يرتفع سوقه سوى في ايدينها

اذا حكت تسلب عقول الحاضرين
وتنكّس العالم على رجلينها




قديم 19-06-2020, 09:51 PM
  المشاركه #1043
عضو هوامير المميز
تاريخ التسجيل: Jul 2006
المشاركات: 3,688
 

انا

ستر غيدا قرنها بالشمطري حوته




قديم 20-06-2020, 04:13 AM
  المشاركه #1044
عضو هوامير المميز
تاريخ التسجيل: Jun 2014
المشاركات: 174
 

🥀






قديم 29-06-2020, 01:00 AM
  المشاركه #1045
عضو هوامير المميز
تاريخ التسجيل: Jul 2006
المشاركات: 3,688
 

الحمدلله الذي تتم بنعمه الصالحات
اللهم لك الحمد اولا واخرا
اجريت عملية تكميم في امريكا والحمدلله تمت العمليه بنجاح بتاريخ 2020/6/23
الان في مرحلة الاستشفاء وابشركم اني بخير وطيب وماعلي خلاف اللهم لك الحمد




قديم 29-06-2020, 07:23 PM
  المشاركه #1046
عضو هوامير المميز
تاريخ التسجيل: Jun 2014
المشاركات: 174
 

اقتباس:
المشاركة الأصلية كتبت بواسطة العزوه
الحمدلله الذي تتم بنعمه الصالحات
اللهم لك الحمد اولا واخرا
اجريت عملية تكميم في امريكا والحمدلله تمت العمليه بنجاح بتاريخ 2020/6/23
الان في مرحلة الاستشفاء وابشركم اني بخير وطيب وماعلي خلاف اللهم لك الحمد

سلامتك الله يحفظك الله يحميك من كل شر

😘😘😘




قديم 30-06-2020, 11:38 AM
  المشاركه #1047
عضو هوامير المميز
تاريخ التسجيل: Jul 2006
المشاركات: 3,688
 

اقتباس:
المشاركة الأصلية كتبت بواسطة صعفق الفايز
سلامتك الله يحفظك الله يحميك من كل شر

😘😘😘
الله يسلمك
شكرا يا محماسهم




قديم 30-06-2020, 04:59 PM
  المشاركه #1048
عضو هوامير المميز
تاريخ التسجيل: Jun 2014
المشاركات: 174
 

اقتباس:
المشاركة الأصلية كتبت بواسطة العزوه


الله يسلمك
شكرا يا محماسهم

🥀

‏احس اني لقيتك بس
‏عشان تضيع مني !
‏عشان احس اني
‏وانا عايش بدونك ؟
‏فيه نقص !
‏عشان تقيم وسط العين دمعه
‏ووسط الروح لوعه
‏وعشان إن طاب حالي ؟
‏اذكر فراقك .. وأغص !!
‏عشان احبس نفس منك بقالي..
‏واعيد استنشقه .. وتظهر قبالي..
‏واضمّك .. لين اصحى من خيالي..
‏واناديلك .. والاقيني لحالي .
‏🥀




قديم 13-07-2020, 02:46 AM
  المشاركه #1049
عضو هوامير المميز
تاريخ التسجيل: Jun 2014
المشاركات: 174
 




🥀




قديم 13-07-2020, 07:37 AM
  المشاركه #1050
عضو هوامير المميز
تاريخ التسجيل: Jun 2014
المشاركات: 174
 

افضًي الصدر لكنه يرد ويضيق =من العله اللي لجت بالصدر وأخفيتها
ابدي برودي ولكن وسط قلبي حريق =كم عبرة في غياب الناس هليتها
بي جرح لكن مهو سطحي خطير وعميق =كل مالتهب واشتعل بالصدر ناديتها
راحت وانا خاطري فيها وضاع الطريق =اللي يدل الخفوق ليا بغى بيتها
ماكن لي بالبلد عزوه ولالي رفيق =يالعن ابو حيها يالعن ابو ميتها
كيف عزلتني عن العالم بليا صديق =حسبي على الحظ الاقشر ليش حبيتها
الجادل اللي خذت قلب المعنى وسيق =ياما على هجعة العالم تحريتها
اقول يمكن تجي وأخذ زفير وشهيق =ولوهي بكيفي مثل لمح البصر جيتها
ادلًه النفس والا ما لأملها بريق =والله لتبطي كثر ماني تباطيتها
معها اتعلق بقشه مثل حال الغريق =اقفى ضعنها وانا بالروح ساويتها
قولوا لها والله ان الوضع بي مايليق =ان طولت سبحة المكنون فليتها
قولوا لها انه لها بالود عهد(ن) وثيق =واني على من نطق بالضاد بديتها
هي طاقت الصبر عني بس انا كيف اطيق =ياليتها ترحم المفجوع ياليتها
او ليتها قبل ياصل مركبي للمضيق =تراجعت عن زعلها يوم راضيتها
اقسى من الموت غيبتها وتنشيف ريق =صبري جبل والجبل هده دناميتها
لو انها سالفة فرقى عشيق لعشيق =مبطي تجاوزت محنتها وعديتها
لكنها روح مسجونه جسدها طليق = لوكان عندي طريقة حل حليتها
تعرض صورها بعيني في شريط دقيق =وعلى كثر عرضها مايوم مليتها
وعلى صورها غراب البين ينعق نعيق =مشئوم يفرح على العالم وتشتيتها
ضاع الزمرد وضيعتً الذهب والعقيق =واللي بقى ذكريات(ن) ماتناسيتها
يامر الايام من عقب العسل والرحيق =وياكبر الأحزان لو حاولت تفتيتها

🥀







الكلمات الدلالية (Tags)

ملاذ

,

المهاجر


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



02:41 AM