logo

هوامير البورصة السعودية > الاقسام العامة لموقع هوامير البورصة > الملتقى الــــــعـــــــام للهــــــوامــــــــيــــــــر

ما اقول الا .. الله ياخذك يا بنك الراجحي .. ( صور )



صفحة 3 من 5
1
2
3
4
5
قديم 17-07-2006, 02:14 PM
  المشاركه #25
DR-2006
عضو هوامير المميز
تاريخ التسجيل: Jul 2006
المشاركات: 2,568
 


ما اقول الا .. الله ياخذك يا بنك الراجحي .. ( صور )

اعرف يا عبودي اذا بدا يخنبق الراجحي اعرف انه السوق بيطلع فوووق لان محفظته تدهر .


ونصيحه لاتبيع الا وانت ربحاان في اسهم الصحراء
استفد من وراهم

هههههههههههههههههههههههههههههههههههههههه



 
  
قديم 17-07-2006, 02:17 PM
  المشاركه #26
3BoD
عضو هوامير المميز
تاريخ التسجيل: Jul 2006
المشاركات: 251
 



دكتور 2006 ..

تصدق يمكن يبي يرفعون السوق بقروشي اللي من يوم اني بثالث ابتدائي و انا اجمع في الفسحة ريال و نص .. لين هاللحين ..

لا و راح نصها بالاسهم ..

منيب بايع الا و انا ربحان .. افا عليك .. لا توصي حريص ..

هذا اذا قبل امر بيعي .. لأنهم يقولون انه ما يبيع يعيي ..

لكن نصبر و نشوف





قديم 17-07-2006, 02:20 PM
  المشاركه #27
turkysts
عضو هوامير المميز
تاريخ التسجيل: Jul 2006
المشاركات: 15
 



غريب اذكر مرة طلبت الصحراء ايام ما كانت 500 ريال

طلبت تقريبا 100 سهم والغيت الطلب

بنهاية التداول بقدرة قادر صار عندي 200 سهم الصحراء والحساب مكشوف



سويت نفسي ذكي .. قلت ما ببيع صار كل يوم ينزل : طبيعي خسارتي دبل



خرااااااااب بيوت الراجحي

المشكله مدري وش حببنا فيه انتها اشتركن جددنا


الظاهر ضابعنا ! تقاه او ساحرنا.........؟



قديم 17-07-2006, 02:21 PM
  المشاركه #28
أبو الفوارس
عضو هوامير المؤسس
تاريخ التسجيل: Apr 2005
المشاركات: 1,561
 



لا تخاف سيكتشفون الخطأ بعد حين ويبيعون بدون استشارتك



قديم 17-07-2006, 02:24 PM
  المشاركه #29
3BoD
عضو هوامير المميز
تاريخ التسجيل: Jul 2006
المشاركات: 251
 



turkysts

يعني تتوقع ان البلا بسهم الصحراء ؟ << يا شين التفكير المقلوب ..

والله انا بقول لخويي التويجري .. يضغط بالماوس على سهم الصحراء و يشيله و يحطه بسلة المحذوفات ..

اجل البلا بالصحراء طلع ..

آسف يالراجحي .. ظلمتك ..

اقول الله ياخذك بس يالراجحي ..



قديم 17-07-2006, 02:25 PM
  المشاركه #30
3BoD
عضو هوامير المميز
تاريخ التسجيل: Jul 2006
المشاركات: 251
 



ابو الفوارس ..

الله لا يوفقهم لا دنيا ولا اخره .. انهم حاسوا مريري ..



قديم 17-07-2006, 02:29 PM
  المشاركه #31
المتفائل2007
عضو هوامير المميز
تاريخ التسجيل: Jul 2006
المشاركات: 818
 



مهزله لا حول ولا قوة الا بالله



قديم 17-07-2006, 02:30 PM
  المشاركه #32
ابونواف117
عضو هوامير المميز
تاريخ التسجيل: Jul 2006
المشاركات: 489
 



اقتباس:
المشاركة الأصلية كتبت بواسطة 3BoD
احسن واحد ..

ما قصرت يا حبي لك ..

بس تدري لو دقيت وش يبي يقولون .. ؟

يبي يقولون خلاص .. نبيع سهم الصحراء .. و ناخذ قروشنا ..

طيب انا وش يعوضني اني ما استغليت السوق و جلست اضارب مع العالم ؟

ولا شي ..

علشان كذا نستعمل معهم نفس طريقتهم .. ما راح ابيع لين تتدبل الصحراء .. لو بعد عشر و عشرين سنه و نص و ثلاث ارباع تقسيم اربعه ..

ما قصرت على الارقام .. :)

ودي امطخك بس مستحي
حبيب قلبي هذا الكلام الزين شربهم من نفس الكاس
تحياتي ابونواف



قديم 17-07-2006, 02:32 PM
  المشاركه #33
3BoD
عضو هوامير المميز
تاريخ التسجيل: Jul 2006
المشاركات: 251
 



المتفائل ..

دعواتك انها تصير خيره و اصير مضارب هالشركه ..

ابو نواف ..

بالله وش رايك فيني ؟

اقوى واحد صح .. :)

شاكر مرورك



قديم 17-07-2006, 02:34 PM
  المشاركه #34
HALF_MOON
عضو هوامير المؤسس
تاريخ التسجيل: Nov 2005
المشاركات: 310
 



هذا هو نظام تداول الراجحي الصورة وحدها تفضحهم مشاركة: ما اقول الا .. الله ياخذك يا بنك الراجحي .. ( صور )




مشكلتي

هي بدأت من قبل حرب الانهيار بين الهوامير حيث صرف علي أسهم في شركة الخزف الكمية دبل
رحت اشتريت أسهم في شركة الخزف وراح واعطوني واجب الضيافة
وقالوا لي خذ الكمية دبل
المحفظة ماتغطي الكمية راحوا وعملوا فلم هندي بالمحفظة وصارت بالسالب




رحت طامرت وطالبتهم في الصاله بالخطأ قالو لي

يبوووووووويه عندك مؤسسة النقد العربي السعودي

الله لا شماته


ماشافو غير هالجهاز هذا يرسلوني له


طبعا مؤسسة النقد قالوا لي جيب برنت من الصاله بالمشكلة
وافادوني بأن 99 % من أخطاء التداول عند هالزبالة هذا الراجحي



طيب لا صرتم تعرفون أن سبب كل هالمشاكل هذي عند الراجحي
لية الانتظار وتخلونه علنا يسرق الشعب
لية ماتحلون هالمشكلة من بدري

لية تستنون الين يعلق الشعب من كراعينة في نظامة


حسبي الله ونعم الوكيل

الحااااااااصل

رحت لصاله ابي برنت

قالي الموضف مانعطي برنت

نعطيك برنت عشان تشكينا
يحاااااافظ


والله حالة

لا صار حاميها حراميها وين أشتكي


طبعا قلت انتظر اليييين يدبل السهم وأخذ الطاق طاقين منهم
وأخذ حقي وياخذون حقهم

لكن في هذا النظام اذا جلست المحفظة بالسالب 45 يوم

يدخلون على حسابك مثل الجنود الامريكان في العراق
وثم يغتصبون محفظتك ويطلقون علي أسهمك الرصاص وياخذونها منك
ويقولون لك أحنا اسفين على الخطاء
طبعا
اذا كانت السهم خسران في وقتة

تبقى أثار الجريمة واثار الدماء في محفظتك وتكون على شكل سااااااالب

يعني يحسبون الخسارة عليك

قالي موضف
المفروض البنك مايحل مثل هالمشاكل من اخطاء النظام


لابوكم ولابوا من حط فلوسه عندكم

منهو المسؤول عن هالخطأ


الضمان الاجتماعي
ولا بنك التسليف ولا مصلحه المياة والصرف الحي


عجبي من هذا البنك الغبي

مصرف الراجحي الغبي للخدمات المصرفية
والله اسم جديد خطر على بالي


الحاصل رحت أشتكيت للهاتف المصرفي
وراح وتكرموا وشالو الاسهم
والمحفظة جلست بالسالب

طبعا اثار الجريمة ماتروح


والين اليوم اطامر وراهم ابيهم يمسحون أثار الجريمة ويشيلون السالب

وهااااا انا انظر










قديم 17-07-2006, 02:41 PM
  المشاركه #35
3BoD
عضو هوامير المميز
تاريخ التسجيل: Jul 2006
المشاركات: 251
 



هاف مون ..

خوفتن الله بفضح العدو ..

لا تقول اني بطامر مثلك .. تكفى لا .. عجز ما غير متسدح عند هالكمبيوتر ..

والله يا هاف مون ما لنا الا حل واحد ..

نفتح بنك انا و انت .. لنا لحالنا ..

و نتداول لحالنا ..

وش نسوي لا صار على قولتك " حاميها حراميها "

الله ياخذك يا حاميها و يا حراميها ..

عاد انت 9000 ريال .. يعني يبي لك 4500 يوم كل يوم تعزلك ريالين و تعطيها اياهم و تفتك ..

انا 23000 .. راتب لوا الا شوي ..

وش راتب لوا .. الا نص مهر ..

مهر شغاله .. احم قصدي .. تأشيرة شغالتين و نص :d

اقول بديت اخرف ..



قديم 17-07-2006, 02:47 PM
  المشاركه #36
نشمية
عضو هوامير المميز
تاريخ التسجيل: Jul 2006
المشاركات: 29
 



انا بشتري منك اسهمك واعطيك كاش بس بشرط ماتبيع الأسهم اللي بالمحفظة ابد
ودي اغث الراجحي ياهو سوالي مشكلة واتمنى القى عليه غلط
هذا خباز مو بنك
واتوسطلك في سامبا او الأهلي ليفتحوا لك محفظة تداول وش قلت



صفحة 3 من 5
1
2
3
4
5



الكلمات الدلالية (Tags)

الله

,

الا

,

الراجحي

,

اقول

,

بنك

,

يا

,

ياخذك

,

صور


«

كم تتوقع اكبر راتب شهري يتقاضاه شخص ما ..؟؟؟؟؟؟؟؟؟؟؟؟؟

 |

صور تعذيب السجناء العراقيين

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


01:13 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.