logo



قديم 02-03-2017, 09:32 AM
  المشاركه #13
عضو هوامير المميز
تاريخ التسجيل: Jan 2014
المشاركات: 1,251
 

قالت ترى منت بحلو قلت رجـال

والزين ماهو من شروط الرجولـه


الزين يلقى عنـد لباسـة الشـال

والرجل زين ان كان زانت فعوله


قالت علامك تلبس شماغ وعقـاال

انت بدوي؟ قلت بدوي ومن حموله


ما ألبس بناطيل لها الوان واشكال

وامتر الشارع بعرضـه وطولـه


قالت اجل راعـي معاميـل ودلال

شرب القهاوي تحسبونـه بطولـه


كيفي يابنت الحضر دله وفنجـال

وحليب خلفـه بالمـراح معقولـه


وحب الكرم والجود وعلوم الابطال

مغروس فينا من زمـان الطفولـه




 
 
قديم 04-03-2017, 01:19 AM
  المشاركه #14
عضو هوامير المميز
تاريخ التسجيل: Jan 2014
المشاركات: 1,251
 

الصمت يكفي ويشفي صدر راعيه
لا صار كلّ الحكي ماله معاني
والقلب ما عاد تعنيه المشا ريه
والعين ماعاد تغريها الأماني
يا ليت حزني مجرد دمع وأبكيه
ما هو عايش معي بين المحاني




قديم 05-03-2017, 11:07 AM
  المشاركه #15
عضو هوامير المميز
تاريخ التسجيل: Jan 2014
المشاركات: 1,251
 

الصاحب اللي يرفع الراس نشريه
نوفــــي لــه الميزان ونكرم جنابه
ونزيد في حقه وناخذ ونعـطــيــه
ولانسمــع النمام مهما حـــكى به




قديم 05-03-2017, 02:04 PM
  المشاركه #16
عضو هوامير المميز
تاريخ التسجيل: Jan 2014
المشاركات: 1,251
 

يازين سجات القدم وقت الامطار .... وشوف الفياض اللي جديدن مطرها .
من مزنت هلت على كل الاقطار .... البرق فيها والرعد ماهجرها .




قديم 06-03-2017, 09:51 AM
  المشاركه #17
عضو هوامير المميز
تاريخ التسجيل: Jan 2014
المشاركات: 1,251
 

خافوا من الله لاتجيبون طاريه
لاصرت انا موجود لا تذكرونه
لو كل غالي جابه االله لغاليه
ما شفت لك مخلوق تبكي عيونه




قديم 06-03-2017, 09:53 AM
  المشاركه #18
عضو هوامير المميز
تاريخ التسجيل: Jan 2014
المشاركات: 1,251
 

في غيبتك دورت واحد مكانك
ابغى التسلي مير زاد الولع فيك

ماخانك الخافق ولا يوم خانك
لو كنت مع غيرك سمعته يناديك




قديم 07-03-2017, 12:25 AM
  المشاركه #19
عضو هوامير المميز
تاريخ التسجيل: Jan 2014
المشاركات: 1,251
 

قالوا حبيبك يسمع الشعر قلت إيه ..... يقراه بعيوني قبل تسمعونه

هو روح شعري وامنياته وماضيه .... جذع الشجر وش كان لولا اغصونه

اكتب لغيره والقصايد تجي فيه .... كن القصايد حالفه ماتخونه




قديم 07-03-2017, 02:33 PM
  المشاركه #20
عضو هوامير المميز
تاريخ التسجيل: Jan 2014
المشاركات: 1,251
 

حبٌ يشيّب صاحبه ما بَعَـدْ شـاب
وحبٌ يشيب وصاحبه فـي شبابـه
وحبٌ يغيب وصاحبه ما بَعَدْ غـاب
وحبٌ يدوم وصاحبـه فـي غيابـه
وحبٌ يذوّب خافـقاً بعـدما ذاب
وحبٌ يداوي صاحبه مـن عذابـه
وحبٌ يتوّب خافقاً مـا بَعَـدْ تـاب
وحبٌ يزيدك رغبـةً فـي الكتابـة
وحبٌ حياته كلّهـا لـومٌ وِعْتـاب
وحبٌ حقيقيّ مـا يضـرّك عتابـه
وحبٌ بلا معنى وحبٌ بـلا أسبـاب
يبدأ غريب وينتهـي فـي غرابـة
وحبٌ ضعيفٌ مثل حبر على كتـاب
تمحيه دمعـة فـي ثوانـي الكآبـة
وحبٌ قويٌ مثل قصرٍ لـه أبـواب
لو هبّ عاتيْ الرّيح ما اهتز بابـه
وحبٌ بداية رحلته نظـرة إعجـاب
وآخر مطافه مثـل يـومٍ البـداية





قديم 10-03-2017, 03:09 PM
  المشاركه #21
عضو هوامير المميز
تاريخ التسجيل: Jan 2014
المشاركات: 1,251
 

ياوسيع البال ضيّقت الصدور .... رحت ماعلّمتنى وين أنت سارى
فى غيابك مال خلق الله حضور .... وفى حضورك مالهم بالبال طارى




قديم 11-03-2017, 09:58 PM
  المشاركه #22
عضو هوامير المميز
تاريخ التسجيل: Jan 2014
المشاركات: 1,251
 

كلن ينـام وتقبل النـوم عــينه
وقلبي هواجيسه عن النوم تشقيه

أضحك مع العالم وروحي عليله
وأكتم بقلبي شي ماودي أطريه




قديم 12-03-2017, 09:16 PM
  المشاركه #23
عضو هوامير المميز
تاريخ التسجيل: Jan 2014
المشاركات: 1,251
 

اشتقت لك وانا على البعد مجبور
ودي اغمض وافتح العين والقـاك




قديم 13-03-2017, 02:28 PM
  المشاركه #24
عضو هوامير المميز
تاريخ التسجيل: Jan 2014
المشاركات: 1,251
 

بعض الوجع يمكن تداويه الاعشـاب

وبعض الوجع يا ويل من هو سطا به



عشق بدوي لا حب ما هـو بكـذاب

يوفي ولو جرحـه تجـدد صوابـه







الكلمات الدلالية (Tags)

اعجبني

,

بيت

,

شعر


أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



01:15 PM