والله انا مثلك اخي الكريم اعاني معاناه مالها اول من اخر للحصول على هذا الادويه
زاناكس في الاساس دواء نفسي مقيد وخاضع للرقابه لعلاج القلق ونوبات الهلع ويكتبه الاطباء للمرضى في جميع دول العالم ، لكن للاسف البزارين و الدشير والسرابيت الله لا يسامحهم شوهوا سمعة هذه الادويه صاروا يستخدمونها بكمياتهم كبيره ويخلطونها مع مخدراتهم وسمومهم
انا من 17 سنه جتني نوبات الهلع وراجعت الطبيب النفسي وكتبلي سيروكسات يوميا و زاناكس عن اللزوم فقط ، في هذاك الوقت كان دواء زاناكس سمعته نظيفه ومتوفر في اغلب الصيدليات بوصفه طبيه، ولكن من 8 سنوات تقريبا بدؤوا الدشير والسرابيت والبزارين يستخدمونه وشوهوا سمعته وللاسف وزارة الصحه منعت الدواء وقطعته من الصيدليات وصار المريض يعاني بشكل كبير وهو يبحث عن علاجه وغالبا لا يجده يعني الي تضرروا هم المرضى مساكين تم حرمانهم من علاجهم ، اما الدشير والسرابيت فهم يهربونه من الخارج ما عندهم اي مشكله لانهم ما يشترونه من الصيليدات اصلا
الشي الي يقهر ان هؤلاء المتعاطين من البزارين والسرابيت متوفره لهم جميع انواع هذه الادويه وبكميات كبيره في استراحاتهم وتجمعاتهم لانهم يهربونها من الخارج ويتناولونها بكميات كبيره ويخلطونها مع مخدراتهم عشان يفلونها و يتونسون ويتسلون وطبعا عشان يثبتون رجولتهم لانهم حسب افكارهم وعقلياتهم يعتبرون ان التعاطي والادمان هو قمة الرجوله
وحنا المرضى الي نبحث عن الدواء بهدف العلاج ونستخدمه تحت اشراف طبي نعاني ونتبهذل ونتمرمط وننذل وننهان عشان نحصل على الدواء وغالبا لا نجده
03-04-2017, 01:27 AM
