logo




قديم 24-02-2017, 09:02 PM
  المشاركه #1
عضو هوامير المميز
تاريخ التسجيل: May 2010
المشاركات: 122
المراسل2000 غير متواجد حالياً  

وهذه قصة على راعي طير من أهالي الشمال كان واحد من هل الجنوب نزح للشمال لبعض الأسباب وكان له والد صقار مولع بالطيور وله ولد بار فيه والصيد موجود وهو دايم مع الدبش ويصطاد وفي يوم اجتمع مع راعي الشمال وهم بعيدين عن بعضهم بالمنزل ولكنهم اجتمعوا فقال الشمالي وش يصيد طيرك قال صيده على قدره ارنب وسمق والشمالي معه حر كبير يصيد كثير من الخباري قال الشمالي انا واياك اليوم اخويا يكفينا طيري طيرك اربطه بالقش وحنا حوله وابتدوا بصيد الحباري وغفلوا عن الطير المربوط ، طير الشمالي رأها وذبحه فقام الجنوبي يتأسف على طيره قال ما يسوى هذا الندم قال بلاي والدي يسوى عنده شئ كثير قال ابا اعطيك طيري ووالدي مثل والدك ابقول له غدى قال طيري ما يسوي عنده شئ كثير قال ابا اعطيك طيري ووالدي مثل والدك ابقول له غدى قال طيري ما يسوى عشير طيرك واقسم عليه اذا ما اخذته اني لأذبحه فأخذه الجنوبي وعندما وصل والده قال لأبوه غدى وكان يسوى عن ابله كلها وندم ولاجاه نوم شب ناره وسهر عليها اما الجنوبي رأى ابوه الطير الكبير قال منين لك هذا فأخبره القصه فقال اخطيت يا ولدي هذا الطير غال عند راعيه ويسوى عنده شئ كثير قال ارجع به بهاليل قال ما ادله قال تلقاه ما نام تلقا ناره تدلك وفعلاً مشى صوب العرب ودلته النار عندما وصل النار إلا يتسلا بالربابه ويغني بطيره اللي ضاع قال ابشر بالطير وهو يفقع ناطحه قال ابشر بالبشاره فأعطاه حصان قال ما اخذه ابي بعير يكفي قال هذا ثمنه كثير وهو لك مني واذا ما اخذته ذبحته فأخذه واتا لوالده قال ليش تأخذ حصانهم وقال الولد والا يبي يذبحه قال الوالد الولد والوالد كلهم سوى اما الأبيات :

تطلعوا بانظاركم يا مداوير /// للأشقر اللي بايسر الجو حامي

غداً به برق النحور المعاشير /// وابعد سمامه عن مقابل سمامي

واطيري اللي كن عينه سناكير /// حاطوب ما تبرد كقوفه دوامي

وش عاد اما ريبه جميع الصقاقير/// عقب اشقرٍ عدل الجناحين شامي

كنه غلامٍ فاشحٍ له على بير /// متمشلحٍ يسقي قطيع ظوامي




الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 26-02-2017, 09:27 PM
  المشاركه #2
عضو هوامير المميز
تاريخ التسجيل: Nov 2010
المشاركات: 8,348
فواز أبوخالد متواجد حالياً  

شكرا لك ..
جميلة هذه الحكايات تعيدنا لزمن الطيبين
صحيح مافيها شئ ينتمي للركن الأدبي لكنها
تذكرنا بزمان اول يوم يجتمعون الشيبان ويؤلفون
مثل هذه وقصة المهادي اللي ذبح ولده لانه غازل بنت
جارهم وغيرها من القصص الخيالية التي تحث على
مكارم الاخلاق .




قديم 29-08-2017, 02:30 PM
  المشاركه #3
عضو هوامير المميز
تاريخ التسجيل: Nov 2013
المشاركات: 1,074
Khalidsaad غير متواجد حالياً  

بارك الله فيك






مواقع النشر (المفضلة)

الكلمات الدلالية (Tags)

راعي

,

ضاع

,

طير

,

قصة


أدوات الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



04:23 PM