تقييمك للمجتمع بعد ايقاف هيئة الامر بالمعروف

المشاركة الأصلية كتبت بواسطة rilax

جلست مع رجل كبير بالسن وملتزم وله دور في انكار المنكر والامر بالمعروف ولكن بالطريقه النبويه الصحيحه وهي الامر باللين وليس الفضح امام الملاء

وقالي بالحرف الواحد ياولدي اللي متضايقين من وضع تنظيم الهيئه هم من شوهوا صورة بعض الموظفين التابعين لرئاسة الهيئات قلت من تقصد فيهم
قالي هالبزران الفاضيه او اللي فيهم علل نفسيه وهمهم متابعة عورات عباد الله قلت كيف ياشيخ

قالي هاللي تشوفهم يتسحبون بالشوارع وحاليا نراهم في المنتديات ومواقع التواصل الاجتماعي وهم يتابعون الناس في كل حرف ويحاولون يدققون بكل حرف هذا ليه قال كذا اكيد عشانه يبي كذا ويبدا يدخل معه لين يليين ويطيح وعقبها يقوم يبلغ عليه لانه ادان الشخص بادانه اما بصور او بتسجيل او او او والنفس اماره بالسوء مهما كان

وبعد ذلك يتم وضع الكمين والرجل معهم وجالس يلعب البلاستيشن اللي هو متعود عليه بالمطاردات بس مو على شاشة تلفاز انما على ارض الواقع ويعتبر متعاون لانه شارك في الضرب والتصفيق والمطارده

وبكذا طاحت ضحيه بين ايديهم وكسبت قضيه لجهاز الهيئه بالرغم انا موظف الهيئه لم يقم الا بعمله جاه بلاغ وقام استجاب للبلاغ ومعه القرائن والادله

التنظيم الجديد لم يوضع الا بعد دراسه وبعد عرضه على عدة جهات وبعد اقراره من مجلس الوزراء والدوله راح تبقى دوله واساسها هو الحكم بشرع الله سبحانه وتعالى

ولا له داعي اننا نتكلم الاختلاط والتبرج الخ

هالامور كانت موجوده سابقه والنوايا صافيه ولكن ادخال الشك في قلوب البعض جهلنا احزاب

لعلمك اجدادنا كانوا يركبون بغماره واحد بنت العمل وبنت الاخ ويسافرون لاماكن بعيده والخروجل لمنتزهات

كان الناس بالمناسبات وشلونك يافلانه وهي ترد عليه السلام وتبشره انها طيبه وبخير والامور تمام ولم يتكلم احد عن اختلاط وبربسه مالها سنع واللي يبي الشر راح يلقاه سوا داخليا ولا خارجيا واللي يبي الخير راح يلقاه

والشخص لما يبي يوجه يوجه بالخير نشوف ناس بالمنتدى هنا جزاهم الله خير يفتح موضوع ماحد رده ويكسب اجره مواضيع مختلفه عن الدين والصلاة والسنن والله يوفقهم

اعتقد كلامي واضح واللي بيعبد الله يعبده من اجل الله وليس من اجل ماتقولي الهيئه شي

المشاركة الأصلية كتبت بواسطة سيف مجاهد