محب الخير سبق وناقشتك وقلت لك انت مقتنع بشكل عميق بنظرية المؤامرة وان السوق يدار من انظمة آلية بسبب استمرارك في مشاركة اللعبة في مواقع عالم الاسهم الافتراضي
خلني أسألك سؤال مهم :
اذا كان يدار من نظام آلي زي ماانت تقول ؟
وش يسوي رياض الحميدان في زجاج ؟
أو العقيل في جرير؟
او الطيار في الطيار ؟
او صندوق الاستثمارات العامة في الأسماك وغيرها ؟
أو صناديق البنك الأهلي في الأبحاث ؟
يااخي 70-80% من الأسهم لها مضاربين
وبعض الأسهم فيها قروبات وبعض الاسهم فيها ناس متعلقين ولا فيها مضارب وبعض الاسهم مافيها مضارب لكن يوجد مضاربين يجمعون فيها
هل تتصور ان نظام الي بيرفع الابحاث الى خمس تدبيلات ؟
جوابي عل سؤالك ان المضارب لو كان يكسب كل يوم 1% كان صارت عنده اموال قارون هو أن من قال لك ان الهامور يربح دائما ؟ ومن قال لك ان الهامور يبيع كامل كمياته بالعالي؟
افضل الهوامير اللي ممكن يبيعون هم الناس اللي يصرفون على الاخبار لانها فترة مناسبة لهم للبيع بكميات ضخمة ولكن لازم تعرف ان الكميات اللي يبيعها في أفضل الأحوال ماتجاوز 2% في اليوم وبإمكانك تشيك على قوائم الملاك وتغييراتها راح تتفاجأ ان التداول على اسهم معينة عالي ومع ذلك المضارب ماباع كميات كبيرة ؟ وش السبب ؟
ببساطة لان التداول كله تدويرمن المضارب نفسه عشان يبي يصرف ولا يقدر مافيه زباين يشترون معه .
وبالتالي اجابتي على سؤالك هو ان المضارب مايكسب بشكل يومي زي ماانت متصور 1% يبطي والله
محصلة مكاسبه السنوية ماتتجاوز في احسن الأحوال 15% من قيمة محفظته الكلية (اللي تساوي قيمتها في أقل الأحوال 70 مليون ريال) وخذها مني وانا متأكد مما أقول .
لاحظ اني اتكلم عن قيمة المحفظة الكلية وليس فقط 1% مكسب من 5% من سيولته لان هذي ماتشكل شيء بالنسبة للقيمة الكلية .
15% اللي يحققها بشكل سنوي من الهوامير انا اشوف انه يحق له يفتخر .
هل تعلم ان المضارب المحترف الصغير يحقق نسبة ربح أعلى بكثير من الهامور اللي نتبجح به .
المضارب الصغير يشتري ويبيع في نفس اليوم ويقدر يطلع بسهولة وبسرعة ويقفل الشهر بمكسب 5% إذا كان جيد ولكن المشكلة ان 5% من أصل 100 الف ريال لمضارب محترف صغير ماتسوى الا 5000 ريال وبالتالي مايأثر على شيء .
أتمنى أكون شرحت لك بشكل واضح ..
وإن كنت مستمر أنت بفكرة النظام الآلي ومقتنع فيه ماعاد لنا فايدة في النقاش لانك مقتنع بشكل عميق جدا ومسيطرة عليك الفكرة ومتأصلة