logo



قديم 25-07-2005, 02:34 PM
  المشاركه #1
عضو هوامير المؤسس
تاريخ التسجيل: Jul 2005
المشاركات: 188
 



(حلقات أبوخالد... مع الأسهم )



السلام عليكم ورحمه الله وبركاته

قبل أذان الظهر دخل علي الشايب مصلع((أول مره))بالغرفه عند النت
طبعا هو جاي من صاله الأسهم ومرهق يبي يلحق على الصلاه ويدبخها

الوكاد مالكم بالطويله أليكم الحوار الذي دار بيني وبين أبوخالد

أبوخالد
مساك الله بالخير ياوليدي
أبوعزيز
هلا يبه ((وأمطخ رأسه))هاه بشر بيعات شريات طبعا الوالد مدمن أسمنتات مضارب رقم واحد =======>قل ما شا ء الله
أبو خالد
والله السوق بدى يتحسن
أبو عزيز
طيب وش بعت وش شريت
أبوخالد
خلك عند كمبيوترك ======>أنتم والله لا تعرفون تشرون ولا تبيعون متى عرفتوا الأسهم والله بعت أسمنت اليمامه ودخلت العجوز على دخلت أمي وخذ .............
أبو عزيز
يمه ترا أبوخالد دخل على عجووووز وخطبها
أم خالد
وشو هذا اللي نااااقص وهو به حيل
وخذ المواعين فوووق رأسي والتمر تفليق.........هع هع هع خخخخخخخ
أبو عزيز
يأم خالد تراي أمزح العجوز ((سابك))
أم خالد
أشوا هبلتن
أيه رجعت للشايب
أبوعزيز
هاه ما قلتلي
أبوخالد
والله وأنا أبوك العالم هرجتهم البلاد
أبو عزيز
عساك شريت
أبو خالد
الله لا يقوله
أبو عزيز
ليش
أبو خالد
أخلي سابك والأسمنت وأدخل البلاد
أبو عزيز
طيب أدخل الكهرب====>أجس ه
أبوخالد
أقوم أتوضاء أحسن من خرطك شفت أن ما عندكم سالفه يالجيل التالي
الكهرب===========>أذلف بس وقابل هالتلفزيون ====>يقصد النت
أبوعزيز
يبه ورا ماتدخل معي نبيع ونشري بالكميوتر
أبوخالد
ناوي تضيع فلوسي
والله لو تازني ذهب أبو عزيز
بلاك محجر ((تبي تكيه الشيباااان بالبنك))
أبوخالد
والله أنها أبركلي سواليف وأخبااار دق حنك



ويقيم الصلاه
يالله يبه مشينا نصلي











أترككم مع الحلقه القادمه مع أبو خالد والأسهم

الموضوع الأصلي : اضغط هنا    ||   المصدر :

الاسهم السعودية



 
 
قديم 25-07-2005, 07:21 PM
  المشاركه #2
عضو هوامير المؤسس
تاريخ التسجيل: Jul 2005
المشاركات: 188
 






نتابع الحلقه2العصر

أبوعزيز
رن رن رن رن رن الجوال وأن طبعا خليته أول مره وثاني مره المهم قلت هذا ملزم
وردت وليت مارديت......أمزح
سم يبه
أبوخالد
وراء ماترد وتلعثمت شوي اسف يابيي كنت ناسي الجوال بالسيااااااره
أبوخالد
الله يعطيك.........................وخذ............
أبوعزيز
أكحكح أبقطع الدعاء وش بغيت...أمــر.........يابن الحلال تعوذ من أبليس وأدحر الشيطان
أبوخالد
تعال ضروري
أبوعزيز
((والله اللي ماطار طيره)) أمر ضروري يبه (أنا بتذيهن))
أبوخالد
يابن الحلال أنجز
أبوعزيز
((بيني وبين نفسي والله اللي مافيه أمل أخلي حلالي بالأسهم وروح))......والله يأبوخالد أنا ويني وينك طالع مع واحد مع ربعي نقنص
أبوخالد
أهيب مأكذبك
أبوعزيز
وش دعوى.........الوكاااد...... يبه وش الحاصل
أبوخالد
والله واحد من هاشيبان ((ربعه)) خسر وغمي عليه بالبنك ..... شم ريحه هالفلفل
أبو عزيز
لا تخلينا يا 911

طيب وش هالفلفل اللي طيحه أنا لله يأبو زنوبا ماهو مخلي لنا شي .ولو الحكاكه بالأسهم.....طيب بشر وشلونه هالحين
أبوخالد
أيه مأمداهم ينقلونه للمستشفى يابن الحلا ل الفلفل المؤشر
أبو عزيز
أفا ليه
أبو خالد
شم ريحت الغربه وصحا
أبوعزيز
الله يبشرك بالخير هو شم ريحت الغربه((عاد أبلش يأبو عزيز وشي الغربه))==========>وش صارت يقصد بالغربه المؤشر
لأن لونه أخضر

خخخخخخخخخخخخخخخخخخخخخخ :5: :5:


%%%%%%%%%%%%%%%%%%%%%%
أتمنى أن لا أكون قد أطلت عليكم
وأن أكون خفيف الظل
وسامحوني أن كان فيه أغلاط في النص والأسلوب


وتابعوا الحلقه الثالثه




قديم 26-07-2005, 02:28 AM
  المشاركه #3
عضو هوامير المؤسس
تاريخ التسجيل: Jul 2005
المشاركات: 188
 



،،،،،،،،،،،،،،،،






الكلمات الدلالية (Tags)

أبوخالد

,

مع

,

الأسهم

,

حلقات



أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



10:51 AM