حنا عادتنا الغذائيه دمار شامل
تطلع من البيت وانت تمشي بالطريق المطاعم والمقاهي ومحلات الحلويات على طول الطريق
تروح للحديقه علشان تمشي رياضه تطلع لك طاولات الاسر المنتجه يمين ويسار الممشى
واذا مارحت لهم يناونك وانت تسوى رياضه عندنا جريش…. القرصان…. المحلي…. مراصيع…. مصابيب…. لخ
تفتح الجوال تجيك دعاية هنقرقيشن اسرع شي تفتح اليوتيوب تطلع لك دعايه جوعان او دعاية دلل بطنك
تزور الاقارب يقدمون لك مالذ وطاب من الحلا الي مع القهوه الى الفطاير الي مع الشاي
تطلع من المسجد يعزمك الجار على فنجال قهوه والخافي اعظم من الحلويات الي ترافق القهوه
تحس الحياة بالمجتمع يدور حول كيف تاكل وكيف نوكلك ونسمنك
حتي اذا رحت تزور مريض شفت انواع واشكل الشوكلاته
حتى في رمضان شهر الراحه من الاكل واستراحة المعده تقولون شهر مجاعه استغفر الله كل المواد الغذائيه يكنوزونه في شهر رمضان.
والقائمه تطول في هذا الموضوع زبدة الهرجه
لازم تدرس الثقافه الغذائيه بالمدارس ناكل علشان نعيش مو نعيش علشان ناكل
.
.
.
.
04-09-2022, 05:57 AM
