ابوي الله يرحمة ويغفر له كان موظف على بند الاجور على قد حاله اذكر نشوف اخويانا واصحابنا سيارات ولا عمرنا ضغطنا عليه ولا طلبناه عشان نعرف ونقدر ضروفة اول سيارة شريتها ونا ثالث سنة بالجامعه 2005 اكتتبت بنك البلاد من المكافئة وبعتها باربع الاف وكنت مجمع الف وزادني ابوي ثلاث الاف شريت كرسيدة 88 طلع الراس مضروب صبرت عليها سنتين لين تخرجت وتوظفت طقيت هوندا اكورد وكالة بسنتها واول شخص خليتها يركب فيها ابوي الله يرحمة وحلفت عليه السيارة اللي خاطرة فيها اشتريها له لكن رحمة الله عليه رفض يقول يكفيني الونيت اللي عندي اليوم الحمد لله استلمت رابع سيارة لي 2018 وعندي ولدين اذا كبروا النية بخلي كل واحد فيهم يجمع مبلغ معين وانا اكمل الباقي عشان يحسون شوي ويقدرون قيمة القرش والتعب فيه