والله وبالله وتالله ان زميلي في العمل باكستاني وياخذ 3 اضعاف راتبي مع ان شغلنا واحد في قسم واحد بل بالعكس انا متمكن في شغالات في العمل هو يجهلها ويلجأ لي فيها ومع ذلك راضي وادعيله بالبركه والرزق
هاذي ارزاق وانا اخوك يقسمها الله بين عباده ورزقك بيجيك في المكان والزمان اللي يشاء الله
وترى الرزق مهوب في المال بس وانا اخوك ... الرزق يجيك في كل شي في الصحه والعيال والتوفيق والزوجه وراحه البال واشياء كثيره جدا جدا لاتتخيلها
وماتدري عن هالرجل وش بينه وبين الله من خبيئه وانا اخوك
الله له حكمة في توزيع الارزاق
وعلى الانسان السعي والتوكل على الله والرزق على الله سبحانه
وصدقني ماراح يمون البني آدم الا وهو ماخذ كل رزقه اللي الله كاتبه له .