المشاركة الأصلية كتبت بواسطة رجل من الصحراء
طيب يا الخبير الاقتصادي والعقاري وش لزوم هذا كله ممكن تشرح لي النقطة هذي ان كنت صادق مع نفس ومعنا ليش قبل انهيار سوق الاسهم كانت الامور تمام والمواطن ياخذ منحة 900 متر وياخذ قرضه ويبني ويسكن ولا هناك مشاكل ولا وجع راس ولا نكبات ولا فلل كرتونية ولا قروض ربوية ولله الحمد الشعب فال امها
تعال الان للزبدة يابو كثافة سكانية بعد انهيار السوق ولع العقار جاوب الان يا خبير كيف وليش لا تكون الرياض فجأة نقلت على نهر الدانوب ولا صرنا جيران النمسا والنرويج
يا ناس خافوا الله وبس من التبريرات والحجج لهذا الارتفاع الفاحش المدمر اتقوا الله في البشر عدد سكان البلد ما يتجاوز 35 مليون نعيش على ارض يضيع فيها مليار نسمة كلها صحاري من شرق وغرب وشمال وجنوب
ما عندنا مانع املئ بطنك بس ارحم غيرك خله يعيش لا تكتم انفاسه وانفاس عائلته
الله وش من الدعاوي في ظهور تجار التراب