مشروع ناااااااااجح عشرطعشر الف مليارو دينار بالمية

صفحة 1 من 4

16-05-2018, 05:37 PM

المشاركه #1

تمنطق بطنقا

عضو هوامير المميز

تاريخ التسجيل: Nov 2012

المشاركات: 19,424

مشروع ناااااااااجح عشرطعشر الف مليارو دينار بالمية

اتحدى اخونا ابو دماغين
يجيب مثله

ماعلينا
ندخل بالمفيد

فكرة مشروعنا بسيطة جداً وغير مكلفة
واهم شيء اجادة التنفيذ
ففيها مميزات كثيرة
لا تاكل
لا تشرب
لاتحتاج لصيانة
ولا لتخزين
وليس لها تاريخ صلاحية
ولا تحتاج لتبريد او تجميد
او مستودعات
وليس لها موديل يتغير
ولا عليها ضرايب
ولا رسوم جمارك
ولارسوم للدولة
لانها هي ام ام الفلوس
ومصاريفها شبه معدومة اللهم التأسيس بالبداية

تعتمد فكرة مشروعنا على ثلاثة عناصر
سيارة
ايباد
موظف

اجادة اختيار السيارة العملية والرخيصة
200 سيارة صني مثل هذي
قسطها 570 ريال شهريا
بواقع 19 ريال يوميا
يابلاش

نكرفها خمس سنين بعدين نبيعها بـ 10 الاف
وبذلك يصبح ايجارها اليومي علينا 13,5 ثلاثة عشر ريال ونصف

والعنصر الثاني
اجادة اختيار الجهاز
200 آيباد
ناخذه جملة بـ 360 ريال
ونطشه بعد سنتين
وبذلك تصبح تكلفته نصف ريال يوميا

اما العنصر الثالث
فـ 200 شقردي من الشباب هذولا
ويجب اجادة اختيارهم بعناية

بعد تجهيز العناصر الثلاثة
نتفق مع غير الامانة
لنقوم بمهمة موظفي البلديات الفرعية
هم يتبطحون تحت المكيفات وحنا نحوق من الدراهم حوق

يعني
نهيّـت الشقردية بسياراتهم بالرياض
ومعاهم طبعاً ايباداتهم

ليكون عملنا كالتالي
مروراً على المحلات
بقالة بوفيه مطعم مخبز حلاق مغسلة خضار وهلم جراً

طبعاً
نبلغ الشقردي بالمطلوب
وندلعه آخر دلع بخمسة او عشرة دننانير ذهبية
لقاء كل صيدة
اضافة لراتبه طبعا البالغ ثلاثتو اولاف ريال

اذا شاف الشقردي
حاجة مثل هذي بالصورة اسفل
فهي كنز عظيم يجب توثيقة بصورة من الايباد
ففي مثل هذه الصورة تحديداً على الاقل عشرتو اولااا فن من الريالات

مو مصدقني ..؟

تعال نحسبها
مع بعض

شايف الكراتين والبضاعة فوق بالصورة
هذي مخالفة
لانها مرتفعة اكثر من 1.75 سنتم

شايف الموية اللي على الارض بوسط الصورة
هذي مخالفة ثانية
لانها لازم لزم تكون على طبليات

طيب شايف البيض بالرف
هذي مخالفة ثالثة
لان المفروض يكون بالثلاجة

طيب شايف الحلاو يمين الصورة اسفل
هذي مخالفة رابعة
لان المفروض يكون بالرفوف وليس على الثلاجة الارضية او على طاولة البيع

بعد كذا
خلف قوارير الموية بالاسفل يوجد ديكور معدني للرف
وهذي مخالفة خامسة
لان المفروض البضاعة تكون على اعمدة حديدية غير قابلة للصدأ
نظيفة ومكشوفة نقدر نشوف وش مخبي تحتها

غير كذا
البضاعة نفسها على الرف لازم لزم يكون عليها السعر
وهذي مخالفة سادسة ان وجدت بدون سعر او اي قطعة منها

كما ان البضاعة يجيب ان تكون بتاريخ صلاحية ساري
وهذي مخالفة سابعة ان وجد اي منها منتهي الصلاحية

الموية نفسها بوضعها الحالي بالممر
والاكياس اسفل الصورة يسار
هذي مخالفة ثامنة اخرى اسمها تكدس البضاعة

البضاعة برصتها الحالية
عليها مخالفة تاسعة لانه ممنوع تعصدها عباس على دباس
لازم الاجبان والمعلبات بجهة والشاهي والحليب وما شابه بجهة ثانية والزيوت بجهة

استحيت يعلم الله
من راعي المحل بالصورة ولا كان بطلع بعد مخالفات
عاد مدري الشقردي بيسامحه ولا بيزيد عليه
ليزيد غلته لانه مثل ماقلنا له خمسة او عشرتون من الدنانير لقاء كل مخالفة

نجي للصورة الثانية

شايف اللمبة اللي نازلة كنها خصوة تيس ..!!
هذي او اي لمبة خارجية اياً كانت مالم تكن مخفية تعتبر مخالفة

طيب شايف البضاعة خلف الزجاج
هذي مخالفة

ركز على المدخل
بتلاقي راعي المحل حاط بلاستيك كساتر من الغبار
وهذي مخالفة وضربة جزاء صريحة
لانه لازم لزم تركب ستائر هوائية

على الزجاج يوجد ملصقات
وهذه مخالفة
اوي اي ملصقات دعائية حتى ولو من باب التجميل
كأن تضع صور عربية بها بضاعة سوبرماركت او صور خضار وفواكه
ولو حتى ارتفع هرمون الوطنية عندك حبتين وحطيت صورة خادم الحرمين او ولي عهده
برضه تعتبر مخالفة

بالصورة اعلى
كل البضاعة بالخارج مخالفة
تستوجب الغرامة

شايف المدخل كيف حلو ومرتب ..؟
الصور الدعائية هذي مخالفة ياروح امك
مالم تدفع رسوم اللوحات الاعلانية 400 ريال للمتر
لان اللوحات ثنتين ارشادية مترها 200 ريال واعلانية مترها 400 ريال

بعدين تضحك علينا
تحط البضاعة على اليمين على طبلية بلاستك
وتحط البضاعة على اليسار على طبلية خشب
هذي ماتمشي علينا ونعتبرها مخالفة
المطلوب بلاستك

شايف العربيات يمين
هذي مخالفة
يمنع وضع العربيات خارج المحل او تخصيص مكان لها ولو كمسار مرتب وحلو
طبعاً شقرديتنا مايقدرون يطبقون النظام هذا على بندة او العثيم

طيب
بعض المحلات يضع ثلاجة خارج المحل للثلج
هذه برضه تعتبر مخالفة

بوسط الصورة
يوجد رجل مسلح برشاش آلي
مالنا دخل فيه
سو نفسك ما شفته
لاتورطنا

شايف صائدة الحشرات بالاعلى
عاد هذي لعبتنا
هذي استثمار طويل دائم الاجل وتعتبر من افضل استثماراتنا

ليه ..؟

1- ان لم نجدها صكيناك على علباك مخالفة
2- وان وجدناها طافية مخالفة
3- وان وجدناها محروقة او احد لمباتها مخالفة
4- وان وجدناها قليلة مخالفة لان لازم كل 50 متر وحدة
5- وان وجدناها صغيرة مخالفة
6- وحتى لو وجدناها سليمة وشغالة وعددها كافي وحجمها مضبوط برضه مخالفة مخالفة مخالفة افهم
ليه ماهي نظيفة ..؟
او ليه تسليكها سيء ..؟

ينطبق على هذه المروحة الجميلة
ماينطبق على صائدة الحشرات بالضبط
فهي من اهم اهم استثماراتنا ونحرص عليها بشدة

يا ويلك وسواد ليلك
لو لقينا عندك هالمكيف الصحراوي بمحلك
فهو ايضا يعتبر مخالفة

مشروبات الطاقة
ان لم يكن عليها تحذير مخالفة

وان بعتها ومساحة محلك اقل من 100 متر مخالفة
وان بعتها بالدس ومسكناك صلينا فيك شرق والعرب قبلة

هذا العرض بالصورة اعلى
ان فكيته من كيسه مخالفة
وحتى لو فكه واحد من الزباين برضه مخالفة
مالنا شغل

تعبت
والله ماعاد في حيل حتى اراجعه
ان كان به اخطاء

على كل حال
ما ذكر بالاعلى قليل من كثير
فالمخالفات التي تستوجب الغرامة مجموعها اكثر من 210 مخالفة بحسب اطلاعي عليها
عبارة عن ثلاث صفحات بكل صفحة 70 مخالفة

المشروع
فكرته طيبة اهم شيء اجادة تنفيذه
فمربحه ذهب

وش رايكم فيه
من مشروع

الموضوع الأصلي : اضغط هنا || المصدر :
ساحات الهوامير المفتوحة

16-05-2018, 06:05 PM

المشاركه #2

العضو الجديد

عضو هوامير المميز

تاريخ التسجيل: Aug 2014

المشاركات: 12,053

الله لايسلطك على عبيده

16-05-2018, 06:07 PM

المشاركه #3

maas2030

عضو هوامير المميز

تاريخ التسجيل: Sep 2015

المشاركات: 895

على كذا فقط شهرين من الجباية وأصبح هامور خلاص عادي ما أبي صني وآيباد بروح لهم على حسابي هذي مافيها نشدة شايب ذهب ذهب

16-05-2018, 06:09 PM

المشاركه #4

تمنطق بطنقا

عضو هوامير المميز

تاريخ التسجيل: Nov 2012

المشاركات: 19,424

اقتباس:

المشاركة الأصلية كتبت بواسطة العضو الجديد

الله لايسلطك على عبيده

يا عزيزي
يجب عليك اجادة اختيار كلماتك
فيبدوا انك لم تفهم الموضوع
وشكرا لتشريفك الكريم

16-05-2018, 06:27 PM

المشاركه #5

OBL97

عضو هوامير المميز

تاريخ التسجيل: Dec 2014

المشاركات: 11,409

البلدية ما تأخذ مراقبين محترفين؟ (من دوري ثاني)
ذكرتني بمن يقول آنه يعرف شخص يخلص 3 أبواك في الدوام
حتى الضغط في الإطارات عنده مقياس له!

16-05-2018, 07:20 PM

المشاركه #6

فوكس

عضو هوامير المميز

تاريخ التسجيل: Sep 2010

المشاركات: 3,286

ههههههه ويبغون الشباب السعودى يفتح محلات
والله ان يصكونك بالغرامات الين ماتعض لارض
اشتراطات الى ماله نهاية هذا من غير الرسوم

16-05-2018, 07:22 PM

المشاركه #7

تمنطق بطنقا

عضو هوامير المميز

تاريخ التسجيل: Nov 2012

المشاركات: 19,424

ان لم تضع هذا الجهاز المسمى بالستارة الهوائية
اعلى مدخل محلك
فيعتبر ذلك مخالفة تستوجب الدفع

رد: مشروع ناااااااااجح عشرطعشر الف مليارو دينار بالمية

وجود كرتون
توضع فيه المخلفات داخل المحل
يعتبر مخالفة

ووجود هذه السلة
ايضا مخالفة

ووجود هذا السطل اعزكم الله
حتى ولو جديد وبقراطيسه
برضه مخالفة

لازم يكون بالشكل هذا
يفتح بالضغط بالقدم

ان لم يكن لديك حاوية خاصة بمحلك
او لم يكن لديك عقد سنوي مع احد شركات النظافة
فهذا ايضا يعتبر مخالفة
بحسب المساحة للمحل اذا كان كبير

16-05-2018, 07:24 PM

المشاركه #8

abdullahsw

عضو هوامير المميز

تاريخ التسجيل: Mar 2010

المشاركات: 9,274

اقتباس:

المشاركة الأصلية كتبت بواسطة العضو الجديد

الله لايسلطك على عبيده

اقتباس:

المشاركة الأصلية كتبت بواسطة تمنطق بطنقا

يا عزيزي
يجب عليك اجادة اختيار كلماتك
فيبدوا انك لم تفهم الموضوع
وشكرا لتشريفك الكريم

ما أقول إلا الله يعينك عليهم .. هو كما ذكرت في أحد مداخلاتك الرائعة (طبعاً إذا استثنينا تعليقاتك الرياضية

) أنت تتبرع بالصرف على أكثر من عشرين جهة حكومية يا بعدي. يعني المفروض يضحون لك لأنك كأنك أبوهم

16-05-2018, 07:36 PM

المشاركه #9

متكاملي مكلوم

عضو موقوف

تاريخ التسجيل: Jul 2013

المشاركات: 7,548

كنت أحبك وأعشقك وأتنفس هواك ،،،
أعوذ بالله ياناس حرام هؤلاء يدخلون الجنة وبعض الكفار يدخلون النار على وزنية موضوعك،،
تمنطق عنده سوبرماركت كبير ماشاء الله الله يزيده ويبارك له ومن كثر المخالفات أصبح مرجع قانوني باستطاعتك الاعتماد عليه،،
حسبي الله ونعم الوكيل فيهم الله يشغلهم بأنفسهم طفشوا العالم ، ولو اتجهنا للحرام لما عانينا فإلى الله المشتكى،،

16-05-2018, 07:37 PM

المشاركه #10

تمنطق بطنقا

عضو هوامير المميز

تاريخ التسجيل: Nov 2012

المشاركات: 19,424

عدم وجود شهادة صحية
مع احد عمالتك
يعتبر مخالفة

انتهاء تاريخ نفس الشهادة
ولو بيوم واحد مخالفة

وحتى وجود الكشف الطبي من المراكز الطبية
وايصال دفعك للرسوم
قبل استخراج الشهادة لايشفع لك
ويعتبر مخالفة

عدم وجود زي موحد ونظيف
لعمالتك يعتبر مخالفة

وضع الخبز
في غير الاماكن المخصصة
مخالفة

16-05-2018, 09:56 PM

المشاركه #11

الباحث55

عضو هوامير المميز

تاريخ التسجيل: Aug 2006

المشاركات: 7,314

الله لايسلطك على خلقه
حتى اليهود والملحدين مافيهم مثل هذه البغضاء
سود الله وجه من يتتبع خلق الله لمكاسب دنيوية

16-05-2018, 10:04 PM

المشاركه #12

!good hunting

عضو هوامير المميز

تاريخ التسجيل: Nov 2012

المشاركات: 3,934

انا ماني عارف ليش عندنا ناس تعتبر تطبيق أنظمة السلامة والصحه والشروط والمتطلبات يعتبرونه جبايه للأموال وتسلط؟؟
ناس لحد الآن تبي تبقى بعنجهيه وفوضى وطز بأمور الصحه والبيئة وسلامة العميل ، أهم شي أنا كم يجيني فلوس

صفحة 1 من 4

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

07:37 AM

مشروع ناااااااااجح عشرطعشر الف مليارو دينار بالمية

ساحات الهوامير المفتوحة

مليارو

مشروع

ناااااااااجح

الف

بالمية

دينار

عشرطعشر

اقرا ايضا

جمال المدينه المنوره في صوره رائعه

من جدهم هذولا ؟