فزعتكم من اول اسبوع وظيفه لي

29-06-2018, 03:49 AM

المشاركه #1

عضو هوامير المميز

تاريخ التسجيل: Jul 2015

المشاركات: 93

السلام عليكم

كيف حالكم يا شباب ؟

ابي مشورتكم وفزعتكم إن أمكن بقولكم قصتي

انا شاب استبشرت بالخير في بداية يوم 10/10

بتوقيعي لعقد دائم ومرسم بمستشفى قوى الامن بمكه المكرمه

وتحمدت الله إن اموري بدت تزين وكان لدي طموح كثير وكبير

واول راتب راح استلمه اول شيء بسويه اسدد ديوني

وارتاح وابدأ اجمع عشان ابني مستقبلي

كان لدي سياره ايجار اكسنت كنت ادفع فيها 2250 ريال شهري

الا اخر ثلاث اشهر ضاقت علي الامور واصبحت اعطيهم جزء من المبلغ

واصبح لدي متأخرات اليوم ذهبت للشركه وقلت بعطيهم 1500 واي مبالغ متبقيه

راح اسددها لهم مع اول راتب لي وارجع سيارتهم واطلع اقساط منتهي بالتمليك

الا قدر الله وما شاء فعل قالو لازم تسلم السياره اليوم ولك الين يوم الاحد عشان تدفع المتأخرات البالغ 5500 ريال مع الحكات وغيرها

قلت لهم اصبروا لنهاية الشهر قالو لا ليوم الاحد والا راح نوقف خدماتك

حاولت معهم قلت لهم لي سنتين معكم لكن لا فائده

حسيت في لحظه كل شيء كنت اتأمل فيه راح يتبخر

انا لا افهم في امور ايقاف الخدمات كثيرا ولا اعرف كيف راح يكون نظام المكتب

حاولت اشوف شركه اخذ منها تمويل 10 الاف ريال الاغلب يرفض

بسبب عدم نزول الراتب على الصرافه لازم ينزل

شفت شركات اخرى وافقة بخطاب تعريف فقط بحكم اني موظف حكومي ولكن البعض يطلب نسب عاليه وخياليه فما ادري لماذا وضع الاستغلال

ابي حل اللي يقدر يساعدني ولا ما كان ودي اخش في موضوع القروض من بداية حياتي ومن اول اسبوع وظيفه لي

اللي عنده المقدره وارجعها مع الراتب لدي صورة من العقد موضح تاريخ
المباشره و الراتب والبدلات

اكون له من الشاكرين ولا اريد الخوض في امور معقده واتورط مع شركات التمويل التي تطلب نسب عاليه

واسف على الاطاله بس حطو نفسكم مكاني صرت اردد ي زين ما يكمل حلاه

الموضوع الأصلي : اضغط هنا || المصدر :
ساحات الهوامير المفتوحة

29-06-2018, 03:56 AM

المشاركه #2

ابو حسسن

عضو هوامير المميز

تاريخ التسجيل: Jul 2013

المشاركات: 7,600

الله يغنيك ولاتحتاج احد

29-06-2018, 04:33 AM

المشاركه #3

مواطن محب

عضو موقوف

تاريخ التسجيل: Mar 2010

المشاركات: 27,595

ما دام مسكت وظيفه
فابشر بالخير
الله يوفق بلادنا لكل خير

29-06-2018, 05:31 AM

المشاركه #4

العذار

عضو هوامير المميز

تاريخ التسجيل: Sep 2007

المشاركات: 12,768

لا تأخذ قرض ولا تثقل نفسك بالدين
رجع السيارة لأصحابها
دبر عمرك خلال الشهرين الجايين بالذهاب للعمل مع أحد أصحابك في العمل
إذا استلمت الراتب بادر في سداد دينك ثم اشتري سيارة صغيرة مناسبة بالتقسيط

29-06-2018, 05:57 AM

المشاركه #5

عبـدالـعزيز

عضو هوامير المميز

تاريخ التسجيل: Jul 2015

المشاركات: 93

انا كلها شهر واحد وينزلي راتب

بس السؤال لو ودو اوراقي المحكمه

راح يتم ايقاف خدماتي بنفس اليوم ؟

واخاف ما ينزلي راتب

صاحب المكتب يقول عندنا محامي يخلصون اوراقنا في ثلاث ايام بالكثير

وتوقف خدماتك

29-06-2018, 06:07 AM

المشاركه #6

التميمي22

عضو هوامير المميز

تاريخ التسجيل: Feb 2018

المشاركات: 3,834

أخوي عبـدالـعزيز الشركة تحاول تخوفك بقصة ايقاف الخدمات.
ايقاف الخدمات مايجي الا من القاضي فقط .
وقل لهم على أي أساس توقفون خدماتي ؟
وايضا قل لهم أرفعو قضية ورح أنت للقاضي وبمجرد حضورك ماراح يوقف خدماتك . بيعطيك موعد جلسة وبتاخذ من شهرين الى ثلاثة شهور.
أهم شي خل قلبك قوي ولا تستجيب لتهديداتهم .

29-06-2018, 06:09 AM

المشاركه #7

تيرليون

رحمه الله

تاريخ التسجيل: Apr 2005

المشاركات: 21,717

لايهمك و تمتع بحياتك وايامك
بيجي الاحد ثم الاحد وبيتصلون عليك
باليوم ثلاث مرات لا ترد
اذا راحوا للتتفيذ تجيك رساله على الجوال
والتنفيذ يعطيك مهله خمس ايام السداد
انت خلال هالخمس ايام هذي
راجع الدائرة حقت التنفيذ وحاول تشوف الشيخ
ادخل عليه ، و اطلب منه المهله ، علمه انك توك متوظف ، وخل معك تاريخ مباشرة بالوظيفه
على شان يصدفك ويعرف انك صادق
قله وعد مني لك آخر الشهر راتبي ينزل
و اسددهم المبلغ ٥٥٠٠ ، ماعليك بيوافق
الامور سهالات ، انت بس خلك حريص
لايروحون للتنفيذ وانت ماتدري
ماعليك بيصبرون عليك لين نهاية الشهر

29-06-2018, 06:12 AM

المشاركه #8

تيرليون

رحمه الله

تاريخ التسجيل: Apr 2005

المشاركات: 21,717

صاحب المكتب كذا
ماعندهم محامي
اذا قالك محامي
قله ، قصدك معقب

29-06-2018, 06:14 AM

المشاركه #9

التميمي22

عضو هوامير المميز

تاريخ التسجيل: Feb 2018

المشاركات: 3,834

وحتى لو وقفو خدماتك .
مجرد حضورك للمحكمة راح يعطونك موعد جلسة بعد كم شهر ويفكون الأيقاف عنك .
واذا حضرت للجلسة أطلب من القاضي أنهم يقسطون عليك المبلغ 500 ريال شهريا .

29-06-2018, 06:18 AM

المشاركه #10

التميمي22

عضو هوامير المميز

تاريخ التسجيل: Feb 2018

المشاركات: 3,834

اقتباس:

المشاركة الأصلية كتبت بواسطة تيرليون

مأتوقع أنها تروح للتنفيذ على طول
محكمة التنفيذ أذا كان موقع على شيك أو سند لأمر بالمبلغ .
ولكن أذا كان عقد فقط تروح للمحكمة أو الدائرة وتعقد جلسات .

29-06-2018, 06:19 AM

المشاركه #11

التميمي22

عضو هوامير المميز

تاريخ التسجيل: Feb 2018

المشاركات: 3,834

اقتباس:

المشاركة الأصلية كتبت بواسطة تيرليون

صاحب المكتب كذا
ماعندهم محامي
اذا قالك محامي
قله ، قصدك معقب

هههههههههههه
والله كانت على لساني .

29-06-2018, 06:21 AM

المشاركه #12

إسماعيل

عضو هوامير المميز

تاريخ التسجيل: Mar 2011

المشاركات: 3,438

إيقاف الخدمات لا يضرك بشيء والراتب ينزل لكن ما تقدر تسحبه

ومدامك توظفت قبل توقف الخدمات فأمورك إن شاء الله زينة

وكما تفضل بعض الأخوان مجرد تهديد ولن يستطيعوا إيقاف خدماتك بسرعة

وأهم شيء تحتفظ بصورة المباشرة لو راجعت المحكمة وأظهرتها للقاضي وتبين له صدقك فسوف يمدد إن حاولوا إيقاف الخدمات

وثق ثقة تامة إن راتبك ينزل ومع نزوله تستطيع تسديدهم

صفحة 1 من 4

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

10:01 PM

ساحات الهوامير المفتوحة

وظيفه

اول

اسبوع

فزعتكم

اقرا ايضا

إيقاف خطيب العيد وإحالته للتحقيق ***

مشروع مضمون ب ٢٥٠ الى ٥٠٠ الف