اذا كان لاعمال مكتبيه فخلك على التالي :
1- خذ المعالج i5 وحاول يكون الجيل الثامن ولو ما حصلت خلك على الجيل السابع
2- بما انك ما انت راعي انتاج ومشاهده فديوهات بدقة عاليه , فلا تاخذ دقة عاليه للشاشه مثل 4k لكن ممكن تاذخذ full hd او 2k خصوصا
3- بالنسبة لكرت الشاشة خذ متصل (اي لا تاذخذ منفصل) حتى يقل عليك المبلغ وارجع اكرر اذا تبي تشوف فديوهات بدقة عاليه او تقول مثلا خلال سنه يجوز اليوتيوب يرفع الدقة الى 2k او 4k او انك تشاهد عليه افلام دقتها عاليه فخذ كرت شاشه منفصل وشاشه دقتها عاليه كي تدعم لك هالمقاطع وتستمتع بالمشاهده
4- بالنسة للرام خذ 8 قيقا او اكثر وحاول انها تكون ddr4 ولو ما حصلت خلها ddr3 وقبل ذلك تاكد ان اللوحة الام للمحمول تدعم ترقية الرامات
مثلا بعض اللوحات الام motherboard )(صورتها اسفل )
كيف تدعم ترقية الرام؟
اولا تتاكد من البائع ان الجهاز فيه اكثر من منفذ عشان اذا جيت ترقي الرام وترفع الحجم تجد منفذ تركب عليه الرام الجديد وتقنيا افضل وجود اثنين رام من واحد ولو كانو نفس الحجم
ثانيا تتاكد ان اللوحة الام تدعم لك الحجم المرغوب , بعض اللوحات الام يوجد مثلا فيها منفذين , وتجد واحد مركب فيه مثلا رام حجمه 6 قيقا وانت ودك ترقي الرام فتروح تشتري رام ثاني حجمه 6 قيقا ايضا عشان يصير المجموع 12 قيقا ويصير جهازك اسرع , وبعد تركيب الرام تجد ان الجهاز لايدعم سرعه 12 قيقا بل مثلا تجد لايدعم اكثر من 8 قيقا
لذلك لابد لك ان تتاكد 100 % اذا نويت تشتري محمول وكنت ناوي مسبقا انك ترقي الرام وترفع سعتها
5- اذا تبي شي مكتبي خلك على الحجم 15 تقريبا هو الارخص بنظري وحسب معرفتي بالاسعار يعني لاهو دخل مع حجم الشاشات الكبيرة للالعاب 16 و 17 انش وغيرها ولا هو يحتسب مع الشاشات الصغير مثل 13 و 12 , و15 انش يعتبر مناسب للاعمال المكتبيه
6- فكر في وزن المحمول بعضها يصل 3 كيلو وحمل مثل هالوزن مقلق لبعض الناس
بالنسبة للنوع ارجع واقولك خلك في لينوفو , dell , اذا صوت الجهاز (اقصد صوت سماعات الجهاز مايعني لك الكثير شوف asus
هواوي منزله بعض الانواع اللي تعتبر حلوه لكن لا اعلم هل هي عملية ام لا وحسب تقارير المواقع هواوي تعتبر شركة صينيه رائده وتحاول تكسب السوق ولو حصلت محمول بمواصفات ممتازة وسعر حلو منهم توكل على الله
فيه محمول يجي بمواصفات جميلة وصيني من شركة xiaomi , لكن للاسف لايوجد له وكيل بالسعودية على حد علمي وهو نسخه طبق الاصل من اشكال اجهزة ابل لكن نظام التشغيل ويندوز وحسب تجربة الناس له و reviews فهو ممتاز بالنسبة لسعره
فيه حركة يسويها بعض الشباب وتوفر له بعض المبلغ , يروح لسوق الحاسبات في العليا ويدور محمول جديد بدون نظام تشغيل او بنظام تشغيل لينكس مثل ubuntu اللي هو اساسا نظام مجاني وينزل عاده من سعر الجهاز 300 الى 500 ريال عند اللي يجي بنظام تشغيل , الحيلة ان بعض الشباب بدل مايشتري نظام تشغيل ويندوز بــ 500 الى الف ريال يشترية اصلي بــ 10 ريال فقط وموثق من مايكروسوفت ويربطه ايضا بحسابه (البريد الالكتروني لمايكروسوفت) عشان يقدر يسترجعه , وهذا كله بفضل الله ثم ببعض البائعين اللي في موقع ebay اللي يشترون الاجهزة الرجيع اللي فيها مشاكل وياخذ نظام التشغيل ويرجع يبيعه عليك بسعر زهيد , طبعا الاوفيس مثله وكثيرمن البرامج تحصلها بسعر جدا جدا رخيص في موقع ebay
اخيرا معلومة لك , الوكيل ملزم بتوفير الصيانه لك في حال وجود مشكلة بمحمول حتي وان كنت شريته من برا , فيه شي اسمه international warranty
طبعا اقولك هالكلام لانه امازون عنده بعض الاجهزة الجديدة المعاد تصنيها اما لعيب مصنعي وتصلحت وتعرض جديدة بسعر اقل واحيان يعتبر منافس
فيه محمول من ايسر حصلت له مراجعه وعجبني لكن انا شخصيا ما جربت اجهزة ايسر وسعره مناسب بــ 600 دولار يعني 2200 ريال , وعلى العموم هذا الفديو
مواصفات المحمول كالتالي :
specs of this pc:
1- intel i5-8250u cpu - 4 core / 8 thread
معالج i5 وهو اخر اصدار الجيل الثامن
2- 8gb ddr3-1600 ram (1x8gb)
الرام 8 قيقا مع وجود منفذ ثاني يعني تقدر ترقي الى 16 قيقا
3- geforce mx150 2gb
كرت الشاشة منفصل 2 قيقا من شركة جي فورس وهي شركة رائده
4- 256gb solid state drive
الهارديسك 256 اس اس دي ssd يعني هارديسك سريع
5- open 2.5" bay for a hard drive
مكان موجود لهاديسك ثاني في حال حبيت تركيب او توسع الهادريسك او تركب نوع رخيص يكون كا ارشيف على سبيل المثال
6- 15.6" 1080p ips display
شاشة 15.6 بوصه
7- built-in web cam
كاميرا مدمجه
8- white backlit gaming keyboard + trackpad
الكيبورد احترافي وينفع للالعاب ايضا
9- ac wifi + bluetooth 4
واي فاي وبلوتوث
10- 1x usb 2 + 2x usb 3.0 + 1x usb 3.1 type c ports
منفذ usb اللي يحط فيه الفلاش الاصدار الثاني وهو غير سريع كما يوجد 2 ايضا الاصدار الثالث وهذا افضل بكثير ونوع محسن من الاصدار الثالث على شكل حرف سي بالنجليزي اي مثل اللي بجولات الاندرويد حاليا
11- hdmi + vga + rj-45 ethernet ports
منفذ لكيبل hdmi و منفذ للشاشة ومنفذ للشبكة السلكية
12- windows 10 home
وندوز 10
البطارية تتحمل حسب امازون (up to 15 hours of battery life) خمسه عشر ساعه عمل طبعا لنقل في وضع الاستعداد لكن عمليا احذف نصف هالرقم قل 7 ساعات عمل (الوقت يعتبر ممتاز جدا)
طبعا هذا سعره حسب امازون 599.98دولار يعني 2249 ريال
http://amzn.to/2gtk48d
وفي جرير 90% نفس المواصفات ويباع اغلى بسعر 2649
http://www.jarir.com/computers-perip...ps-497562.html
علما ان جرير مشلح من الجهاز الهارديسك ssd السريع وحاط القديم hdd وهو ارخص بكثير ومع كذا رافع سعره
ايضا كرت الشاشه رقم الموديل في امازون 150 وفي جرير 130 علما انه نفس الحجم لكن يفرق الرقم بان الموديل اللي في امازون احدث
وبما ان ميزانيتك محدده , هذا واحد مسوي مراجعه لافضل لابتوبات بسعر اقل من 500 دولار لعام 2018
ولو تطيع شوري وميزانيتك تسمح لا تتعدى هالنوع ابدا
lenovo thinkpad x1 carbon 2018
هذا محمول ممتاز جدا ولا هو حسب توصيتي بس بل بتوصيه كل المواقع والاشخاص اللي اعرفهم وجربوه
اهم شي يكون لينوفو - سلسله x1 carbon ويكون موديل 2018
بالنسبة للتوصية بنوع معين اتمنى تعذرني بسبب اني ماجربت ولا اقدر اقولك هذا هالنوع ممتاز وروعه وانا ماجربته , لكن اتمنى ان افدتك كيف تقدر تختار انت بنفسك وتعرف المواصفات والزين والشين من هالاجهزة