لماذا تتفرعن المراه اذا ملك المال؟

المشاركة الأصلية كتبت بواسطة ريال احمر

نعم صحيح تتمرد وتكفر بالعشره

المشاركة الأصلية كتبت بواسطة طماع

الحين بالله اللي يتزوجون موظفات او يقبلون حريمهم تتوظف وش يحسون فيه وهل حياتهم الزوجية تعتبر طبيعية بعد مخالفتهم للفطرة والعقل وارتباطهم بزوجات خارج البيت 8 ساعات باليوم ونوم 8 ساعات وباقي 8 ساعات هي للعبادة والا النظافة والعناية الشخصية والا الاسترخاء والا الاهتمام بشؤون المنزل والا والا والا .. قاتل الله الطمع وحب الفلوس وملاحق الدنيا فبصراحة زوج الموظفة غريب حاله وحال اسرته عافانا الله.

المشاركة الأصلية كتبت بواسطة جسر الامل

بعض الرجال حرام تقول عليه رجال اقسم بالله حقه تفرمه لحم مفروم وترميه للقطاوة
معاناة الكثير من النساء من حولي تجعلني اتفكر بمستقبل الجيل القادم جيل غير مستعد لتحمل اسرة وبيت فوق ماتتصور

احدى قريباتي تزوجت بصغر وكان شرط الزوج ان تكون بعمر 16وتزوجها وكان اكبر منها وعمره 30حينها
ولم تستطع ان تكمل دراستها لان الشيخ اشغلها تراعي اوالده واخوانه وبعد وفاة والده وزواج اخوانه وانجاب 6اطفال وحياة زوجيه تتجاوز 23سنه يقول لها ياليتك موظفه شوفي فلان وعلان زوجاتهم موظفات معلمات او بمول او او وغيره
تقسم بالله ان راتب زوجها 26الف شهري تقول لايرمي لي غير 500ريال ماذا تكفي ؟
احيان يعطيها 500مصروف ويذلها اذا رغبت ان تدخل معه مطعم ان تدفع هي الفاتورة تقول اقل عشاء او غداء احاسب 250الى300

تقول عندي 4بنات 3بالغات محرومين مثلي من وقت والدهم وجلوسه معنا ومحرومين من الريال لهم كسوة واحده بالسنه لك ان تتخيل
اموره الماديه طيبه ويملك فيلا ولكن جيبه ووقته للناس
والله انها تقسم وانا بنفسي اعرفها ان زوجها لايخرج معهم غير يوم او يومين بالشهر ولاينزل معها سوق ولايشتري لبيته كيلو طماط تقول احس اني شنب بالبيت كل امور السوق والخضار والخروف والسمك علي كل ماطللبته تحجج بمركزه الوظيفي وانه مدير ويخجل ان يراه احد حتى اولادة كرهوه بسبب اعتماده عليهم بكل شيء كل واحد فيهم ينتظر يخلص دراسه وينحاش من فعل والده
تقول اليوم هو شايب بعمر 54تقول مايقصر في استراحه الربع كل يوم جمعه يجمع الربع ويدفع فاتورة العشاء من حسابه حتى يوم الجمعه لايكون معهم ولايقصر في سفر الربع تقول عمره مافرحنا بسفره للداخل او الخارج او استراحه طلع معنا والله من يومين تقول اني دخلت احد المولات اشتري اغراض المطبخ تقول اني بكيت بالسوق قرابة 3ساعات كل النساء معهم ازواجهم وانا لم اعش حياة زوجيه طبيعيه
هل نلوم مثل هذه المرأة ؟
تقول كل ماطلع ورجع يعايبني بالوظيفه تقول انا اوصلت اولادي بالجامعه تخصصات طبيه وغيرها بأعلى الدرجات ابنائي ادب واخلاق وتفوق وامتياز ولله الحمد ولايرون والدهم الا بعد العشاء ولا دور له بالحياة وفوق ذلك ليته يكف عني لسانه
تقول اعمل طوال اليوم افطار وغداء وعشاء يرفض ان يدفع ريال للمطعم اذا رغبت تدفع هي بالمصروف المخصص لها 500ريال شكله شايفه زائد صفر تقسم بالله لها 6اشهر لم تشتري علبة عطر لها كل هالمصروف الطفسه يذهب لبناتها واولادها
مثل هذه المرأة اليوم تدعي الله ان يمدها بالصبر لتربي اطفالها وحتى يرزقها ورثها بالقريب العاجل تقسم بالله انها تخشى الانحراف من شدة الحاجه والحرمان من زوج بمعنى الكلمه فهي جميلة جدا ولاينقصها شيء اسأل الله لها السعاده وراحة البال
مثل هذه من انكسر شيء بقلبها لاتلام بنظري بتركه في اقرب وقت تتوفر لها الاموال

المشاركة الأصلية كتبت بواسطة abu_al3ez

الحريم تجمعو باخر الموضوع وحده تقول بسويه لحمه مفرومه والثانيه تقول بطلع قهر السنين بس يسير مقعد بطلت اتزوج خذو مصروفي خذو راتبي بس لحمه مفرومه لاأ