logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

مقبل على الزواج ومحتاج مشورتكم لخبرتكم بالحياه وحل للمشكله



صفحة 1 من 4
1
2
3
4
قديم 21-10-2018, 04:13 PM
  المشاركه #1
حسين 2022
عضو هوامير المميز
تاريخ التسجيل: Dec 2013
المشاركات: 160
 


مقبل على الزواج ومحتاج مشورتكم لخبرتكم بالحياه وحل للمشكله

السلام عليكم ورحمة الله وبركاته
انتم اخبر مني بالحياه ومحتاج نصيحتكم
انا الحمدلله استخرت الله وقررت اتزوج انسانه تقرب لي وبيننا حب وتوافق منذو الطفوله
وكان هنالك صراع مع الاهل بسبب رفضهم للببنت وبعد محاولات كثيره وافقت الوالده لكن كلش مو مقتنعه ويوم راحت تخطب تعرفون سواالف الحريم تهاوشو وغلطو على بعض الحريم وقالو مافي نصيب !!

لكني متمسك في بنت الناس وقاعد احاول اشوف حل ومادري شسوي بينهم والبننت اصبحت متردده وخايفين من المشاكل بعد الزواج والمصايب بسبب الاهل
والمشكله يعني ذي حب حياتي ماراح كذا بس بقدر انساها واتزوج غيرها وانسى السنين اللي بينا وهم مادري شسوي مع الاهل وشلون اصلح المشكله وهل حقا بالمستقبل راح تدمر حياتي بسبب المشاكل الكل يخوفني ان حياتي بتصير سوده وبنكون منبوذين وعيالنا مو مرغوب فيهم!! احترت فقلت اسال اخواني اكيد مريتو بتجارب بحياتكم وشفتز بعيونكم هل يعني احتمال اواجه مشاكل تخلي هالحب مايسوى شي وبشتري تعاستي بيدي مثل مايقولون ولا كيف
الموضوع الأصلي : اضغط هنا    ||   المصدر :

ساحات الهوامير المفتوحة
 
  
قديم 21-10-2018, 04:18 PM
  المشاركه #2
احمدوه
كاتب مميز
تاريخ التسجيل: Jul 2017
المشاركات: 13,707
 



اخي الفاضل
الاعجاب فيها
سوف يتبخرلمايطيح اللي براسك وترى والدتك غيرمرتاحه معها
وقتها والله تتمنى انك لم تاخذها
هنا ياتي الهم والغم وضيقة الصدر
والعرب تقول
باب يجيك منه ريح سده واستريح
اسعدك الله ووفقك





قديم 21-10-2018, 04:20 PM
  المشاركه #3
oxygen2012
عضو هوامير المميز
تاريخ التسجيل: Jan 2012
المشاركات: 4,646
 



عليكم السلام ورحمة الله وبركاته
اخي الكريم هذا اللي بينكم ليس حب . هو شعور عاطفي فقط بسبب قربكم لبعض فترة طويلة . انصحك انك تشوف عمرك وتبحث عن وحدة ثانية والبيوت مليانة بنات والحريم ترا مشاكلهم كثير وتفكيرهم غريب وسطحي وعاطفيات جدا جدا



قديم 21-10-2018, 04:22 PM
  المشاركه #4
أبوريدان
عضو هوامير المميز
تاريخ التسجيل: Jan 2018
المشاركات: 6,136
 



استخر ربك وشاور الوالدة والوالدة ماراح تختار لك الا الزين ونجاحك في زواجك امنية عندها

ويمكن الوالدة تشوف شي ما تشوفه انت
والزواج الناجح هو الزواج اللي كل اطرافه متقبلين بعض بدون توتر



قديم 21-10-2018, 04:32 PM
  المشاركه #5
واحد شاي وصلحه
عضو هوامير المميز
تاريخ التسجيل: Jul 2016
المشاركات: 3,442
 



حط في بالك
الزواج ارتباط بين اهل العروس والعريس
فاذا بين اهلك واهلها مشاكل راح تنعكس عليكم بعد الزواج وتنتهي بمقاطعة مثل قطر



قديم 21-10-2018, 04:56 PM
  المشاركه #6
الحُب السعودي
قلم هوامير الماسي
تاريخ التسجيل: May 2005
المشاركات: 161,803
 



اطلب من حماتك المستقبلية تعزم امك وتطبخ لها
طبخات تحبها
وتقهويها وتبخرها بالعود الازرق
ثاني عزيمة اعتبر الموضوع منتهي



قديم 21-10-2018, 05:00 PM
  المشاركه #7
حسين 2022
عضو هوامير المميز
تاريخ التسجيل: Dec 2013
المشاركات: 160
 



والله يا اخوان ان جيت لقلبي فهو متعلق بها كثيييرا
واشعر اني لن ارتاح ويفهمني غيرها

وان جيت للواقع كل شي ضدي ومثل ماتقولون الاهل المفروض يصيرون اهل لبعض وماتوقع هالشي يصير
انا بين صررراع عنيف بين عقلي وقلبي واللي اشوفه



قديم 21-10-2018, 05:29 PM
  المشاركه #8
عمر المختاار
عضو هوامير المميز
تاريخ التسجيل: Mar 2011
المشاركات: 1,758
 



الله ييسر امرك إذا قدرت تصلح الامور كان بها اما اذا الامور معقدة فالبعد افضل واريح والحريم كثير اهم شي ارضاء الوالدة فوق كل شي



قديم 21-10-2018, 05:36 PM
  المشاركه #9
nadoor2001
عضو هوامير المميز
تاريخ التسجيل: Aug 2006
المشاركات: 2,217
 



جاوبني بصراحه
هل تتواصل معها؟

اذا ايه
اسمع كلام والديك ولا تعارض .. بمجرد يطيح اللي براسك بتشوف الامور كلها بوضوح وراح تتعب

اذا لا
حاول تصلح بين الاهل والله يوفق

نصيحه اخيره
لا تتزوج اذا في خلاف بين الاهل ولا قدرت تحله راح تتعب الين يتم الزواج وراح تتعب بعد الزواج



قديم 21-10-2018, 06:00 PM
  المشاركه #10
maas2030
عضو هوامير المميز
تاريخ التسجيل: Sep 2015
المشاركات: 895
 



تبي الضغط والسكر والشيب المبكر وكثر الهموم وربما الجلطة أقدم على هذا الزواج



قديم 21-10-2018, 06:02 PM
  المشاركه #11
نواف الحريري
عضو هوامير المميز
تاريخ التسجيل: Feb 2006
المشاركات: 2,870
 



إذا فيه خلاف بين العائلتين نسبة فشل الزواج كبيرة
وحب ما قبل الزواج كذبة الحب الحقيقي بعد الزواج وأهم من الحب التوافق و تناسبكم لبعض في جميع الامور
ورضا الوالدين ودعواتهم لك هو سبب توفيقك في الزواج وفي الدنيا والاخرة



قديم 21-10-2018, 06:02 PM
  المشاركه #12
احمدوه
كاتب مميز
تاريخ التسجيل: Jul 2017
المشاركات: 13,707
 



زواج بدايته عدم توافق بين الاهل
نهايته محتومه الفراق



صفحة 1 من 4
1
2
3
4



الكلمات الدلالية (Tags)

للمشكله

,

لخبرتكم

,

مشورتكم

,

مقبل

,

ومحتاج

,

وحل

,

الزواج

,

بالحياه

,

على


«

بخصوص سفر العوايل للبحرين وتطبيق الجوازات (( لمن له معرفه ))

 |

حلم السكك الحديدية فى نهضة وطننا

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


09:39 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.