ماالأفضل والمرغوب اكثر فيلا دوبلكس متصل ام منفصل

المشاركة الأصلية كتبت بواسطة !good hunting

شوف فكرتك ممتازه جدا وتصير جباره لو تم تنفيذها صح
انت عندك ارض على شارعين وتبي تبنيها فلتين (طبعا مفصوله بدون نقاش)

الفكره هي انه تكون الوجهين المتقابلين ذو وجهه صامته (بدون شبابيك) ، مع الوضع بالحسبان انه صامت مايعني مافيه ديكورات وشغل عدل
المهم تكتمل الفكره انه تخلي (الحوش) اللي بين هالوجهين الصامتين يكون الحديقه الداخليه ومسبح لو حبيت أو جلسة خارجيه / (بحيث انه تضمن جارك مايكشف هذي الجهه)

التصميم كالتالي بشكل عام كل فيلا بمسطح 375 الارضي 150 الاول 150 الملحق 75
الارضي يكون مجلس رجال (6*5) 30 متر (مفتوح زجاج كامل على المدخل والحديقه الاماميه ، ومفتوح او شبه مفتوح على غرفة الطعام (المقلط) واللي بيكون مشترك بين الرجال والنساء 5*4 (20 متر)
مجلس النساء مفتوح/ شبه مفتوح على الصاله الجانبيه مفتوح على ممر النساء الخارجي والمسبح ومفتوح على المطبخ التحضيري (البوفيه) مساحه تقريبيه 11.5*4 (46 متر)
وبالنهاية المطبخ واللي بيكون له مدخل خارجي برضو 4*4 (16 متر)

لو تلاحظ العرض المستخدم 5 متر وفيلا بيكون عرضها تقريبا 7 الى 9
تقدر تخلي هذا العرض للخدمات في الخلف في جهة الجار الخلفي مثلا غرفة الغسيل وغرفة الشغاله وغرفة الدرج/اصنصير ودورة مياه النساء ودورة مياه الرجال وغرفة سائق بعمق 12.5 في 3 او 15 متر عمق في 2.5 (38 متر)

30+20+46+16+38 = 150 متر

الدور الاول يكون صاله جانبيه 12 متر (4 في 3) بحيث تكون مفتوحه مع مغسله وبوفيه خفيف جدا
غرفة ماستر 4 متر في 5 عرض للسرير + دورة مياه مع الجاكوزي 3 في 3.5 (الباقي من العرض للمدخل) + غرفة تبديل ملابس 3 في 3.5
المساحه الكليه 41 متر
يبقى عندك ثلاث الى اربع غرف نوم مع دورات المياه والموزع وغرفة الدرج

الدور الثاني يكون للعائله ، صاله مفتوحه على السطه واللي يمكن تزينه + غرفة اطفال قزاز مكشوفه + مكت او سينما أو نادي ، مثل ماتحب


مسكت خط لكن كل كلامي يعتمد على اطوال الارض وواجهاتها ، اهم شي لايصير شغلك سيراميك وديكور ملون وواجه بروفايل وشبابيك متر بمتر ، بطلوها