ياجماعة تلخبطت في العزل..وماني عارف اتخذ قرار...!!!

المشاركة الأصلية كتبت بواسطة فارس الخليج

حصلت ياجماعة آراء كثيرة في عزل الحمامات ويعلم الله داش راسي واشعر اني حايس .... ماني عارف وش الصح ؟؟ وماهو الأفضل ؟؟؟


البعض يقول العزل ماله فايدة ..... اهم شيء تضبيط السباكة وميول البلاط ...

والبعض يعمل الكيشاني سيراميك الجدران بشكل طبيعي ثم يسوي عزل رولات والكيشاني في هذه الحالة يكون ملاصق للارض إلا شيء قليل والعزل حسب اللي فهمته اقل شيء يكون مرتفع 10سم من الأرضية

وجاني شخص قال الطريقة الصح تترك حبة كيشاني من تحت ماتركبها إلا بعد العزل ... وتعمل ميول لجهة الصفاية لعشان المويا اللي تتسرب بين البلاط تتجه للصفاية وهذه الطريقة ماعرفت لها لأن العمل اللي عندنا الصفاية تكون للماء اللي يجي على البلاط


سويت سقوط بالحمامات عملت فيه المواصير وباقي لي تركيب الكرسي العربي .... فايش الانسب اسوي في هذا السقوط ؟؟؟ وماهو ترتيب العمل حسب الوضع اللي عندي ؟؟؟ ماهو الاول والاخير من هذه الاشياء الكرسي العربي ولا الكيشاني ولا العزل ؟؟

ياليت الاخوة اللي فاهمين يقولون لي الأمر ويوضحونه .... ايش الصح ؟؟ وماهو الافضل ؟؟
شاكر للجميع

المشاركة الأصلية كتبت بواسطة أبو لولي

ليش ماتركب ديلمون ماده كيميائيه
تدهن دهن زي البويه يضربها وجهين ولا يرتفع عندك الحمام ولا شي
أنا بصدد تركيبها خلال هاليومين
لأ ن المبلطين على وشك يخلصون القيشاني

المشاركة الأصلية كتبت بواسطة البدر2

شخصيا سويت صبة ميول على الصفاية مع تنعيم وجه الصبة جيدا لان الرول ما يركب الا على سطح ناعم
ثانيا ركبت رولات العزل اللي تتثبت بالنار
واحرص على المبلط الجيد عشان يضبط ميول السيراميل ولا يبقى شي

المسالة سهلة اذا بتبحث بالنت بتدوخ لان كل واحد له طريقته ويدعي انها الصح


والله يوفقك[/quote
طريقتك ممتازة جدا واضيف ان الميول في دورات المياه والمطبخ أهم من العزل كما ان البلاط يركب بالغرا ويتم الإستغناء عن الدفان في كل بلاط المنزل

المشاركة الأصلية كتبت بواسطة عبدوالتركي

تبي تتعب وتخسر كثيرا اذا كل شوي جايك واحد
ومعطيك فكرة
قفل العمارة ولا تسمح الاي احد يدخلها غيرك انت والعمال
العمال اصحاب صنعه وشاورهم بيفيدونك
وهم الصح شاور اكثر من عامل شاور البناء شاور النجار شاور المليس
تلقي عنده افضل الحلول
الناس الزوار مافي راسهم
انا من خبرتي بقولك
العزل ماهو ضروري اهم شي السباك والمبلط اتقنو شغلهم ماعليك خوف
صلحنا علي سبيل المثال عزل وجاء تهريب
ماء مابينفع العزل لنه بيتسرب الي الخارج
اما فكرة تضع صفايه تحت البلاط
فكره غبيه با امتياز لماذاااااااااااا
تصير بورة للحشرات
والصراصير بتوسخ الحمام عليك

المشاركة الأصلية كتبت بواسطة سعود العامري

لا تُحمّل نفسك أكثر ممّا تحتمل

عزل دورات المياه أجلكم الله لا تكلف أكثر من ٢٠٠ ريال لكل دورة يشمل في ذلك الرولة وشغل اليد
العزل مهم لو حدث تسريب لا سمح الله وهذا أمر محتمل مهما كانت كفاءة العامل

المشاركة الأصلية كتبت بواسطة تيرليون