قصائد - من عيون الشعر النبطي - في الحكمة - هوامير البورصة السعودية

14-03-2019, 08:46 PM

المشاركه #1

عنتاب

كاتب مميز

تاريخ التسجيل: Aug 2016

المشاركات: 7,862

قصائد - من عيون الشعر النبطي - في الحكمة

السلام عليكم ورحمة الله وبركاته

إن شاء الله سنخصص هذا الموضوع لقصائد
الحكمة في الشعر النبطي

الموضوع الأصلي : اضغط هنا || المصدر :
ساحات الهوامير المفتوحة

14-03-2019, 08:48 PM

المشاركه #2

عنتاب

كاتب مميز

تاريخ التسجيل: Aug 2016

المشاركات: 7,862

اليتم يتم الأدب والموت موت الضمير
والحب حب المعالي باختلافاتها

والجرح جرح المشاعر من لسان الحقير
والصوم صوم الجوارح عن شهواتها

والبخل بخل الغني والجود جود الفقير
والبعد بعد النظر ماهي مسافاتها

والعز عز التقى والصبر صبر الضرير
والذل ذل المعاصي واقترافاتها

والقتل قتل الأمل في نفس من هو جدير
آمال روحه خذوها عن طموحاتها

والنور نور القلوب اللي تعرف المصير
القايمة بالفروض الخمس فاوقاتها

والحكم حكم الإمام العادل المستنير
والظلم ظلم الفتى روحه بزلاتها

والمجد مجد الشجاع اللي يقود المسير
والجهل جهل الحياة ونبل غاياتها

والفخر فخر التقرب للعلي القدير
ماهوب فخر القبايل وانقساماتها

والشعر شعر الحكيم اشعور ماهو شعير
تعجبك فكرة بيوته وابتكاراتها

والغدر غدر الوطن لو ماعطاك الكثير
وشلون لا أكرمك في شتى مجالاتها

والعطف عطف الكبير ليا لقى له صغير
والضبط ضبط المشاعر وانفعالاتها

والحر حر المفارق خل حر الهجير
والضيق ضيق الصدور لقل طاعاتها

والفوز والله نجاتك من عذاب السعير
لا تحسب الفوز في الدنيا ولذاتها

للشاعر / راجح المغيري

14-03-2019, 08:51 PM

المشاركه #3

ibrahim20

كاتب مميز

تاريخ التسجيل: Feb 2012

المشاركات: 10,362

الله

شي رائع تسلم على النقل

14-03-2019, 08:54 PM

المشاركه #4

عنتاب

كاتب مميز

تاريخ التسجيل: Aug 2016

المشاركات: 7,862

ياصاحبي وشفيك قلّي عسى خير
تشكي وانا خابرك رمز الشجاعة
ان كان حاديك الزمن والمقادير
الصبر للرجال يعطي مناعة
اسمع وخذ مني نصيحه وتذكير
ذرب الكلام اللي يفيدك سماعه
صوادف الدنيا ورود ومصادير
وافضل كنوز الوقت كنز القناعة
اللي كتبه الله على عبده يصير
صبراً جميل ودبرة الله مطاعه
مادمت من روس الرجال المشاهير
مايرتخي راسٍ شمخ بارتفاعه
بكره تبي تلقى العوض فالمخاسير
تاصل حبال الوصل عقب انقطاعه
العافية تسوى كنوز الدنانير
والرجل دايم نجدته من ذراعه
صكات بقعا لانصنّك طوابير
خلك كما ضلعٍ تقانب سباعه
شامخ شموخاً ماتهزه معاصير
لو هو محاصر بالخطر كل ساعه
صلف الهوا ماشدد طويق والنير
والحر يقدم والرعاعه رعاعه
ساير زمانك وانتبه تعكس السير
وسمح الجناب اللي يراعيك راعه
ربعك حزامك فالليال المعاسير
صدرك عليهم لايضيق اتساعه
قد قالو اللي يحكمون التعابير
ترى يد الله مع يدين الجماعة
حذراك دينك لايجي فيه تقصير
لاضاع دينك ماش غيره طماعه
ابليس لو زيّن دروب المحاذير
أبعد عن اللي مايجوز اتباعه
عقب المنيه ماتفيد المعاذير
واللي يطيع ابليس ماله شفاعه
اشر الرفيق اللي يعينك على الخير
وبيع الردي فالسوق بيع البضاعة
لازم يجي من صاحب السوء تاثير
يدوّر اللي يخشره في ضياعه
اللي يحمل المسك ماينفخ الكير
ومجالس المقرود ياخذ طباعه
كم من كبيرٍ بالعقل عمره صغير
وكم من كبير ... بعقل سن الرضاعة
لاتستشير الا حكيم التدابير
رجلٍ تفيدك خبرته واطّلاعه
العاقل يشاور هل العرف ويشير
وكلاً على ماقيل حسب اقتناعه
الطيب يبدي فالوجيه المسافير
يبدي كما نوراً توهج شعاعه
يشفيك حراً لانهض كنه الطير
الطيب مزروعٍ بقلبه زراعه
في طلته تلقى السعد والتباشير
واليا نخيته قال سمعاً وطاعه
تلقى الكرامه عند ريف الخطاطير
وتلقى اللكاعه عند راع اللكاعه
مافالبشر مخلوق من غير تقصير
مير القيام يكون بالاستطاعه
واليا ظهر سرك لو يقال في بير
تراه مابه بير من غير قاعه
يبدي ويبدي به من الناس تزوير
حيث ان بعض الناس مثل الاذاعة
يصبح كما جمٍ ملته الغثابير
ويمسي طعام مروّجين الاشاعة
الظلم ظلمه في وجيه المعاثير
مايفلح الظالم ولو طال باعه
يلقى الجزا لو عقب طول المشاوير
سواة ماسوّاه واعظم شناعة
من دعوة المظلوم احذرك تحذير
اليا رفع لله كف الضراعة
يجيب ربه دعوته دون تاخير
وابو قناع يبين خافي قناعه
راع الحسد لو يندفع يمك مغير
عنّز على الله واتركه باندفاعه
كل الصعاب بعون ربي تياسير
من يتكل بالله ومَن كل راعه
قدمت لك عن واقع الحال تقرير
ببيوت شعراً فيه فن وبراعة
صدرتها من صافي الفكر تصدير
وحقوقنا ماهي حقوق الطباعه
وختامها مني تحية وتقدير
شاري خوي الطيب ماعاد باعه

للشاعر / رائد العالي

14-03-2019, 08:55 PM

المشاركه #5

عنتاب

كاتب مميز

تاريخ التسجيل: Aug 2016

المشاركات: 7,862

اقتباس:

المشاركة الأصلية كتبت بواسطة ibrahim20

الله

شي رائع تسلم على النقل

الله يسلمك

14-03-2019, 09:02 PM

المشاركه #6

جلاد إبليس

عضو هوامير المميز

تاريخ التسجيل: Jul 2013

المشاركات: 23,181

رائعة من روائع الغالي عنتاب حظور و تميز في الكتابة و المشاركة

دمت بود و إحترام غالينا

14-03-2019, 09:07 PM

المشاركه #7

عنتاب

كاتب مميز

تاريخ التسجيل: Aug 2016

المشاركات: 7,862

اقتباس:

المشاركة الأصلية كتبت بواسطة جلاد إبليس

رائعة من روائع الغالي عنتاب حظور و تميز في الكتابة و المشاركة

دمت بود و إحترام غالينا

هلا وغلا ويامرحبا تراحيب المطر
الروعة في حضورك يالغالي
مرورك اسعدني أخي جلاد ابليس
تحياتي

14-03-2019, 09:09 PM

المشاركه #8

عنتاب

كاتب مميز

تاريخ التسجيل: Aug 2016

المشاركات: 7,862

الصمت حكمه والحكـي مصـدر إفـلاس
ولقيـت فـي صمتـي يزيـد احتـرامـي

الصمت له معنى وله ذوق وإحساس
مركـب نجاتـك فـي بحـور الظـلامـي

ترى الرجل صوره مـن الـراس للسـاس
ثــم يتبـيـن جـوهـره بالـكـلامـي

إمـا نطـق فـي كلمـة ترفـع الــرأس
تضفـي علـى شكلـه جديـد الاسـامـي

وإلا يعـود معـدنـه مـعـدن نـحـاس
يرميـه سهمـه بعـد مـاكـان رامــي

لا صار عنـدك مـن ثمينـات الألمـاس
خلـه بصـدرك ليـن وقــت التمـامـي

أخـاف يطلعلـك مـن الـنـاس بــلاس
وإلا سفـيـه مــا يــرد الـسـلامـي

الله خلـق خلقـه علـى عــدة أجـنـاس
وكـلـن يسـوقـه مذهـبـه للأمـامـي

والله خلـق بالطيـر قـمـري وقـرنـاس
ووقـت الهـدد مـا ينغـزي بالحمـامـي

لا جال في صـدرك مـن الهـم هوجـاس
وعيـنـك يحاربـهـا لـذيـذ المنـامـي

ونفسـك عليلـه والفكـر صـار محتـاس
اتـرك طمـان الـقـاع وارق السنـامـي

عليـك بالعالـي لـيـا هــب نسـنـاس
يبـري الجـروح الخافـيـه والعظـامـي

وخلـك لربعـك دايـم الــدوم نـبـراس
وخـص القريـب وخـص ولـد العمامـي

خلـك لهـم فـي داجـي الليـل مقـبـاس
وللصاحب أصـدق مـن حقـوق الغمامـي

اللي يعرف القصيدة لمن لا يبخل علينا
ومشكووور مقدماً

15-03-2019, 09:41 PM

المشاركه #9

عنتاب

كاتب مميز

تاريخ التسجيل: Aug 2016

المشاركات: 7,862

خلك بحر ماتعرف الناس سره
لوهاج موجه غبته تستر السر

وحكم بعقلك كل كلمه تمره
لاينطق لسانك على كل مامر

للصمت وقت وكلمة الحق مره
كم كلمة جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر

واعجابك بنفسك تراها مضره
مهما تسوي طيب حذراك تغتر

شف الجدي اوضح نجم بالمجره
على افترار الارض ماعمره افتر

والبوم له مخلاب بس مايسره
ماكل مخلاب مثل مخلب الحر

ترى الرجال افعال والعمر مره
اظهر بفعل يطلق الوجه ويسر

15-03-2019, 09:50 PM

المشاركه #10

عنتاب

كاتب مميز

تاريخ التسجيل: Aug 2016

المشاركات: 7,862

الصاحب الوافي مثل بنك الارباح
لاتخسر الوافي على شان هافي

مايرفع الهافي كثيرات الامداح
ولا ضرت الوافي علوم الضعافي

تصفق بنا الدنيا مثل صفق الارياح
وما قول غير الله يديم العوافي

تركض بنا الدنيا على خف وجناح
والعمر ينقص والليالي مقافي

لذاتها تشبه سنا البرق لا لاح
وصكاتها مثل السيوف الرهافي

يافوح صدري فوحة القدر لافاح
على هروج اهل القلوب النظافي

ارتاح لاهل الطيب والعرف وارتاح
على الذي قلبه من العُوج صافي

15-03-2019, 09:53 PM

المشاركه #11

عنتاب

كاتب مميز

تاريخ التسجيل: Aug 2016

المشاركات: 7,862

لامن لقيت اللي يحدك على الطيب
احذر تفرط فيه لوكان هندي

ولامن لقيت اللي يحدك على العيب
اشطب على رقمه و ما جاك عندي

الطيب ميزه عند راع المواجيب
عقيد في ربعه و لو كان جندي

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

01:21 AM

قصائد - من عيون الشعر النبطي - في الحكمة

ساحات الهوامير المفتوحة

النبطي

الحكمة

الشعر

عيون

اقرا ايضا

اليوم اللبراليين فى محنة من هذا الارهاب القادم من الغرب الذي سوف يفسد خططهم

استشــــــارة