logo




قديم 14-03-2019, 08:46 PM
  المشاركه #1
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
قصائد - من عيون الشعر النبطي - في الحكمة

قصائد - من عيون الشعر النبطي - في الحكمة

السلام عليكم ورحمة الله وبركاته

إن شاء الله سنخصص هذا الموضوع لقصائد
الحكمة في الشعر النبطي

الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 14-03-2019, 08:48 PM
  المشاركه #2
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

اليتم يتم الأدب والموت موت الضمير
والحب حب المعالي باختلافاتها

والجرح جرح المشاعر من لسان الحقير
والصوم صوم الجوارح عن شهواتها

والبخل بخل الغني والجود جود الفقير
والبعد بعد النظر ماهي مسافاتها

والعز عز التقى والصبر صبر الضرير
والذل ذل المعاصي واقترافاتها

والقتل قتل الأمل في نفس من هو جدير
آمال روحه خذوها عن طموحاتها

والنور نور القلوب اللي تعرف المصير
القايمة بالفروض الخمس فاوقاتها

والحكم حكم الإمام العادل المستنير
والظلم ظلم الفتى روحه بزلاتها

والمجد مجد الشجاع اللي يقود المسير
والجهل جهل الحياة ونبل غاياتها

والفخر فخر التقرب للعلي القدير
ماهوب فخر القبايل وانقساماتها

والشعر شعر الحكيم اشعور ماهو شعير
تعجبك فكرة بيوته وابتكاراتها

والغدر غدر الوطن لو ماعطاك الكثير
وشلون لا أكرمك في شتى مجالاتها

والعطف عطف الكبير ليا لقى له صغير
والضبط ضبط المشاعر وانفعالاتها

والحر حر المفارق خل حر الهجير
والضيق ضيق الصدور لقل طاعاتها

والفوز والله نجاتك من عذاب السعير
لا تحسب الفوز في الدنيا ولذاتها

للشاعر / راجح المغيري




قديم 14-03-2019, 08:51 PM
  المشاركه #3
عضو هوامير المميز
تاريخ التسجيل: Feb 2012
المشاركات: 4,922
ibrahim20 متواجد حالياً  
رد: قصائد - من عيون الشعر النبطي - في الحكمة

الله

شي رائع تسلم على النقل




قديم 14-03-2019, 08:54 PM
  المشاركه #4
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

ياصاحبي وشفيك قلّي عسى خير
تشكي وانا خابرك رمز الشجاعة
ان كان حاديك الزمن والمقادير
الصبر للرجال يعطي مناعة
اسمع وخذ مني نصيحه وتذكير
ذرب الكلام اللي يفيدك سماعه
صوادف الدنيا ورود ومصادير
وافضل كنوز الوقت كنز القناعة
اللي كتبه الله على عبده يصير
صبراً جميل ودبرة الله مطاعه
مادمت من روس الرجال المشاهير
مايرتخي راسٍ شمخ بارتفاعه
بكره تبي تلقى العوض فالمخاسير
تاصل حبال الوصل عقب انقطاعه
العافية تسوى كنوز الدنانير
والرجل دايم نجدته من ذراعه
صكات بقعا لانصنّك طوابير
خلك كما ضلعٍ تقانب سباعه
شامخ شموخاً ماتهزه معاصير
لو هو محاصر بالخطر كل ساعه
صلف الهوا ماشدد طويق والنير
والحر يقدم والرعاعه رعاعه
ساير زمانك وانتبه تعكس السير
وسمح الجناب اللي يراعيك راعه
ربعك حزامك فالليال المعاسير
صدرك عليهم لايضيق اتساعه
قد قالو اللي يحكمون التعابير
ترى يد الله مع يدين الجماعة
حذراك دينك لايجي فيه تقصير
لاضاع دينك ماش غيره طماعه
ابليس لو زيّن دروب المحاذير
أبعد عن اللي مايجوز اتباعه
عقب المنيه ماتفيد المعاذير
واللي يطيع ابليس ماله شفاعه
اشر الرفيق اللي يعينك على الخير
وبيع الردي فالسوق بيع البضاعة
لازم يجي من صاحب السوء تاثير
يدوّر اللي يخشره في ضياعه
اللي يحمل المسك ماينفخ الكير
ومجالس المقرود ياخذ طباعه
كم من كبيرٍ بالعقل عمره صغير
وكم من كبير ... بعقل سن الرضاعة
لاتستشير الا حكيم التدابير
رجلٍ تفيدك خبرته واطّلاعه
العاقل يشاور هل العرف ويشير
وكلاً على ماقيل حسب اقتناعه
الطيب يبدي فالوجيه المسافير
يبدي كما نوراً توهج شعاعه
يشفيك حراً لانهض كنه الطير
الطيب مزروعٍ بقلبه زراعه
في طلته تلقى السعد والتباشير
واليا نخيته قال سمعاً وطاعه
تلقى الكرامه عند ريف الخطاطير
وتلقى اللكاعه عند راع اللكاعه
مافالبشر مخلوق من غير تقصير
مير القيام يكون بالاستطاعه
واليا ظهر سرك لو يقال في بير
تراه مابه بير من غير قاعه
يبدي ويبدي به من الناس تزوير
حيث ان بعض الناس مثل الاذاعة
يصبح كما جمٍ ملته الغثابير
ويمسي طعام مروّجين الاشاعة
الظلم ظلمه في وجيه المعاثير
مايفلح الظالم ولو طال باعه
يلقى الجزا لو عقب طول المشاوير
سواة ماسوّاه واعظم شناعة
من دعوة المظلوم احذرك تحذير
اليا رفع لله كف الضراعة
يجيب ربه دعوته دون تاخير
وابو قناع يبين خافي قناعه
راع الحسد لو يندفع يمك مغير
عنّز على الله واتركه باندفاعه
كل الصعاب بعون ربي تياسير
من يتكل بالله ومَن كل راعه
قدمت لك عن واقع الحال تقرير
ببيوت شعراً فيه فن وبراعة
صدرتها من صافي الفكر تصدير
وحقوقنا ماهي حقوق الطباعه
وختامها مني تحية وتقدير
شاري خوي الطيب ماعاد باعه

للشاعر / رائد العالي




قديم 14-03-2019, 08:55 PM
  المشاركه #5
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

اقتباس:
المشاركة الأصلية كتبت بواسطة ibrahim20 مشاهدة المشاركة
الله

شي رائع تسلم على النقل
الله يسلمك




قديم 14-03-2019, 09:02 PM
  المشاركه #6
عضو هوامير المميز
تاريخ التسجيل: Jul 2013
المشاركات: 15,657
جلاد إبليس غير متواجد حالياً  
رد: قصائد - من عيون الشعر النبطي - في الحكمة

رائعة من روائع الغالي عنتاب حظور و تميز في الكتابة و المشاركة

دمت بود و إحترام غالينا




قديم 14-03-2019, 09:07 PM
  المشاركه #7
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

اقتباس:
المشاركة الأصلية كتبت بواسطة جلاد إبليس مشاهدة المشاركة
رائعة من روائع الغالي عنتاب حظور و تميز في الكتابة و المشاركة

دمت بود و إحترام غالينا
هلا وغلا ويامرحبا تراحيب المطر
الروعة في حضورك يالغالي
مرورك اسعدني أخي جلاد ابليس
تحياتي




قديم 14-03-2019, 09:09 PM
  المشاركه #8
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

الصمت حكمه والحكـي مصـدر إفـلاس
ولقيـت فـي صمتـي يزيـد احتـرامـي

الصمت له معنى وله ذوق وإحساس
مركـب نجاتـك فـي بحـور الظـلامـي

ترى الرجل صوره مـن الـراس للسـاس
ثــم يتبـيـن جـوهـره بالـكـلامـي

إمـا نطـق فـي كلمـة ترفـع الــرأس
تضفـي علـى شكلـه جديـد الاسـامـي

وإلا يعـود معـدنـه مـعـدن نـحـاس
يرميـه سهمـه بعـد مـاكـان رامــي

لا صار عنـدك مـن ثمينـات الألمـاس
خلـه بصـدرك ليـن وقــت التمـامـي

أخـاف يطلعلـك مـن الـنـاس بــلاس
وإلا سفـيـه مــا يــرد الـسـلامـي

الله خلـق خلقـه علـى عــدة أجـنـاس
وكـلـن يسـوقـه مذهـبـه للأمـامـي

والله خلـق بالطيـر قـمـري وقـرنـاس
ووقـت الهـدد مـا ينغـزي بالحمـامـي

لا جال في صـدرك مـن الهـم هوجـاس
وعيـنـك يحاربـهـا لـذيـذ المنـامـي

ونفسـك عليلـه والفكـر صـار محتـاس
اتـرك طمـان الـقـاع وارق السنـامـي

عليـك بالعالـي لـيـا هــب نسـنـاس
يبـري الجـروح الخافـيـه والعظـامـي

وخلـك لربعـك دايـم الــدوم نـبـراس
وخـص القريـب وخـص ولـد العمامـي

خلـك لهـم فـي داجـي الليـل مقـبـاس
وللصاحب أصـدق مـن حقـوق الغمامـي

اللي يعرف القصيدة لمن لا يبخل علينا
ومشكووور مقدماً




قديم 15-03-2019, 09:41 PM
  المشاركه #9
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

خلك بحر ماتعرف الناس سره
لوهاج موجه غبته تستر السر

وحكم بعقلك كل كلمه تمره
لاينطق لسانك على كل مامر

للصمت وقت وكلمة الحق مره
كم كلمة جابت لمن قالها شر

لاتشيل في قلبك من الكبر ذره
من يحقر العالم يجي يوم يحقر

واعجابك بنفسك تراها مضره
مهما تسوي طيب حذراك تغتر

شف الجدي اوضح نجم بالمجره
على افترار الارض ماعمره افتر

والبوم له مخلاب بس مايسره
ماكل مخلاب مثل مخلب الحر

ترى الرجال افعال والعمر مره
اظهر بفعل يطلق الوجه ويسر




قديم 15-03-2019, 09:50 PM
  المشاركه #10
عضو هوامير المميز
تاريخ التسجيل: Aug 2016
المشاركات: 3,854
عنتاب متواجد حالياً  
رد: قصائد - من عيون الشعر النبطي - في الحكمة

الصاحب الوافي مثل بنك الارباح
لاتخسر الوافي على شان هافي

مايرفع الهافي كثيرات الامداح
ولا ضرت الوافي علوم الضعافي

تصفق بنا الدنيا مثل صفق الارياح
وما قول غير الله يديم العوافي

تركض بنا الدنيا على خف وجناح
والعمر ينقص والليالي مقافي

لذاتها تشبه سنا البرق لا لاح
وصكاتها مثل السيوف الرهافي

يافوح صدري فوحة القدر لافاح
على هروج اهل القلوب النظافي

ارتاح لاهل الطيب والعرف وارتاح
على الذي قلبه من العُوج صافي







مواقع النشر (المفضلة)

الكلمات الدلالية (Tags)

النبطي

,

الحكمة

,

الشعر

,

عيون

,

قصائد


أدوات الموضوع
انواع عرض الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



10:47 PM