المشاركة الأصلية كتبت بواسطة ابوحـمد
خلك من سالفة يضيق على عياله ويضيق على أهله اللي ماسك عليها .. ترا راس مال اللي ساكن فيلا واللي ساكن شقه يتغدون كبيسه ويتعشون فول وتميس ههههههه .. واذا طقتهم الدجه ركبو في السياره وفرشو زوليه على الكورنيش او بالثمامه .. وراس مال كيس الرز 45 كيلو 200 ريال يعفج فيه كذا شهر .. ماهو بميت جوع اذا قسط حق بيت .. اما اذا بنتكلم بمنطقك وهو منطق التضييق على عياله فالضيق اذا حاشر عياله في شقيقه او دور صغير ومتحاشرين فيه يصفون طابور عند الحمام وانت بكرامه .. ياحبيبي الناس قاعده تقسط حق سيارات يمكن في غمضة عين يقوم يلقاها مسروقه او تروح سكراب في حادث .. الناس قاعده تقسط حق ايفون .. تقسط قروض وبطاقات كريدت للسفر .. انت وين عايش .. على الاقل هذا يقسط حق بيت يأويه ويملكه ويضم عياله من بعده .. والله ثم والله يكذب اللي يقول انه مستقر نفسياً في أجار .. مافيه مثل المسكن الملك مهما حاولت تبرر .. اما اذا على الموت كلنا بنموت ومافيها ياكسفه وياحسافه .. الحسافه تصير على اللي بتشوفه في قبرك ان كان خير ولا شر .. ما على الدنيا حسوفه اذا مات الواحد .. والدنيا على كل الأحوال بتعيشها في كبد هذا كلام رب العالمين لا كلامب ولا كلامك .. وفي النهايه كلن ينام على الجنب اللي يريحه وسلامتكم
23-03-2019, 06:59 AM
