ياليت الدولة تستثمر حساب المواطن وحافز بدل توزيعه

22-04-2019, 10:08 AM

المشاركه #1

قنـوع

عضو هوامير المميز

تاريخ التسجيل: May 2016

المشاركات: 240

ياليت الدولة تستثمر حساب المواطن وحافز بدل توزيعه

السلام عليكم

والله لو كنت صاحب قرار كان منعت الطريقة الحالية في صرف حساب المواطن وحافز واستثمرت فلوسها في خدمة المواطنين المحتاجين .. ابني فيها معاهد تدريب منتهية بالتوظيف

وأبني مجمعات خدمية داخل الاحياء واشغّل فيها المواطنين العاطلين دوام كامل .. ودوام جزئي للطلاب وبقية الموظفين .. احسبوها معي ..

كم ميزانية حافز وحساب المواطن ؟؟

ليه بدل ما انثرها على حساب المواطن وحافز ليه ما استثمرها لهم؟؟

اطلعوا للشوارع شوفوا عدد البقالات ومحلات الخضار وورش صيانة الاجهزة والمغاسل ووو .. واللي مسيطرة على هذي الانشطة هم الاجانب واحسب كم المبالغ اللي يرسلونها للخارج من وراء دخل هالانشطة ..

ليه في كل شارع عشرة بقالات ,, عشرة محلات خضار .. الخ ..

ليه ما الغي تجديد هالتراخيص وابني في كل حي مجمعات خدمات فيها مراكز سوبرماركت وخضار ومغاسل ومركز صيانة كبير وباقي الانشطة يستوعب ابناء الحي ويشتغل فيه المواطنين العاطلين او الطلاب بدل هالثلاثمائة ريال اللي تجيهم من حساب المواطن بيدخل عليهم اضعاف هالمبلغ ومن تعبهم مو من تسدّحهم لين مايتعودون الطمالة والكسل؟!

وكذلك يستفيد من ريعها اصحاب معاشات الضمان الاجتماعي برفع معاشاتهم لتغطية نقص ما كانوا ياخذونه من حساب المواطن وأكثر ..

يمكن تقولون عدد المستفيدين اكبر من الوظائف بكثير ولن تستوعبها المجمعات .. لكن احسبوا الفائدة اللي بنجنيها من مغادرة الاجانب وإحلال المواطنين مكانهم وتبقى فلوسنا لبلدنا ولاولادنا

الى متى والاجنبي يلعب بثرواتنا ويصدّر فلوسنا؟!!

شوفوا يمين ويسار 99% من انشطة المحلات بالاحياء تستر × تستر

والسعودي ياخذ طفسة قرشين والاجنبي باقي الفلوس

والله ياعندنا انشطة تدخّل ملايين ومو مستفيد منها الا الاجانب

أغنى الاجانب شوفوهم يشتغلون بالخردة والسكراب وعندهم ملايين .. عطوني نشاط خسران ماعدى الانشطة اللي اصحابها سعوديين وداخلين بمهنة دون دراسة جدوى .. يبي يبدا كبير .. مايبي يبدا من الصفر ..

شوفوا نجاح التجارة الالكترونية في الانستغرام وباقي وسائل التواصل نجحت لأنها بدأت من الصفر بدون ما اتسلف عشان ابني مشروع وانا مو متأكد من مدى نجاحه ..

شوفوا كم نشاط بدا من الانستغرام والحين صاحبه عنده عدة فروع وما زال يتوسع ..

قبل كم يوم صديق متقاعد حديثا يفكر في مشروع .. مرة يقول مغسلة ثياب .. مرة يقول مطعم بخاري .. مره يقول فوّال ..

يعني تفكيره منصبّ في كيف يحط فلوسه في مشروع ويجيب عمال يلعبون عليه ويسرقونه ..

يبي مشروع يمر عليهم اخر الليل وياخذ كم قرش ويرجع يدربي راسه بالبيت ..

والله ماينجح مشروعك الا اذا وقفت عليه من البداية للنهاية .. وانا كمستهلك .. ومواطن .. بتعامل مع المحل اللي اشوف صاحبه ابن الوطن هو اللي يديره

والله بندعمكم بس ورّونا همتكم

كذلك عندي اقتراح .. لو الرسوم الحكومية مثل رخص المحلات وغيرها يلغونها على الانشطة اللي يشرف عليها سعوديين فقط ولا عندهم عمالة فهالشي بيكون دعم حقيقي لهم

والله من وراء القصد ..

الموضوع الأصلي : اضغط هنا || المصدر :
ساحات الهوامير المفتوحة

22-04-2019, 10:10 AM

المشاركه #2

علامك

عضو موقوف

تاريخ التسجيل: Feb 2019

المشاركات: 2,060

ممتاز

مركز للحي فية كل شئ وحصر الشغل فية على السعوديين

22-04-2019, 10:54 AM

المشاركه #3

كنعد بدون شوك

عضو هوامير المؤسس

تاريخ التسجيل: May 2005

المشاركات: 7,774

كلامك صحيح وممتاز اذا مسك الاستثمار اشخاص ثقه

شوف استثمارات مؤسسة التقاعد ووووالخ ويقولون المؤسسة على وشك الافلاس

22-04-2019, 11:06 AM

المشاركه #4

محب الخير55

عضو هوامير المميز

تاريخ التسجيل: May 2009

المشاركات: 21,642

يا رجل من جدك تتحدث

الدولة ماقصرت بدأت بهذا المشاريع قبل 45 عاما تحديد من ( الجمعيات التنموية ) فالقرى والهجر وأحد هذه الشركة ( شركة بيشة للتمنية ) وغيرها أتذكر أحد هذه الجمعيات حدود عام 1405 م أنشئت محطات ومحلات ( وبعدها تم شفطها لاخر نقطة ) عندنا لصوص لا توجد على مستوى العالم
الشركات المساهمة تم سرقتها أموال الدولة تم سرقتها المناقصات تم سرقتها والله العامل الأجنبي يتعلم منا نحن نصدر الفساد لجميع دول العالم لعلمك أرامكو لو الله تعالى ثم التظام الأمريكي الصارم في تأسيسها ونظامهايمكن صفت بجنب بيشة

22-04-2019, 11:43 AM

المشاركه #5

abz11

عضو هوامير المميز

تاريخ التسجيل: Jul 2013

المشاركات: 2,063

اقتباس:

المشاركة الأصلية كتبت بواسطة محب الخير55

ما شاء الله عليك
ملاحظات في محلها
ولكن المشكلة ان لا احد يعترف بالاخطاء لذا استشرت وتشبع البعض بصفات فيصفون الرجال هو الذي يوصف بالذئب فيقولون: فلان ذئب
وهذا راجع لشيوع ظاهرة تشدق البعض بالقيم المثالية والشمائل الاخلاقية الطيبة ولكنهم ابعد ما يكونون عن مضمونها
والله اعلم

22-04-2019, 12:27 PM

المشاركه #6

راعي الجيب 2

عضو هوامير المميز

تاريخ التسجيل: Apr 2009

المشاركات: 13,635

نفس فكرة الجمعيات التعاونية وتكون مدعومة السلع ومن ظمنها محلات تموين تصرف المواد الأساسية للمواطن من رز ودواجن وحليب وزيوت طبخ هي الحل المناسب مع توزيع ارباح الجمعية لمساهمين المنطقة

22-04-2019, 12:50 PM

المشاركه #7

هيومن

عضو هوامير المميز

تاريخ التسجيل: Mar 2012

المشاركات: 894

ماتقوم به الحكومه
في غايه الحكمه
ايصال الدعم الى المواطن مباشره

سابقا الدعم للجميع تاجر وفقير .. الان الطبقه المتوسطه والكادحه هي المستفيده من الدعم

الكلمات الدلالية (Tags)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

09:07 AM

ياليت الدولة تستثمر حساب المواطن وحافز بدل توزيعه

ساحات الهوامير المفتوحة

وحافز

المواطن

الحكومة

الدولة

توزيعه

تستثمر

ياليت

حساب

حساب مواطن

اقرا ايضا

الكتابه عن المدرسين ممنوع

إستفزاز الآخرين بمواضيع لاتسمن ولاتغني من جوع