الا جتك زله في مجالس هل الطيب

28-04-2019, 11:10 AM

المشاركه #1

عضو هوامير المميز

تاريخ التسجيل: Jul 2009

المشاركات: 345

يا شادي الدنيا حظوظ وتجاريب
ولا كل رجالن يبي المجد يرقاه

ياكود من يصبر لحر الملاهيب
ويشوم عن بعض العرب في حكاياه

وعرفت خويك من خيار المكاسيب
ولا قصير الشبر حذرا ك وياه

بعض البشر مقباس مثل المشاهيب
وله نظرتن وسطى على حد مطاه

دايم يعكر لك بصفو المشاريب
مهما تحمل زلته مع خطاياه

وان كان مالك في بني عمك صحيب
يابس بلا ئل ينفع الي تنصاه

أورد على الجمه وكب الغثاريب
مادام بعض الناس جفت رواياه

ولاجتك زله في مجالس هل الطيب
جل المعزّب وحشمه لاتناساه

لا صار مايرضى عليك العذاريب
يبين رده في ملامح محياه

والى عرفت انه يبي ردّك مصيب
قول الكلام الي هل العرف ترضاه

وثمن كلامك في عيون الاجانيب
ولا تنقص حقوق البشر وأهل الجاه

ثم قدم المنطق بحكمه وترتيب
وضد الذي يخطي على الجار وحماه

وان كان هو مغرور منطق واساليب
عطه الدلائل لين تبحث خفاياه

ولياء عرفت انه قريّب محاضيب
العفو عند المقدره لا تعدّاه

و لصار ماهي عمد لا تبحث الغيب
ولا تنبه الغافل ولا تحرك افواه

حنا هل الطلات وأهل المواجيب
وهذا كلام الصدق ماهو محاباه

والشر نقصر عنه قبل المطاليب
لكن لثارت لها زحول ودهاه

نحشم أقاربنا وضيف المعازيب
ونكّرم المحتاج لا من عطيناه

حنا نعز الكفو ونقدر الشيب
والكفو نعشق خوته لا لقيناه

حنا الى منه عوا الذئب لذئب
تهابنا الشجعان فريّس ورماه

ودايم تحصلنا بروس المراقيب
لا من بعض الناس شانت نوياه

وما كل رجالن جويد المقضايب
ولا كل رجالن تنموس سواياه

والي تقفانا بشذب العراقيب
خله يموت وحاملن داه برداه

وياكثر ماتطلع لنا نجوم وتغيب
قامت تهاوا قبل تدني مناياه

نبا الأمل في بعض الأشخاص ويخيب
غير الأمل مالي عليهم مقاضاه

ونسمع لقول الكفو بحكمه وتهذيب
ونقدر الطيب الى من عرفناه

ونشوم عن كل الخطا وأهل الريب
ونتعب على المعروف لحل طرياه

الله خلقنا من خيار الاشانيب
ونفوسنا للعز والطيب تهواه

متعب الشويب
اعجبتني يابو شادي وبمانك هنا عضو ولونك متعلق ههههه

https://youtu.be/wwNK_IaO6WA

الموضوع الأصلي : اضغط هنا || المصدر :
قصائد الهوامير

10-03-2021, 03:27 PM

المشاركه #2

الصيرم

عضو هوامير المؤسس

تاريخ التسجيل: Sep 2005

المشاركات: 20,877

صح لسانك

الله يعطيك العافية ويبارك فيك

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

03:14 AM

قصائد الهوامير

مجالس

الطيب

اقرا ايضا

قصيدة مدح لحافظ القرآن

شعر عن الخال