مشروع تأجير سيارات

المشاركة الأصلية كتبت بواسطة ahmedal76

في شركات تأجير يعجبني شغلهم , هو اللي يأجرون السيارات مع السائق , في اخوة عندهم شركة من هذا النوع و يعني عندهم تقريبا فوق ال400 سيارة , حاليا مع انخفاض السوق بقي منها 150 سيارة تقريبا ودخلها حتى بهذا العدد ممتاز جدا ,

طبعا طريقته وهو يفضل السائقين من كيرلا فقط (ما اعرف السبب ) السيارات اللي عنده 90% منها عائلية جيوب ويوكن وسكويا وانوفا وفورشنر الخ , السائق يتحمل مسؤولية السيارة وصيانتها (ويتحاسب معهم نهاية الشهر ) سياراتهم رغم انها ماشية

كثير الا انها ماشاء الله نظيفة , يتم الاتفاق مع الشركة ويرسلون السواق , السائقين رواتبهم ضعيفة لكن يطلع لهم بونص في الغالب يوصل فوق ال 4000 ريال في الشهر (هو واجتهاده ) متوسط صافي الربح في السيارة الواحدة في الشهر للشركة حول 8 الى 10 الالف

ريال , كان عنده مدير من كيرلا ايضا هو اللي ساهم في انشاء الشركة وتوسعها وهو اللي يسوق للشركة ويجيب لهم عقود مع شركات ويختار السواقين وفوقه هو نفسه سائق (زيادة دخل ) اختلف معهم على الراتب (ومن وجهة نظري يستاهل ) له اكثر من 20 سنة

معهم وجاه عرض من شركة اخرى تعمل في البحرين وبراتب وبونص ممتاز جدا , الفكرة اعجبتني , السيارات تعيش معهم 5 الى 6 سنوات بالراحة