وش رايكم بهذا الصديق المنحوس

17-07-2019, 10:27 PM

المشاركه #13

عضو هوامير المميز

تاريخ التسجيل: Dec 2011

المشاركات: 5,790

الرزق من الله والحظ يلعب دور التوفيق من رب العالمين في كل شي
دخلت مشاريع كثير مع تخطيط ودراسه وخسرت كل شي غيري دخل وما عند امة سالفة ولا يدري وش السالفه ويدق علي يستشيرني ورغم كذا نجح و هو مو داري وين الله قاطة ارزاق

17-07-2019, 10:46 PM

المشاركه #14

booking

عضو موقوف

تاريخ التسجيل: Jul 2018

المشاركات: 3,831

انا مؤمن إن التجارة موهبة.
مثل موهبة(لاعب كرة القدم.الرسام.المطرب.....الخ)

ومقتنع 100% إني ماعندي موهبة التجارة نهائيا .
لذالك يستحيل اجرب التجارة.

لو شفت احد قدراتة العقلية بسيطة(في نظرك).
ونجح في التجارة ثق تماما انو عندة (موهبة التجارة)

17-07-2019, 10:51 PM

المشاركه #15

داهية بني سفيان

عضو موقوف

تاريخ التسجيل: Mar 2016

المشاركات: 8,970

اسس النجاح ثلاث ركائز
بر الوالدين
صفاء النية
الصدقة .
أكاد اقسم عليهن مما قرأت وسمعت وشاهدت.

17-07-2019, 10:54 PM

المشاركه #16

التميمي22

عضو هوامير المميز

تاريخ التسجيل: Feb 2018

المشاركات: 3,834

الأرزاق بيد الله
أتذكر قبل 15 سنة فتح محل بروستد في بريدة وأنكبت عليه الزباين حتى أن المرور كان ينظم حركة السير عند المحل من الزحمة .
بعد حوالي سنة طمع واحد فيه وأشتراه من صاحبة بمبلغ خيالي . وبعدها بفترة خفت الرجل عليه لدرجة لاتصدق مع أن العماله هي نفس العماله والخلطه نفسها .
ولكن الى تغير هو صاحب المحل .

17-07-2019, 11:45 PM

المشاركه #17

نيترون

عضو هوامير المميز

تاريخ التسجيل: Jul 2006

المشاركات: 6,687

الخلطة السحرية لجذب المال
هي:

مقومات الحظ

مالم تكن تمتك مقومات الحظ فالغنى سيكون عليك صعب المنال الا إذا نلته وارثاً

18-07-2019, 12:05 AM

المشاركه #18

almillionair

عضو هوامير المميز

تاريخ التسجيل: Nov 2013

المشاركات: 9,538

اخي الاكبر كان على نياته مافي قلبه على احد شي يثق في اي شخص وياما انسرق من عمال وغيرهم ويطنش توفي الله يرحمه في عمر 35 سنه هوه وزوجته وابنه في حادث مروري كل العائلة

كان مبروك وين ما يشتغل يربح توفي وهو يملك تقريبا ثلاث اراضي في الجنوب وارض في تبوك وشقة في مكه وشالية في درة العروس من غير الكاش في البنك وكلها من شغله وتعبه

فيه ناس سبحان الله مبروكين وفيه ناس منحوسين

احد اصحابي منحوس ما يدخل في اي مشروع إلا ويخسر والله ان عليه قضايا في المحاكم في مبالغ ماليه تتجاوز المليون وهو ماله فيها لا ناقة ولا جمل

توه متقعد وكان ينتظر دراهم نهايه الخدمه علشان يشتري بيت وشلكلها بتروح مع هذي المشاكل

بعد العيد تدهورت حالته الصحيه جاه جلطه وتكالبت عليه الامراض والمصائب وهو في حاله نفسيه يرثى لها

اسأل الله ان يفرج همه وهم كل مسلم

18-07-2019, 12:07 AM

المشاركه #19

أبوأحمد100

عضو هوامير المميز

تاريخ التسجيل: Feb 2013

المشاركات: 4,444

الخيرة في ما اختاره الله

18-07-2019, 12:45 AM

المشاركه #20

alsah

عضو هوامير المميز

تاريخ التسجيل: Apr 2019

المشاركات: 102

اقتباس:

المشاركة الأصلية كتبت بواسطة ابو لورا 9

احد الاصدقاء منحوس جرب كل المشاريع وانهار مع اللي انهاروا بالاسهم ودخل فوق خمس مشاريع كلها بمبالغ 100 الف وفوق بعضها شراكه وبعضها لحاله وكلها خساير
امس يقولي جمعت فلوسي وناوي على مشروع وناوي ادخل سليمان الراجحي بالنيه معه ب20٪ هههههههه عشان يتبارك المشروع او بشوف لي واحد مبروك حضه ويدخله بالنيه معه ويقول بنهاية السنه بروح اعطيه 20٪ حقته عشان الذمه
ماادري هل هذا جنون او تفكير عقلاني

طبعا اعتقاده ان التجاره مهيب على العقل والشطاره توفيق قبل كل شيء واستشهاده ان فيه ناس مبروكه وين مايدخل مشروع الا يتبارك ويقول مره سمعت مفسر احلام يقول لواحد فلان الفلاني ادخل معه بالمشروع لانه شخص مبروك

ارائكم

من العجيب انه يفكر يدخل سليمان الراجحي عشان يتبارك المشروع ويترك من بيده البركة والتوفيق والامر كله .. قوله يدخل رب سليمان الراجحي والخلق اجمعين معه بالشركة ويصدق وينويه ب ال 20 بالميه اللي قالها ويسددها في وقتها لمستحقيها بدون نقص او تقصير .. ولا يغير بنيته شيء .. وباذن الله سيبارك الله له مشروعه .

18-07-2019, 01:12 AM

المشاركه #21

الأماني المستحيلة

عضو هوامير المميز

تاريخ التسجيل: Oct 2017

المشاركات: 224

اللي ماله حظ لايتعب ولايشقى وبس

18-07-2019, 01:26 AM

المشاركه #22

السهم الأول

عضو هوامير المؤسس

تاريخ التسجيل: Dec 2005

المشاركات: 2,565

اقتباس:

المشاركة الأصلية كتبت بواسطة alsah

من العجيب انه يفكر يدخل سليمان الراجحي عشان يتبارك المشروع ويترك من بيده البركة والتوفيق والامر كله .. قوله يدخل رب سليمان الراجحي والخلق اجمعين معه بالشركة ويصدق وينويه ب ال 20 بالميه اللي قالها ويسددها في وقتها لمستحقيها بدون نقص او تقصير .. ولا يغير بنيته شيء .. وباذن الله سيبارك الله له مشروعه .

قلت ما في خاطري بارك الله لك وفيك

شكرا لصاحب الموضوع

18-07-2019, 01:30 AM

المشاركه #23

عطاف

عضو هوامير المميز

تاريخ التسجيل: Jan 2012

المشاركات: 7,255

اقتباس:

المشاركة الأصلية كتبت بواسطة alsah

من العجيب انه يفكر يدخل سليمان الراجحي عشان يتبارك المشروع ويترك من بيده البركة والتوفيق والامر كله .. قوله يدخل رب سليمان الراجحي والخلق اجمعين معه بالشركة ويصدق وينويه ب ال 20 بالميه اللي قالها ويسددها في وقتها لمستحقيها بدون نقص او تقصير .. ولا يغير بنيته شيء .. وباذن الله سيبارك الله له مشروعه .

عز الله انك صادق..رحم الله والديك

18-07-2019, 01:34 AM

المشاركه #24

صاحب التكسي

عضو هوامير المميز

تاريخ التسجيل: Aug 2013

المشاركات: 30,791

اخي من الطرق التي سمعت البعض ينصح بها لدفع النحس
تلاوة سورة البقرة يوميا لمدة طويلة تصل الى ستة اشهر

وايضا سبحان الله
السيارة تكون في بعض الاحيان نحس

وربما قاعدة الاب الفقير والاب الغني لها دور

وامور متعددة تجلب النحس على الانسان

لكن سبحان الله اعرف سباك غشيم جدا في شغله لكن الله فاتح عليه الرزق يمسك الشغل ثم يمسكه غيره بالباطن
وينتقل لمشروع جديد ومحظوظ جدا حتى في شراء السيارات يشتريها بسعر زهيد ويجيه مكاسب خيالية لا اعلم سر ذاك الرجل

اخر كان فقير جدا الى ان كفل ايتام من اقاربه توفي ابواهم ثم فتح الله عليه ابواب الرزق

واخر اعرفه كان من يوم توظف في بداية التسعينيات يكفل ايتام من ايام حرب البوسنة والهرسك
ثم كفل في افريقيا وفي المملكة

الان املاكه وتجاراته تزيد عن 30 مليون وفيه ميزة الكتمان لايمكن يخبر احد عن تجارته ونشاطه يشتغل سكاتي

المنحوس

الصديق

بهذا

رايكم

اقرا ايضا

الفرق بين الطب الشعبي والطب التقليدي

انتقل شريطية المعارض الى موقع حراج ..للتنبيه

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى