المشاركة الأصلية كتبت بواسطة الكواكبي
هوامير البورصة ،،،،
ذاك الحلم الذي يراود كل فتى وفتاة ... لذة قبول العضوية فيه لايساويها إلا لذة سفن أب يالذيذ يا رايق بعز الحر
وبعد هذه المقدمة المدغدغة لأحلام العصافير ندخل في صلب الموضوع ، تاريخ الحروب في هوامير البورصة
إي نعم الحروب هو فيه غير الحروب ؟ مادبل كبدي غير الحروب :)
الحروب والإقتتال اللفظي الحاصل بين الأعضاء والتراشق اللفظي عبر تاريخ الهوامير جميل ومؤسف في آن واحد
بالنسبة لي ولمكتبي الهندسي للإستشارات الكهربائية قمت برصد عدد من الإقتتال الطاااااااحن بين قروبات الأعضاء وأبدأ بأشهر ثلاث حروب طاحنة راح فيها ضحايا في أبو زعبل عنبر الشطب :
1 - ديد بول أو أبو سبعة أرواح وهل فيه غيره ؟ شايب المنتدى المثري
صديقنا المثري اقتتل مع الاخوان المتأسلمين وتركيا وقطر و والليبرالية والبورية واهل السمك والطيارات والسيارات و و و الخ ويخرج من هالاقتتال اللفظي بخفي حنين واحياناً حنين يرجع ويأخذ خفيه من حبيبنا المثري
المثري له حزب ومنهم برنمجهام وغيره وفي الطرف الآخر فرق الموت هي على النقيض من المثري وفرقته الناجية اقتتال لفظي طااااااحن ولازال قائم ياخوفي على البركودا يلحقه من توايع الرصاص شيء يذبحه علينا بس
2 - الغبان حبيب تلقيمة الشاهي الذاهب خلف الرمال والباحث عن الأمال من يبيع لك الشمس بيد والقمر بيد وياكل العمولة ودمها ينطف مايثنيها عن الطارف ومعه جوقته أهل العقار الراديكاليين وعلى النقيض حزب اليسار احمد او عبدالله ناسي اسمه وهو مقاتل شرس يدافع وينشر السعادة العقارية ويرسم الوان جميلة ولكن الواقع مرير والمستأجر مستاجر والحالة مشكاها على الله
3- الثالث هذا مايذكرني غير ببوزو يدبل الكبد ولا تقدر تقول انه فلم كرتوني عِبر تمشية حال هذا طال عمركم الظاهرة و هوامير قود تالنت ابو ابراهيم وجوقته والظاهر انهم معرفاته الرديفه :)
طبعا ابو ابراهيم من اللي مايكرهه ؟ الوحيد اللي مايكرهه انا لأني أشوف نفسي عنصر محايد للجميع ، نقيض ابو ابراهيم والذي يكيل له انواع الالفاظ يرأسهم المارق فتى خنشليلة عبدالله السهلي ومعه حزب الليكود والتعزيز الحاصل من العزيزية ومعرفات كثيرة
هذه اشهر ثلاث حروب واقتتال لفظي حصل بين الأعضاء لفت انتباهي
طبعا انا من حزب الكنبة جالس واشوف وكل ما ادخل الموقع اشوف التجالد احيان اتابع واحيان اقرأ على عجالة واطلع :)
.
.
وبعد هذا كله ،، عزيزي العضو مالذي لفت انتباهك من الحروب الحاصلة والتي لم يتم رصدها من قبل مكتب الكواكبي للإستشارات الهندسية ؟