استشاره يا أصدقائي عن أماكن جميله غير المولات في دبي ؟؟

المشاركة الأصلية كتبت بواسطة عزي بالاسلام

اتركه هذا مسكين تلقاه من ربع الراتب مايكفي الحاجة وتلقى راتبه مايتعدى ٨ آلاف ونصه قروض ويهايط اني دفعت مبلغ وقدره...
عموما والله وبالله وتالله ان عندي بيت ملك وسيارة قيمتها تتجاوز ٢٥٠ الف ريال وسيارات نقل تريلات وراتب ممتاز عشان يقتنع راعي ارخ الريال ولكن والله لن ادفع فاتورة بهذا القدر لشخصين الا في حالات نادرة كأن يجيني ضيف واقلطه على مفطح وراح يكون فيه غيره معازيم عشان لاتنرمي النعمة اما انا وزوجتي او انا وصديق اروح اتعشى ب٦٠٠ ريال فوالله لن ادفعها لو المطعم ١٠ نجوم والحمد لله على نعمة العقل...

المشاركة الأصلية كتبت بواسطة قلبي معك

الله يادبي للتو عدت منها ويازينها في صيف والا في شتاء
شوف يا صديقي
السكن عندك روف داون تاون لا تفوته فندق رخيص وجميل جداً ولا فيه لخبطة
فيه بقالة زوم فاتحة 24 ساعة وفيه ستاربكس وفيه مطعم وقريب من كل شي
وفيه سينما بلاش للساكنين وغرفة بلاستيشن للأطفال فاتحة 24 ساعة
ومسبح وجيم ومطل على برج خليفة ودبي مول والتكاسي أمام الباب 24 ساعة

الاماكن اللي زرتها
برواز دبي متعة ما وراها متعة التذكرة 50 درهم
دبي مول والنافورة وسوق البحار
الجي بي أر فجراً ممتاز وهواء نقي
شاطئ لامير لا يفوتك المغرب ووجبة عشاء
سيتي ووك ممتاز للتسوق والتمشية مساءاً
المقهى الثلجي في مجمع تايمز سكوير درجة الحرارة 6 تحت الصفر والتذكرة ب70 درهم تقريباً فيها مشروب ساخن ببلاش (شاهي - شوكولاته) وفيه فعاليات فالتايمز سكوير
الصعود لأعلى لبرج خليفة ليلاً
الحديقة المضيئة ممتازة للتصوير
حديقة الزهور ممتازة للأطفال وللتصوير
احجز رحلة غروب أو عشاء في قارب من المارينا او الميناء التجاري واحجزها من كوبون أرخص و مضمون حجزت منه وارسلوا لي التذكرة وكلمت الشركة ولقيت حجزي اوكيه واخترت اليوم
المطاعم
تبي سمك لا يفوتك مطعم سي ورلد فالعالم مافيه ألذ منه بس انتبه لا تطلب لوبستر سعرها غالي تقريباً 350 واللوبسترة تجيك كبر الورع طبعا مع الجبن شي خيااااااالي
الحلاب لبناني في الدور الثالث في دبي مول
الصفدي مشويات على كيفك جنب فندق كارلتون داون تاون
فيه مطعم اسمه (النادي الإيراني) دلني عليه واحد عز الله أنه ممتاز ورخيص
عندهم بوفيه مفتوح غداء الخميس والجمعة والسبت النفر تقريباً ب 72 درهم
من الساعة 12 الى 4 العصر ممتاز جداً لا يفوتك
بس نصيحة فيه مطعم اسمه زهر الليمون في سوق البحار مطل على النافورة
لا تقربه أكلهم الله يديم النعمة وسعرهم غالي جداً ولا يستاهل صراحة
ما ودي قلت عنه عشان ما أقطع رزقه بس والله حرام الواحد يدفع سعر غالي وأكل سيئ

هذا ما يحضرني والله يوفقك ورحلة سعيدة

المشاركة الأصلية كتبت بواسطة قلبي معك

الدعوى فرق فالعقل فقط وليس هياط
أنت تذبح لضيفك ذبيحة بألف وخمسمية
وانا أوثرها واغدي عيالي فيها بس هذا هو الفرق
أنت تدفعها لضيفك وأنا ادفع على نفسي فقط
عرفت ياصقيقي
أما الفاتورة فهي بيني وبين السائل لمعرفة تفاصيل المطعم من اسعار أكل الى معرفة الموقع
واللي مثلك وشرواك سيارات وتريلات وعمارات ماتهمه هالطفسة
وفقك الله ورزقنا وأياك من حيث لا نحتسب
تحياتي ياحياتي

المشاركة الأصلية كتبت بواسطة Abu shoug

من قولتك اتركه
ونا اتوقع انك منتب مضبوط
الرجال حر في ماله ومنعم الله عليه ومستمتع بساعة عن سنة
وش يدريك انت ياراعي التريلات
شاهي حليب ويخب عليك
وفي كاس ورق بعد

المشاركة الأصلية كتبت بواسطة عزي بالاسلام

اذا معك ياقلبي سيولة والله منعم عليك نقول الأمر يهون جعله بالعافية والله يرزقنا ويرزقك ...
المشكلة في ربع الراتب مايكفي الحاجة واهل الهياط والكذب اللي يشدونه الرجال بالقروض في سوا أوتقسيط مكيفات وفوقها قروض من البنوك عشان يسافر ومسوي فيها اني متعشي في المكان الفلاني ويهايط هذولا اللي كلامي موجه لهم و ياكثرهم أما اللي الله منعم عليه ومرتاح يمتع نفسه وعياله لكن بدون افراط أو تفريط ..
اما بخصوص قولتك امتع نفسي وعيالي انا كل سنة اسفرهم لايقل عن شهراو شهر ونص خارج السعودية لكن من حر مالي ماهي قروض ولاني مقصر على نفسي أو عليهم بشيء وهذا من فضل الله سبحانه لكن بالفعل طريقة التفكير هي اللي تختلف ماقد تراه انت عادي قد اراه انا أوفر و العكس صحيح...
تحياتي لك ياقلبي معك ....

المشاركة الأصلية كتبت بواسطة الطيف المسافر

اذا الجو كويس روح رأس الخيمة

تشوف الإبل على الطبيعة


..

المشاركة الأصلية كتبت بواسطة قلبي معك

تبي سمك لا يفوتك مطعم سي ورلد فالعالم مافيه ألذ منه بس انتبه لا تطلب لوبستر سعرها غالي تقريباً 350 واللوبسترة تجيك كبر الورع طبعا مع الجبن شي خيااااااالي