لدي عدة ملاحظات بعد قراءة ردود الاعضاء
الشكل ليس له دلاله على ميول الشخص او انتمائه لفعل معين
اعرف شخص عمره في الاربعينات لم يظهر له شنب خط اخضر فقط ناعم البشرة والجسد ومملوح وصوته فيه بحه ومشيته فيها تكسر تشوفه تقول ابو 18
واعرفه شخصيا كما اعرف نفسي ولكن الشهادة لله ان بغيت فزعه عز الله انه راعي فزعه وكفو ودايما في بيتهم ومع والدته للعلم مطلق هو وليس له ابناء ولا بنات
الحاصل ان الرجل وفي بوالدته ووالده وكافي الناس خيره وشره ولا هو راعي سهر ولا سفر
وفيه ناس بسم الله ماشاء الله تبارك الله الله لا يضرها
الشنب واصل اذانيه والدقن واصل لنص صدره والراس تشوفه مبين مع الطايه صفر وتشوفه تقول هذا علوم المرجله تطلع من كل مكان بجسده
ولا دخل المجلس طلع السبحه ويالله حيهم علومهم انت علامك لابس كذا والرجال لازم يصير شديد على الحرمه وانتم خابرين والعادات والتقاليد
واذا طلع من عندهم
فك الشماغ وطق لك الجنز وحط السلسال على اليد وتشوف القصه كيف جايه ماسح ام الجوانب مسح صفر وفوق حاط له ربطه بمغاط حق فلوس
والرقبه سلسله ويتسحب في اسواق الرياض وكافيهاتها وماخلا احد ماشغله في نفسه والصوت رافعه راب غربي ومركب معه مطحس وطحيسان
العبره يا اخوان الشكل ليس له دلاله على ان الناس تفعل فعل معين بمجرد اشكالها
امر لم تراه بام عينك فلا تصدق كلام الناس وهرائهم وبثارتهم هذا لابس ضيق اكيد انه شاذ وهذا ماسك واحد يسحبه معه سيارته اكيد بيفعل فيه ولا بيسوي ولا ولا
طيب اللي رايح يشتري غنم بمناسبة عيد الاضحى وجا صاحب الحلال وسحب الرجال من سيارته قال تعال شف بعينك وغبرتهم طايره نقول عنهم بيصد فيه بشبك الغنم مثلا ؟
قليل من العقل
وبخصوص الموضوع معك حق انك تشتكي والسبب دخولهم بمكان غير مخصص للافراد