يابن عاقول
رقم 3 و 4 صحيح لكن كثير كثير ترا من دول العالم وأجانب يشوفون ان اراضي السعودية صارت منطقة حرب تقريبا وخطره وحتى عندنا في الشركه ايميلات تجي من الفرع الرئيسي والأجانب يقولون وش سالفتكم كل يوم صاروخ الله يستر لايجينا شي؟! مع اننا في الشرقيه؟؟
السالفه ماهي بس ، لا تمام طيحنا صواريخهم كلها!
رقم 8 صحيح لكن ميزانية الدفاع حقتنا تقارن بدول قلبت موازين الحرب العالميه ، تقارن بدول أسقطت امبروطوريات واتحادات ، تقارن بدول تملك من العتاد الشي الكثير الثقيل منها النووي والهيدروجيني والمقاتلات ، وحنا نقول الحمد انتصرنا على عصابات؟ ، ترا سالفة حرب العصابات أصعب شي هذي حنا روجنا لها وكأننا نسلك لنفسنا !
انا رديت على كلامك لأنه عجبني وعقلاني صدق ، مع النقطتين اللي قلتهم ، يظل موقف السعوديه السياسي والعسكري بالمنطقه حلو وجبار جدا ، عندك اتزان مع الحرب والدهاء وعندك التزام بالمعاهدات والوثائق الدوليه ، عندك علاقات سياسيه صارت اقوى ، وعندك جمّة تطورات وتغيرات اقتصاديه ومدنية داخليه ، شي جبار محد ينكره
وبالنهاية دواعيس السياسه عميقه وصعبه وماراح نفهمها انا وانت.