logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

كيف الوضع معكم يا اهل اوبر وكريم وهنقرستيشن ..؟



صفحة 1 من 4
1
2
3
4
قديم 06-09-2019, 03:06 PM
  المشاركه #1
تمنطق بطنقا
عضو هوامير المميز
تاريخ التسجيل: Nov 2012
المشاركات: 19,424
 


كيف الوضع معكم يا اهل اوبر وكريم وهنقرستيشن ..؟

اغلب من يعمل بهذه التطبيقات
مستاء ومتضايق
اما من الشركات وقلة العائد واما بسبب مايلاقيه من بعض الزباين
اضافة لمصاريف البانزين وارهاق وتعب المشاوير
واذا سئلته طيب وش حادك
قال على الاقل احسن من جلسة الاستراحة وضياع الاوقات ونكسب المقسوم ولو انه طفسة

لذلك بعطيك هالفكرة
وانت بشطارتك تقدر تستشف منها الف فكرة مشابهة ومقاربة
لأن كل اختراع جديد تراه على الارض لم يأتي من عدم
فماهو إلا افكار انبثقت من افكار سابقة وتم تطويرها للافضل

فكرتنا
راس مالها 1000 ريال وشريحة جوال
وتقدر تستخدم جوالك الشخصي اذا حبيت لكن الافضل تجيب شريحة جديدة
مريحة غير مكلفة لاتحتاج لسجل ولا رخصة ولا ايجار ولا عمالة ولا عليها رسوم ولا ضرايب
وتقدر تنفذها وتكسب من البيت السيارة العمل وحتى وانت على سريرك بغرفة نومك
تبي تترزق الله شغل جوالك مالك خلق قفله

نجي لشرح بسيط للفكرة
بالاف ريال راس المال تطبع 10 الاف ستكر لاصق مقاس 10 في 15 سم تقريباً
مكتوب فيه ( قص وبرمجة مفاتيح ) وتحتها رقم جوالك
ثم تذهب للاتفاق مع اصحاب محلات المفاتيح بالاحياء المجاورة لك
وبالامكان اذا نشيط وتبي زباين اكثر تتفق مع محلات باحياء بعيدة عنك
الاتفاق بسيط اجيب لك زبون آخذ 20 ريال على كل زبون
وبالغالب من اقفل على مفتاح سيارته ويريد فتحها او من اضاع مفتاحه ويرغب ببديل
يكلفه 150 ريال وممكن ترتفع التكلفة الى 300 و 400 اذا برمجة بحسب نوع السيارة
لذا يستحيل يرفض صاحب المحل العرض
لان الطبيعي لو قلت له سيارتي قفلت على مفتاحها وابيك تفتحها طلب 150
ولو قلت عندي ثلاث سيارات ضاعت مفاتيحها قالك افتحها واقص مفاتيحها بـ 300
فما بالك لو كل يوم جبت له زبون او خمسة زباين على الاقل

بعد الاتفاق مع اصحاب المحلات
تقوم بنشر هذه الاستكارات بكل مكان بالمحلات بالمحطات بمداخل العمارات باماكن الانتظار وغيرها
يعني بتتعب شوي بأول اسبوع اسبوعين وبعدها بترتاح
احتمال بعد سنة تطبع كمية جديدة وتنشرها للتجديد ولزيادة الفرصة للحصول على زبائن جدد
وحتى تدير عملك باحترافية
كل محل تضيفه للواتس اب وترسل له الزباين ومنها تعرف عدد الزباين المرسلين لكل محل على حده

الوه هلا
سلام عليكم وعليكم السلام
شيخ مشايخ المفاتيح نعم هلا
عندي سيارة ضاع مفتاحها وابيكم تفتحونها
ابشر وين موقعك اشوف لك اقرب فرع من فروعنا
شارع العروبة عند شاورمر
ابشر الحين يكلمك العامل
طيب بكم ..؟
اذا كلمك العامل بياخذ التفاصيل وبيعلمك بالتكلفة
طيب مع السلامة ياهلا

قفلت الخط
ترسل بالواتس رقم الزبون لاقرب فرع من عنوان الرجال
بعد نصف ساعة تتصل بالزبون
الوه هلا
جاك العامل ايه الف شكر
حبيت اتطمن بس واذا عندك اي ملاحظات على خدمتنا
مع السلامة ويارب تضيع كل يوم مفتاحك
هنا انت تأكدت انك حصلت على 20 ريال
اما اذا قال الزبون لا ماجاني او غير رايه لأي سبب او لم يتفقوا على السعر
تحذف رقمه من الرسايل المرسلة للمحل
وبالتالي تحاسبه نهاية الاسبوع على عدد الزباين اللي اشتغل لهم فعلياً
وهكذا مع كل المحلات عندك بالقائمة

بالختام
انت لدى الزبون شيخ مشايخ برمجة وقص المفاتيح ورجل اعمال كبير لديه العديد من الفروع بالمنطقة
وامام صاحب المحل انت صاحب تطبيق تفاعلي ولديك عملائك بوسائل التواصل الاجتماعي
وبيني وبينك ولا تعلم احد
انت موظف سنترال تحول المكالمات لا اكثر
وتكسب وانت جالس في بيتك مع عيالك اكثر من اوبر وكريم وهنقرستيشن
وبمصاريف لا تذكر

صاحب المحل اللي مايحول لك نهاية كل اسبوع
بعدد الزباين المحولين عليه اسحب عليه واتركه وشف غيره بنفس المنطقة
مع اني متأكد انهم احرص منك وماراح يتأخرون بتات البتة


هنا خارطة للرياض توضيحية
بامكانك تتفق مع اصحاب المحلات بحسب النقاط الحمراء
وبكذا غطيت الرياض بالكامل
او بحسب رغبتك واستطاعتك باحياء قريبة منك
فالسوق يتحمل الكثير والارزاق بيد الله
ومحتمل من هالفكرة يطري على بالك فكرة افضل

اللي بيقول الاستكارات ممنوعة وبيخالفونك عليها
عادي خلهم يقفلون المؤسسة والمحل ويسفرون العمال ويوقفون خدماتي بمكتب العمل
لاعندي لا عامل ولا محل ولا مؤسسة



كيف الوضع معكم يا اهل اوبر وكريم وهنقرستيشن ..؟
الموضوع الأصلي : اضغط هنا    ||   المصدر :

ساحات الهوامير المفتوحة
 
  
قديم 06-09-2019, 04:12 PM
  المشاركه #2
abu_al3ez
عضو هوامير المميز
تاريخ التسجيل: Nov 2015
المشاركات: 2,021
 



اخوي الملصقات الاعلاميه تعتبر مخالفه مجرد معلومه





قديم 06-09-2019, 04:21 PM
  المشاركه #3
azizdwar
عضو هوامير المميز
تاريخ التسجيل: Jun 2012
المشاركات: 3,714
 



اقتباس:
المشاركة الأصلية كتبت بواسطة abu_al3ez
اخوي الملصقات الاعلاميه تعتبر مخالفه مجرد معلومه
مخالفة؟
ومن اللي يطبق المخالفه؟
امس مدرس خصوصي مصري يمشي ويلصق وما بقى جدار الا لصق عليه ولو يمر جنبك لصق على وجهك



قديم 06-09-2019, 04:38 PM
  المشاركه #4
تمنطق بطنقا
عضو هوامير المميز
تاريخ التسجيل: Nov 2012
المشاركات: 19,424
 



اقتباس:
المشاركة الأصلية كتبت بواسطة abu_al3ez
اخوي الملصقات الاعلاميه تعتبر مخالفه مجرد معلومه
نعم
لكن اختر المواقع بعناية
لذا لا تضعها على باب احد وفالك التوفيق



قديم 06-09-2019, 05:42 PM
  المشاركه #5
تمنطق بطنقا
عضو هوامير المميز
تاريخ التسجيل: Nov 2012
المشاركات: 19,424
 



اقتباس:
المشاركة الأصلية كتبت بواسطة azizdwar
مخالفة؟
ومن اللي يطبق المخالفه؟
امس مدرس خصوصي مصري يمشي ويلصق وما بقى جدار الا لصق عليه ولو يمر جنبك لصق على وجهك
كله كوم
واللي بمسدس البوية كوم ثاني
يجيك ثم يكتب على سوربيتك مقاول عظم ..!
جعله ابو عظيم



قديم 06-09-2019, 06:59 PM
  المشاركه #6
4900
عضو موقوف
تاريخ التسجيل: May 2019
المشاركات: 764
 



استمر ياغالي

والله اني اتابع مواضيعك واستمتع

من ايام السوبر ماركت ومشاكله



قديم 06-09-2019, 07:16 PM
  المشاركه #7
صبــــ الأيام ـــــــر
عضو هوامير المميز
تاريخ التسجيل: May 2009
المشاركات: 37,168
 



مشروع غير مجدي مو كل الناس تضيع مفاتيحها والا تقفل عليها

حاصة مع وجود الريمت لسيارة

ومستحيل كل اهل المدينة يعرفونك

نعمة لو 5% منهم مع نشر الاعلانات في الشوارع



قديم 06-09-2019, 07:17 PM
  المشاركه #8
قطر السحاب
عضو هوامير المميز
تاريخ التسجيل: Mar 2011
المشاركات: 3,252
 



اش يقرب لك العضو ابو دماغين
ولا انت هو نفسه اعترف



قديم 06-09-2019, 07:22 PM
  المشاركه #9
رياف Ryaf
عضو هوامير المؤسس
تاريخ التسجيل: Oct 2005
المشاركات: 1,513
 




فيه شخص واحد من كل 1000 شخص يحتاج نسخ مفتاح بالسنه

لكن

فيه 1000 شخص من 10000 شخص يبون ياكلون كل يوم



قديم 06-09-2019, 08:00 PM
  المشاركه #10
تمنطق بطنقا
عضو هوامير المميز
تاريخ التسجيل: Nov 2012
المشاركات: 19,424
 



اقتباس:
المشاركة الأصلية كتبت بواسطة 4900
استمر ياغالي
والله اني اتابع مواضيعك واستمتع
من ايام السوبر ماركت ومشاكله
شكراً لك يالغالي
تشرفت بزيارتك للموضوع وردك



قديم 06-09-2019, 08:34 PM
  المشاركه #11
abu_al3ez
عضو هوامير المميز
تاريخ التسجيل: Nov 2015
المشاركات: 2,021
 



اقتباس:
المشاركة الأصلية كتبت بواسطة azizdwar
مخالفة؟
ومن اللي يطبق المخالفه؟
امس مدرس خصوصي مصري يمشي ويلصق وما بقى جدار الا لصق عليه ولو يمر جنبك لصق على وجهك
الكلام مو لك يا ح..



قديم 06-09-2019, 11:53 PM
  المشاركه #12
تمنطق بطنقا
عضو هوامير المميز
تاريخ التسجيل: Nov 2012
المشاركات: 19,424
 



اقتباس:
المشاركة الأصلية كتبت بواسطة صبــــ الأيام ـــــــر
مشروع غير مجدي مو كل الناس تضيع مفاتيحها والا تقفل عليها
حاصة مع وجود الريمت لسيارة
ومستحيل كل اهل المدينة يعرفونك
نعمة لو 5% منهم مع نشر الاعلانات في الشوارع
على كذا وشوله المحلات فاتحه يالغالي
مادام ما فيه احد يضيع مفتاحه ..؟
بعدين مانبي 5%
اذا جاء واحد بالالف يومياً خير وبركة 10 اشخاص بـ 200 ريال
6000 ريال شهرياً وانا في بيتي وعند عيالي وبدون دوخة ومصاريف بنزين
احسن واطلق من اوبر وكريم وطقتها



صفحة 1 من 4
1
2
3
4



الكلمات الدلالية (Tags)

معكم

,

وهنقرستيشن

,

وكريم

,

الوضع

,

اوبر


«

الأمن البيئي يضبط 4 مخالفين بالمدينة المنورة.. نقلوا الرمال وجرفوا التربة✔

 |

القروب والتافهين اللي كل يوم يبثون سموم العنصريه

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


11:21 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.