logo



قديم 10-09-2019, 11:16 AM
  المشاركه #1
عضو هوامير المميز
تاريخ التسجيل: Sep 2012
المشاركات: 8,962
يلحق متواجد حالياً  

كيف ما جات بارسلها

باسن حرفي واقول يالله سهلها
وبانثر على صفحتي كادي وريحاني

ماني مرتب وكيف ماجات بارسلها
مره على الخاطره ومرات دنداني

وان زاد هاجوسها والله لاعقلها
وان جف بحر ووقف شفنا بحر ثاني

ياساريه في صباحك ظهرك اولها
عيشي حروفي ولو ضيعت الاوزاني

الموضوع الأصلي : اضغط هنا    ||   المصدر : منتدى هوامير البورصة السعودية

 
 
elliot
قديم 10-09-2019, 01:04 PM
  المشاركه #2
عضو هوامير المميز
تاريخ التسجيل: Sep 2012
المشاركات: 8,962
يلحق متواجد حالياً  

ابي اكتب
عن بقايا الشوق في قلبي
وابي ارسم لوحتي احساس
مشاعر ماهدمها الوقت
وعشق ما فناه الياس
خيااااال عاش مافارق
ولحظه
ماسألت بها
من الطارق
وقلت انسى
ولكن سكة النسيان
تاهت عنها افكاري
وانا غارق




قديم 11-09-2019, 01:57 AM
  المشاركه #3
مشرف منتديات هوامير والركن الأدبي
تاريخ التسجيل: Oct 2006
المشاركات: 4,598
الماســـي غير متواجد حالياً  

صح لسانك . أبيات معبره جميلة دمت مبدعاً في الركن الأدبي .



رد: كيف ما جات بارسلها
( وَمَا أُوتِيتُمْ مِنْ الْعِلْمِ إِلاَّ قَلِيلاً )
قديم 11-09-2019, 11:37 AM
  المشاركه #4
عضو هوامير المميز
تاريخ التسجيل: Sep 2012
المشاركات: 8,962
يلحق متواجد حالياً  

اقتباس:
المشاركة الأصلية كتبت بواسطة الماســـي مشاهدة المشاركة
صح لسانك . أبيات معبره جميلة دمت مبدعاً في الركن الأدبي .
تعيش وتدوم يالماسي

يقولو الماس من بداه كل الناس تشتاقه
الا سبحان من اغلاه وزاده بالنظر طاقه
اذا شفته بليل تقول نجم مقبل اشراقه
وزاد على الذهب سعره ويعجز عنه طلابه


كنوز الارض قيراطه الا يامال الا يامال
وما يعجزك توصيفه ولا ياجي بدله بدال
به الازرق به الاخضر به الاوصاف ماتنقال
الا يابخت من يقناه والا ياعز من جابه




قديم 12-09-2019, 11:27 PM
  المشاركه #5
مشرف منتديات هوامير والركن الأدبي
تاريخ التسجيل: Oct 2006
المشاركات: 4,598
الماســـي غير متواجد حالياً  

الله عليك ماشاء الله تبارك الله .. استمر بالنظم ؛ والقصائد حتى ترقى الموهبة لديك ..
كل التوفيق لك ياغالي .




رد: كيف ما جات بارسلها
( وَمَا أُوتِيتُمْ مِنْ الْعِلْمِ إِلاَّ قَلِيلاً )
قديم 13-09-2019, 03:03 PM
  المشاركه #6
عضو هوامير المميز
تاريخ التسجيل: Sep 2012
المشاركات: 8,962
يلحق متواجد حالياً  

شكرا لمن قرأ وسيقرأ وللعزيز الماسي

وعلى الطاير

ابي اجلد مبتداها بالخبر والعب على المجرور
وبانقضها وبافتلها واخلي جرها يسير فاعلها

وكم قد سايرتني ماتغلت واصطفت في الطابور
على بيض النقا تمشي على ممشاي لو صعبت حبايلها

معانيها على يدي وفي قلبي شعاع ونور
تفارقني توادعني وتهجرني ولكن ما ازاعلها

ما ابي فيها استفز ولا ابي حتى الف وادور
اهيجنها واحاديها واروبعها واثولث من اصايلها

اكتفي




قديم 14-09-2019, 12:22 PM
  المشاركه #7
عضو هوامير المميز
تاريخ التسجيل: Sep 2012
المشاركات: 8,962
يلحق متواجد حالياً  

اللي ماله اول ماله تالي
وبارجع لبعض قديمي ونديمي وقصائد عشقي
فقد قلت ذات يوم


ياشوقي ارحل مع النسمه وقف يمه
وقول له الشوق وحده ماله الثاني

وقبله ياشوق في خده وفي فمه
وقول له ان الفرح من دونه احزاني

فلو جا خياله قبالي قمت واضمه
واشكي عليه اغترابي كيف خلاني

يزود حبي لحب ابوه له وامه
واهواه ياشوق مهما الوقت يجفاني

ياشوق بالقلب وبروحي جرى دمه
ونسمات حبه تعانق كل وجداني

ياشوق قول له تراي اموت من همه
اعيش فيه الضما شفقان ما ارواني

فالعطر لولاه عطره كان ما اشمه
والعشق لولاه عشقه كان ما اغواني




قديم 14-09-2019, 09:01 PM
  المشاركه #8
مشرف منتديات هوامير والركن الأدبي
تاريخ التسجيل: Oct 2006
المشاركات: 4,598
الماســـي غير متواجد حالياً  

اقتباس:
المشاركة الأصلية كتبت بواسطة يلحق مشاهدة المشاركة
اللي ماله اول ماله تالي
وبارجع لبعض قديمي ونديمي وقصائد عشقي
فقد قلت ذات يوم


ياشوقي ارحل مع النسمه وقف يمه
وقول له الشوق وحده ماله الثاني

وقبله ياشوق في خده وفي فمه
وقول له ان الفرح من دونه احزاني

فلو جا خياله قبالي قمت واضمه
واشكي عليه اغترابي كيف خلاني

يزود حبي لحب ابوه له وامه
واهواه ياشوق مهما الوقت يجفاني

ياشوق بالقلب وبروحي جرى دمه
ونسمات حبه تعانق كل وجداني

ياشوق قول له تراي اموت من همه
اعيش فيه الضما شفقان ما ارواني

فالعطر لولاه عطره كان ما اشمه
والعشق لولاه عشقه كان ما اغواني
مبدع في هذه القصيدة وقصة شوق لن تنتهي الا في مواني البحور العميقة .. ابحر ياصديقي لاماوراء العواااطف
قصيدة جميلة روح انت مبدع .




رد: كيف ما جات بارسلها
( وَمَا أُوتِيتُمْ مِنْ الْعِلْمِ إِلاَّ قَلِيلاً )



مواقع النشر (المفضلة)

الكلمات الدلالية (Tags)

بارسلها


أدوات الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



01:18 PM