logo



قديم 11-09-2019, 11:37 AM
  المشاركه #1
عضو هوامير المميز
تاريخ التسجيل: Mar 2008
المشاركات: 6,672
Abo-S3ud غير متواجد حالياً  

باختصار كانت تجربة ممتازة وتوفقت فيها خاصة اعجبني وقت التوصيل هل هو دائم كذا ولا حظي كان زين الله اعلم


تاريخ الشراء من الموقع 4/8/2019
تاريخ وصول الشحنة لباب بيتي 20/8/2019
16 يوم
بعد ثاني يوم من استلامي للعسل نزلت هالموضوع لاني كنت زعلان على البريد كيف ياخذون ضريبة قيمة مضافة وانا دافع الضريبة برا والشحن على دي اتش ال


https://hawamer.com/vb/hawamer2320194



الموقع


https://www.honig-schmidt.de/honig-s...orest:::5.html






فيه انواع كثيرة فيه غالي ورخيص
اغلى شيء عندهم العسل المستخرج من شجر الشوح الابيض ( اعتقد من انواع الصنوبر حسب ترجمة قوقل )
انا ما اخذت الغالي قلت دامها تجربة بشتري نوعين اعرفهم
عسل السدر + عسل زهور الغابات السوداء
السدر الي اسمه acacia وهو اول عسل يطلع لك واعتقد ثاني ارخص عسل
والثاني الغابات السوداء اسمه black forest


كل عسل يجي احجام من نص كيلو لين 4.7 كيلو بس لازم تنتبه لحجم الشحن وليس حجم علبة العسل ( هذي مهمة )
علبة النص كيلو الوحيدة الي تجي زجاج الباقي حديد



الان لطلبي
شريت 1 كيلو سدر
2.5 كيلو عسل الغابات السوداء
وهذا الايميل الي جاني بعد اكمال الطلب وفيه عنواني ولازم تحطه صح مثل العنوان الوطني عشان يوصله لك البريد لباب بيتك ولا بيقولون لك تعال استلمه من عندنا( شيء راجع لك )



تجربتي بشراء عسل الغابات السوداء من المانيا عن طريق النت







تفاصيل الطلب




تجربتي بشراء عسل الغابات السوداء من المانيا عن طريق النت


سعر العسل 42 يورو ( 3 كيلو ونص )
سعر الشحن 55 يورو
المجموع 96 يورو
يعني مع الشحن طلع علي الكيلو ب 112 ريال تقريبا ( وانا ماخذ نوعين نوع سعره متوسط ونوع سعره ممتاز )


الان نجي ل اهم نقطة
اسعار الشحن وطريقتها لازم تفهمها زين
عندهم 4 فئات للشحن حاطينها لك هنا
https://www.honig-schmidt.de/honig-s...243204bfba8964


until 5kg*: 55.00 EUR
until 10kg*: 75.00 EUR
until 20kg*: 134.00 EUR
max until 30kg*: 170.00 EUR
5 كيلو 55 يورو
10 ب 75 يورو
يغرونك تاخذ كمية اكبر ولو تلقى احد يشاركك بالشراء اخوك او احد من اهلك وتوصلون 10 كيلو بيوقف عليك سعر الكيلو باقل من الي انا اخذته بكثير


النقطة المهمة ان لما تشتري عسل وزنه 1 كيلو بالشحن يصير 1.300 كيلو و 300 قرام
ال 500 قرام تصير 800 وهذا وزن التغليف والفلين والورق الي يلفونه حول العلبة ( يسوونها بذمة وضمير عشان الشحن الجوي ماتتكسر ولاتتلف من الحرارة)
Honey glas 500g (0,82kg)
-Honey bucket 1kg (1,30kg)
-Honey bucket 2,5kg (3,00kg)
-Honey bucket 4,7kg (5,70kg)


يعني لو تجي على عماها وتشتري علبتين 2.5 كيلو وتحسب انها 5 كيلو بيحسبون عليك وزن 10 كيلو لانها صارت 6 كيلو مع الشحن
لما توصل للفاتورة اخر شيء بالسلة راح يوضحون لك سعر الشحن




تحت كل نوع عسل تختار buy now
تروح لصفحة ثانية
continue shopping هذي اذا تبي ترجع مرة ثانية للصفحة الي قبلها وتضيف منتج اخر
checkout اذا خلصت مشترياتك تضغطها تروح للصفحة اللي بعدها
معلوماتك الشخصية
اول مربع اسمك وبياناتك
بالترتيب التالي
اسمك الاول
العائلة
تاريخ الميلاد
البريد الالكتروني
تاكيد البريد الالكتروني
رقم جوالك


بعدين المربع الثاني

الي تحته عنوانك الوطني
اسم الشارع,رقم العمارة,الحي بالخانة الاولى
صندوق البريد
صندوق بريد اضافي او رقم شقة
المدينة
الدولة


تروح للصفحة الي بعدها ادخال بيانات الفيزا او الماستر كارد حقتك عشان تتم عملية الدفع وكذا خلصت
مفترض يجيك بعدها ايميل لتاكيد العملية
وبعدها بعدة ايام راح يوصل ايميل من دي اتش ال المانيا وباللغة الالمانية للاسف ماراح تفهم منه شيء لكن بتلقى رابط بالنص رابط طويل هذا تضغط عليه يوريك مسار تتبع شحنتك كل يوم تشيك عليه لين تعرف ان الشحنة طلعت لبلدك








تقييمي للعملية
الان فتحت علبة عسل السدر لانها 1 كيلو وكانت علبة حديد ومغلفة تغليف ممتاز وجاية بكرتون مليان فلين وورق هي وعلبة عسل الغابات السوداء الكبيرة
للامانة علبة الحديد تعبتني شوي صعب فتحها وتسكيرها صعب شوي لكن انا كنت مجهز نفسي من اول عندي علبة قزاز 500 قرام عبيت العسل فيها وبقى بعلبة الحديد نصها قفلت عليها زين عشان ماتتلف من الحرارة والهواء ( لاتهمل هذه النقطة اول ماتوصلك حاول تعبي علبة وقفل العلبة الاساسية بطريقة محكمة ويفضل ماتتعرض لضوء قوي وحرارة ولكن لاتحطها بالثلاجة يخرب العسل )
عسل السدر ممتاز جداً طعمه ولذيذ مع انه حالي شوي
ولدي كان تعبان وقتها فيه احتقان بحلقه ماعطيناه ادوية ولا شيء عطيناه من العسل يومين وطاب


كنت اعرف لو بطلب كمية اكبر بينزل السعر لكن قلت دامها اول تجربة بخلي الكمية 3 كيلو ونص مع الشحن صارت علي 4.300 كيلو
التجربة ممتازة ومتحمس نجرب عسل الغابات السوداء لاني اعرفه كويس وسبقت جربته وشريته من هناك لكن دامي فتحت علبة السدر بنكمل عليها لين تخلص اول لان العسل يتأثر بالهواء والحرارة ولا ابي افتح العلبة الثانية لين نخلص من الاولى
انصح بالشراء من الموقع وعليكم بالعافية
بعد ماشريت منهم ب 10 ايام ارسلو لي ايميل كوبون خصم 5.5 يورو على مشتراي الثاني بشرط اشتري خلال 14 يوم لكني اهملته وراح علي


افضل شيء للعسل على الريق اول ماتقوم ملعقة بعدها نصف كاس ماء معتدل
استمر عليها يومياً بتكون لك وقاية وشفاء بعد امر الله وترفع مناعتك
الله يحفظكم

الموضوع الأصلي : اضغط هنا    ||   المصدر : منتدى هوامير البورصة السعودية

 
 
elliot
قديم 11-09-2019, 11:48 AM
  المشاركه #2
عضو هوامير المميز
تاريخ التسجيل: Jul 2018
المشاركات: 2,362
خذوخل15 غير متواجد حالياً  

بارك الله فيكم موضوع مهم ومفيد



قديم 11-09-2019, 11:51 AM
  المشاركه #3
عضو هوامير المميز
تاريخ التسجيل: Aug 2006
المشاركات: 4,244
fayyadhaa غير متواجد حالياً  

تجربة موفقة ... افدتنا بارك الله فيك..




قديم 11-09-2019, 11:54 AM
  المشاركه #4
قلم هوامير الماسي
تاريخ التسجيل: May 2005
المشاركات: 117,158
الحُب السعودي غير متواجد حالياً  

جزاك الله خير
ما قصرت
العائد من سفر كم كيلو مسموح يجيب معه ؟




قديم 11-09-2019, 12:00 PM
  المشاركه #5
عضو هوامير المميز
تاريخ التسجيل: Apr 2019
المشاركات: 169
أبو سعود 2030 غير متواجد حالياً  

سمعت ان ألمانيا أكبر مستورد للعسل المغشوش من الصين
تستورده ثم تقول بتعبئته وبيعه على أنه عسل أصلي




قديم 11-09-2019, 12:05 PM
  المشاركه #6
عضو هوامير المميز
تاريخ التسجيل: Mar 2008
المشاركات: 6,672
Abo-S3ud غير متواجد حالياً  

اقتباس:
المشاركة الأصلية كتبت بواسطة الحُب السعودي مشاهدة المشاركة
جزاك الله خير
ما قصرت
العائد من سفر كم كيلو مسموح يجيب معه ؟

اخر مرة شريت كرتون فيه10 علب كل علبة 500 قرام وما اخذو علي جمرك
يعني 5 كيلو




قديم 11-09-2019, 12:09 PM
  المشاركه #7
عضو هوامير المميز
تاريخ التسجيل: Feb 2019
المشاركات: 1,493
مهاجر الماضي غير متواجد حالياً  

اول ماقمت بالطلب لين وصلت لبيتك كم اخذ وقت



قديم 11-09-2019, 12:10 PM
  المشاركه #8
عضو هوامير المميز
تاريخ التسجيل: Apr 2010
المشاركات: 26,712
المليونير الرابح غير متواجد حالياً  

ايش يفرق عن اللي يباع عندنا بالسوبر ماركت

اذا ممكن توضح




قديم 11-09-2019, 12:14 PM
  المشاركه #9
عضو هوامير المميز
تاريخ التسجيل: Jul 2017
المشاركات: 6,805
احمدوه غير متواجد حالياً  

اقتباس:
المشاركة الأصلية كتبت بواسطة مهاجر الماضي مشاهدة المشاركة
اول ماقمت بالطلب لين وصلت لبيتك كم اخذ وقت
يقول سلمك الله واياه

تاريخ الشراء من الموقع 4/8/2019
تاريخ وصول الشحنة لباب بيتي 20/8/2019
16 يوم




قديم 11-09-2019, 12:26 PM
  المشاركه #10
عضو هوامير المميز
تاريخ التسجيل: Oct 2006
المشاركات: 6,822
هاب ريح غير متواجد حالياً  

اقتباس:
المشاركة الأصلية كتبت بواسطة المليونير الرابح مشاهدة المشاركة
ايش يفرق عن اللي يباع عندنا بالسوبر ماركت

اذا ممكن توضح


نفس التسائل؟؟؟







مواقع النشر (المفضلة)

الكلمات الدلالية (Tags)

المانيا

,

النت

,

العسل

,

بشراء

,

تجربتي

,

طريق


أدوات الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



01:36 AM