logo




قديم 12-10-2019, 03:29 PM
  المشاركه #1
عضو هوامير المميز
تاريخ التسجيل: Sep 2018
المشاركات: 4
iMajed2030 غير متواجد حالياً  

السلام عليكم

بادخل لكم في الموضوع .. أنا رجال شاركت اثنين من خوياي ودخلنا بمشروع تجاري
وبعد افتتاح المشروع بسنة عرضوا علي يشترون حصتي وتم الاتفاق على أن أبيعهم إياها وأستلم ربع المبلغ عند التوقيع والباقي أقساط على سنة
انتهت سنة وسنتين ولاسددوا ريال .. ولامنهم اللي كلمني وحتى اعتذر .. وعمري والله مارفعت جوالي ودقيت عليهم عشان أطالب بالفلوس

المهم وصلنا المحكمة وبعد سنة صدر لي حكم ضدهم بإلزامهم بالسداد .. وتم تحويلي على محكمة التنفيذ اللي وقفت خدماتهم بعد حوالي شهرين!!
إيقاف الخدمات يشمل فقط التعاملات التجارية والمرور والجوازات .. يعني المنع من النشاط التجاري وعدم الاستفادة من خدمات المرور بالإضافة للمنع من السفر
وأصلا من يوم شكيتهم بالمحكمة نقلوا تراخيصهم التجارية وسياراتهم بأسماء زوجاتهم وأولادهم !

وحكمي بدرج سيارتي قلب لونه من الشمس ومن طول المدة على الفاضي .. والمشكلة أنني تسلفت وبعت سيارتي وحتى ذهب زوجتي عشان أعالج الوالد وعشان شرائي لبيت من وزارة الإسكان وألزموني بدفعة 10% من قيمة العقار!!
الآن وصلت مرحلة سيئة جدا وبدأت تظهر على أسرتي ملامح التغيير بمستوى المعيشة اللي كنا نعيشه قبل لاياكل علينا القرض العقاري نص الراتب !! وأقسم بالله أن الوالدة تنتظر من شهرين أجمع لها 4000 ريال عشان أسوي لها عملية بعيونها !!


اللي أطالبهم راتب أقل واحد فيهم 35000 .. وظروفهم ماشاء الله ممتازة .. وقاعدين يأسسون الان لمدرسة أهليه واشتروا بيوت كاش !! ولافكروا يسددون لو ألف ريال من دين يتجاوز 400 ألف !! .. لأنه مافيه شي يجبرهم والدعوة سهالات !!
أشيل أوراق الحكم وأروح للشرطة لعل وعسى يساعدوني باسترجاع حقي يقولون مانحبسهم .. جب لنا أمر حبس من المحكمة !!! مع أن الحكم مكتوب فيه ( ينفذ بالقوة الجبرية ويجب على كل مؤسسات الدولة تنفيذ مافيه ) !!
ترددت عليهم أكثر من مرة حتى أشفق علي عسكري بالقسم وقال دور لك واسطة بالبحث الجنائي حق الشرطة .. حتى لو جندي حاف يقدر يمسيهم بالسجن الليلة !!
لكن للأسف ماعرف أحد هناك .

أشيل تقارير أمي وأبوي وأصور أوراق القرض وكمبيالات الديون اللي على راسي واتوجه لقاضي التنفيذ وماقصر أحد الزملاء جاب لي شاهد من مكتب العقار على شرائهم لمنازلهم كاش قبل كم شهر .. وفرشت كل أوراقي وتقاريري على مكتب الشيخ وقلت له حرفيا : أسرتي بتضيع وشيباني بيتدهورون صحيا وأنا علي كمبيالات وديون والجماعة ذولا مالهم نية يعطوني ولو جزء بسيط من حقي ... تكفى ياشيخ أبي أمر حبس !!!!
أقسم بالله ياجماعة مارفع حتى عيونه عن الكمبيوتر وعطاني الإجابة وهو مقفي : مانعطيك أمر حبس إلا إذا كان دينك مليون فأكثر!!!!!
ياشيخ الله يحفظك صار حجم المبلغ أهم من ضياع أسرة كاملة !! أرجوك عطني على الأقل أمر حبس لواحد منهم .. أهم شي يشوفون أن فيه إجراء قاعد يتنفذ ضدهم ويعرفون أن فيه قانون لازم يتنفذ !!

رفض نهائيا يعطيني أمر بالحبس وقال لي وراك مراجعين .. فأخذت أورقي وطلعت !!!

وعلى هالحال سنة ورى الثانية ياجماعة الخير .. حتى خرجت من الفيلا اللي شريتها وأجرتها عشان تساعدني شوي .. واستاجرت أنا والأهل بملحق شقة بالسطح .. وبعنا السيارة العائلية ورجعنا على إكسنت كانت إيجار!!!

ليش كذا .. بالله عليكم هل هذا هو العدل وأمر الشرع !! القانون نفسه يدفعك لارتكاب مالاتحمد عقباه وأنت تشوف حقك بعينك ولاتقدر تاخذه !!!

العدل البطيء ظلم .. العدل البطيء ظلم !!

الموضوع الأصلي : اضغط هنا    ||   المصدر : منتدى هوامير البورصة السعودية

 
 
قديم 12-10-2019, 03:34 PM
  المشاركه #2
عضو موقوف
تاريخ التسجيل: Oct 2019
المشاركات: 171
الجنوبي أحمد غير متواجد حالياً  

دام عندهم ايقاف خدمات فمصيرهم يحتاجون الخدمات الحكومية تجديد بطاقة او جواز او استمارة سيارة او غيرها
ان شاء الله حقك يرجع لك




قديم 12-10-2019, 03:35 PM
  المشاركه #3
عضو موقوف
تاريخ التسجيل: Jun 2019
المشاركات: 1,002
Cue غير متواجد حالياً  

أشكهم لرب العالمين في جوف الليل ان كنت مظلوم وقل: ربي اني مسني الضر وأنت أرحم الراحمين


فساهم جوف الليل لاتخطي أبدا اذا كنت مظلوم فعلا




قديم 12-10-2019, 03:38 PM
  المشاركه #4
كاتب قدير
تاريخ التسجيل: Dec 2012
المشاركات: 12,106
S T O C K S غير متواجد حالياً  

الطيبة ما لها مكان في هالزمن

الله يعينك وييسر أمرك وبإذن الله تجد اجابات كافية ووافية




قديم 12-10-2019, 03:39 PM
  المشاركه #5
عضو هوامير المميز
تاريخ التسجيل: Jun 2015
المشاركات: 410
موحد لله غير متواجد حالياً  

حقك ثابت وراح يرجعلك إن شاء الله بس المهم لا تغلط
حاول تحرجهم فقط كلم ابائهم اعمامهم شرف عليهم جماعتهم
روح لهم في مناسبه خاصة وشرف جماعتهم المهم لا تغلط وتحط نفسك بمحل ادانه




قديم 12-10-2019, 03:40 PM
  المشاركه #6
عضو هوامير المميز
تاريخ التسجيل: Sep 2017
المشاركات: 2,415
شرف البقاء غير متواجد حالياً  

سلطة القضاء التنفيذيه من الجهات الحكومية عندنا بالبلد ضعيفة وسيئة جدا. حقك ماتاخذه. تبطي عظم وانت تترجى.
الشكوى لله. مالك الا الدعاء والصبر.




قديم 12-10-2019, 03:40 PM
  المشاركه #7
عضو هوامير المميز
تاريخ التسجيل: Mar 2008
المشاركات: 3,067
f15sa غير متواجد حالياً  

حسبك الله عليهم ونعم الوكيل تبغى أفضل حل خذ اوراقك وعلى الأمارة وبإذن الله تتيسر أمورك وإذا انت بالشرقية ترى الأمير يقابل المواطنين كل يوم أثنين جهز معروضك وأدخل عليه.



قديم 12-10-2019, 03:42 PM
  المشاركه #8
عضو هوامير المميز
تاريخ التسجيل: Dec 2010
المشاركات: 27,140
مقرش الرويلي غير متواجد حالياً  

امسك الشيبان ورح للاماره وامر التنفيذمعك وقل

ابي حقي اللي راح وعلمه بالسالفه وان شاءالله تنفرج




قديم 12-10-2019, 03:42 PM
  المشاركه #9
عضو موقوف
تاريخ التسجيل: Sep 2019
المشاركات: 832
ابومـطيران غير متواجد حالياً  

اقتباس:
المشاركة الأصلية كتبت بواسطة الجنوبي أحمد مشاهدة المشاركة
دام عندهم ايقاف خدمات فمصيرهم يحتاجون الخدمات الحكومية تجديد بطاقة او جواز او استمارة سيارة او غيرها
ان شاء الله حقك يرجع لك
الرجال يقولك نقلو كل شي باسامي زوجاتهم يعني مايحتاج يسوي شي
ولو يبي يسافر يدفع كم ريال على جواز اوروبي او افريقي وهو قاعد في ديرته و يطلع جوازه ويجيه بريد و يسافر

ماتضررو من قرارات المحكمه




قديم 12-10-2019, 03:43 PM
  المشاركه #10
عضو هوامير المميز
تاريخ التسجيل: Feb 2016
المشاركات: 1,788
نور الجزيره غير متواجد حالياً  

ارفعها للاماره والله ماالومك بس اصبر الصبر مر ولكن ان شالله تتيسر امورك ...






مواقع النشر (المفضلة)

الكلمات الدلالية (Tags)

والقانون

,

السبب

,

ارتكب

,

جريمة

,

يالربع

,

شاوروني


أدوات الموضوع

الاسهم تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع



03:15 AM