ياجماعه لا كان الواحد فقير واصبح غني كيف يتأقلم مع الوضع

المشاركة الأصلية كتبت بواسطة طريد البر

خلك طبيعي مثلي

المشاركة الأصلية كتبت بواسطة ابو جهاد الهذلي

اول شي يسحب فلوسه من البنك . والا بيروح ضحية القانون الجديد
( من اين لك هذا ) ويرجع لفقره بعد ياخذ له سجنه حلوه

المشاركة الأصلية كتبت بواسطة kd_sa

انتبه ثم انتبه ثم انتبه

انا كنت مثلك فقير وحافي وفجأه تغير الحال ولله الحمد واغتنيت

نصيحة طبق الي بقوله لك لا يصير حالك اكتئاب ومشاكل عائلية وصحية وضيق وقطع علاقات وكله بسبب الفلوس

اولا اكثر من الصدقات نصيحة.. ترا الله معطيكياها عشان يبتليك وكن قدها واجبر نفسك وتصدق كل شوي

ثانيا انتبه تطلع عليك النعمه فجأة قدام الناس ترا الناس ماترحم والله ياعيون صككتني في صحتي ومالي وراحتي وعلاقاتي الاسريه مالله به عليم

ثالثا لا تطغى انتبه وتقول ببشتري اغلى البيوت او الاثاث والماركات عشان يحترموني الناس واشخص عليهم لا.. ترا هذي القشة التي قصمت ظهر البعير

تبي نصيحة اخو عشان تعيش حياة ذكية وهانئة ومستقرة.. بدل ماتشتري مثلا لكزس جيب اشتر لاندكروزر هو نفسه ونفس القطع والمكينه بس هذي اسمها لكزس تلهط قلوب وعيون البشر وخصوصا الاقربين من الاصدقاء والاقارب والمعارف وهم اول من يحسدك على التغير الي طرا عليك

لا تضهر النعمه بتبذير عشان تتفاخر هذا ترا ضعف شخصية بسبب حرمانك السابق ومع الوقت بتتغلب عليه

سافر وانبسط واسكن احسن الفنادق انت وعيالك مادام احد ماطالعك ولا يدري عن متعتك هذي

اشتر احسن الاجهزه لبيتك لانه ملكك الخاص واستمتع به

القصد حاول تتحاشى التشخيص والفخر الفاضي وتذكر ان العيين حق وعش ذكي وداري على شمعتك تئيد