السلام عليكم ورحمة الله وبركاتة
ابحكي لكم قصتي مع هذا المرض اللعين لكي يستفيد من لديه نفس المشكلة
سبع اشهر من الألم المبرح في الظهر والفخذ الايمن يمتد الى اسفل القدم
نصحني الكثير بالكي وقررت اخيراً
وتحت ضغط الألم ان اكوي
الكي
رحت عند واحد في الجموم اللي وصفوه لي( قالولي وحده بوحده)
والله يااخوان كواني خمس كيات في اسفل الظهر
وفي الفخذ وفي الساق وفوق اصبع رجلي الصغير
لعب فيني لعب
كنت اقول وانا اتوجع اشم ريحت شوي
يقول ياولدي هذي ريحت المرض
استمريت اتعالج من اثار الكي شهر كامل
لدرجة ان دكتور الجراحه يقول هذي حروق من الدرجة الثانية
تخيل مع وجع عرق النسا وجع الكي
استمرت الألم والاوجاع وزاد تعبي
وقابلت قريب لي وقال موضوعك بسيط ابرسلك على واحد فلسطيني
في شمال جده يدعى ابو احمد ( يقولون وحده بوحده )
رحت عند ابو احمد طلب الف ريال وكواني كية واحده فوق اصبع رجلي
ووضع ورق فلفل ولف عليها وقال خلاص انتهت المشكلة
بعد اسبوعين فك الربطة وعيش حياتك
طلع الرجل ماعنده سالفة
زاد علية الوجع والتعب وحلفت ماعاد اكوي
التدليك
كنت اتصفح المنتدى وتصفحت موضوع لاحد الاخوان
كان لديه عرق نسا وذهب الى مدلك ورتاح
كلمته ومدح المدلك الفلبيني ( وقالي وحده بوحده )
يقع خلف مستشفى عرفان الجلسة الواحده ب 150 ريال سويت ثلاث جلسات
وكانت اكبر غلطة ارتكبتها في حياتي
بعد اخر جلسة عجزت عن المشي والجلوس واصبحت تقريباً عاجز
سادح طول اليوم
الفصد
اصبحت في حاله يرثاء لها
وفي يوم زارني احد الاخوان وقلت له سوف اذهب للمستشفى
قال لا احذر من العملية خذ نصيحتي وروح افصد
في واحد نيجيري يفصد ( يقولون وحده بوحده )
رحت انا واخوي للنيجيري وانا سادح في المقعد الخلفي للسيارة
وتمت عملية الفصد
قام النيجيري بقطع العرق من فوق الاصبع الصغير
وخلف القدم وخلف الركبة
ثلاث اماكن تم قطعها واااااااااااااااااااااه ياوجعي
قال النيجيري خلاص ان شاء الله كم يوم وانت طيب
بعد كم يوم شالوني اخواني شيل للمستشفى غير قادر على الحركة
التدخل الجراحي
ذهبت لمستشفى المستقبل عند الدكتور اسعد المطوع
تشخيص الحاله
انزلاق غضروفي مابين الفقره الرابعة والخامسة
انزلاق غضروفي مابين الفقره الخامسة ولأولى العجزية
يلزم التدخل الجراحي فوراً
الدكتور ممتاز تعاطف مع حالتي ورغم ازدحام الحالات الا انه وافق على اجراء
العملية ماشاء الله عليه تاريخ وسمعة
اللي يبي يعرف سيرته موجوده في النت
والان وبعد مرور شهر على العملية الحمد لله انا في افضل حال
وبصحه وعافيه
امشي واجلس وامارس حياتي بشكل طبيعي
احبابي الطب الشعبي ممكن يكون مفيد بس اتوقع زمااااااااااااان
اما الحين مااعتقد
ملاحظة / احذر من اي واحد يمدح شي ويقول (يقولون وحده بوحده )
15-11-2010, 09:31 PM
