الله يبارك للربحان ويعوض الخسران
والخساره الحقيقة في الدين والصحة .
انا بسوي طريقة وابي رايكم فيها
انا عندي محفظتين
المحفظة الاولى - فيها كل المبلغ واي ربح احصل عليه بحوله للمحفظة الثانية واحتفظ براس المال فقط في هذه المحفظة واذا خسرت اجلس اعوض المهم ان راس المال يكون رقم معين اذا زاد عن الرقم بالربح احول الربح واذا خسرت ونقص راس المال اجلس لين راس المال يرجع للرقم .
الثانية - بعد مااحول لها الربح اشتري سهم استثماري ويوزع ارباح واتركه ولا انظر فيه يعني لو اشتريته مثلا ب 50 ماعلي منه يزيد ينقص مايهمني لان هو ربح يعني اقول لنفسي ( زاد الربح ) او ( قل الربح ) ولو يصير سعره واحد ريال في النهاية ربح .
اتمنى وصلت الفكره بالشكل الصحيح .
-----------------------
كمان فيه شي ضروري كلنا نتعلمه وهو ( ماتدخل بكامل السيولة ) ولو دخلت تدخل بدفعات ولو بعت تبيع بدفعات الا اذا شي مضمون او واضح هذا شي ثاني .