والله ذكريات جميلة
اتذكر رحت مع ابوي الله يرحمه لمقبرة العود وكان وقتها الملك خالد مات الله يرحمه والكل بكا واتوقع وقتها مافي احد مابكا عليه الله يرحمه ويرحم موتى المسلمين اجمع .. حتى اني رحت للمقبرة اليوم الثاني لحالي
واتذكر بعد ايام التغذيه بالمدارس
واتذكر بعد طريق الرياض الدمام مهو مزفلت وكله تراب ماتوصل الا بعد يومين او اكثر
واتذكر بعد كان افخم حي بالرياض المربع
واتذكر بعد بيتنا كان بالديرة القديمة
واتذكر بعد ايام ماكبرنا شوي نروح نشتري سلك مواعين ونولع فيه وندور فيه وكانه اعياد راس السنه
واتذكر عيون البقر يمشي على المقبرة
واتذكر بعد الملطاخ لعبه قديمة
اتذكر اول لبس رياضي لبسته كان حق وزارة المعارف
من اجمل الايام ... واذا تذكرت شي راح اكتبه
الله يسعدك ياراعي الموضوع فجاه خليتني اكتب بالعامية وفجاه ذكرتني بكل شي جميل وقتها
شكرا