المشاركة الأصلية كتبت بواسطة ->شـقاوي نجـد<-
هلا ام صقر.. ليخبره قد عمرت ارض وخسرت زياده170 ألف ولو انا معطيها مشرف يخاف الله كان طلب اربعين ووفرت130 ألف عمومآآآآ لا يهمك شاليه وكلام الناس واستراحه الارض صغيره ماتكفي وحتى لو كفت مساحه الارض موقعها مع الوقت الشاليه ينتهي ويصير حي كامل وناس ساكنين معك بالحي ولو تبيعين شاليهك براس ماله محد شراه وأصلن من يبي يستأجره داخل حي هذا غير صيانته وخرابته ومسبحه و عامله ومستأجرينه من كل من هب ودب ...ف نصيحتي لك من رجال له باع طويل وعارف للعقارات والمقاولات ان قدرتي تعمرينها للسكن افضل لك اقل شي أبني دور مع تأسيس دور ثاني ومدخل سياره أبنيه على أنك تسكنينه عادي لو كلفك طبعآ لو ما حبيتي تسكنين أجريه لو كان أيجاره غالي حقه فيه لان شغلك يعرفه اللي يبي يستأجره ويدفع وتلقين من يجي من يستأجره لان شغلك متعوب عليه ولو أحتجيته بعد5 او10 سنوات يكون يحتاج تنظيف وترميم خفيف وتسكنينه كأنه جديد وغير كذا عوضك عن25 بالميه من تكاليف البناء ويمكن أكثر المهم شيلي من راسك فكره الشاليه واستراحه والأفضل بيت دورين مستقله درو فيه مدخل سياره ارضي ودور له مدخل جانبي له السطح ويكون لها عدادين كهرب حسب رخضه البناء وخزان مياه مشترك وعقد أيجارأكتروني وانتي في بيتك يوصلك الأيجاروصل الله وبارك.. من ناحيه تكلفه البناء لا تدخلين انتي وتسئلين وتكلمين الرجال والمقاولين كم وما كم انتي مره مايصلح ان كلمتي احد او طلبتي اسعار اعرفي أنهم لاعبين لاعبين عليك والله لو تحلفينهم بالمصحف خلي أحد شاطريبحث عن شخص سعودي قريب من موقع الارض او بالحي المجاور او الفلل اللي تعمر ويكون فيه خير سمعته طيبه وفاهم ووهو يتولى كل الأمور بموجب اتفاق بينكم ويتفق مع مقاول على كل مرحله عليها دفعه وهو بالأخير يكون نصيبه15 الف ريال او اقل أو اكثر شوي من يوم يحفرون الارض لين يجلون لك البلاط ألمهم أبعدي عن متابعه العمار او تخلين أحد يتابع وهو ماعمره عمر عشه دجاج خلي أحد اخوك او ولد اخوك يتفق مع واحد يستلم عنكم العمار ويحدد المده وتعطونه على كل مرحله مبلغ له وهو يسدد حق العمال او المقاول اللي اتفق معه الشخص الأمين اللي يشرف على عماركم لين يسلمكم ويكون باقي له 5 الاف تعطونه اذا صار البيت جاهز للسكن وتكون مراقبه منكم بدون تدخل هو له المخطط يسلمكم قبل نهايه المده وحسب المخطط مب تجلسون على راسه كأنكم فاهمين أكثر منه يكون عليه اشراف عظم فقط وبعد4 شهور لين يستقر العظم مع الأساسات وتربه الارض وبعدين تبدون بمرحله اللعنه وهي التشطيب وتتعاقدون معه على التشطيب وهي المتعبه مره المشرف يطلب اكثر لان النشطيب شغله اكثر من مرحله العظم العظم اسمنت ورمل وخرسانه وحديد ودفان.. التشطيب60الف شغله.. شكرأ اعتذر اني طولت او في أخطاء أملائيه الشوف شجر.. سلام عليكم.